NC22: பிரம்மாண்ட செட்டில் நாகசைதன்யா-அரவிந்த்சாமி மோதல்: வெங்கட்பிரபு பட அப்டேட்!
நடிகர் நாகசைதன்யா, அரவிந்த் சாமி நடிக்கும் படத்திற்காக பிரமாண்ட செட் போடப்பட்டுள்ளது.
நடிகர் நாகசைதன்யா, அரவிந்த் சாமி மோதும் ஆக்ஷன் காட்சிக்காக பிரமாண்ட செட் போடப்பட்டுள்ளது.
‘மாநாடு’, ‘மன்மதலீலை’ படங்களுக்கு பிறகு இயக்குநர் வெங்கட் பிரபு இயக்கி வரும் பெயரிடாத படம் NC22 என்று அழைக்கப்பட்டு வருகிறது. நாகசைதன்யா நேரடி தமிழ் படமாக உருவாகி வரும் இந்தப்படத்தில் நடிகை கீர்த்தி ஷெட்டி கதாநாயகியாக நடித்துள்ளார். வில்லனாக பிரபல நடிகர் அரவிந்த்சாமி நடிக்கிறார். முன்னதாக விஜய்சேதுபதி நடிப்பில் வெளியான ‘மாமனிதன்’ படத்திற்கு, இசையமைப்பாளர்கள் இளையராஜா மற்றும் யுவன்ஷங்கர்ராஜா ஆகிய இருவரும் இணைந்து இசையமைத்த நிலையில், இந்தப்படத்திற்காக மீண்டும் இருவரும் இணைந்து உள்ளனர்.
View this post on Instagram
தமிழ், தெலுங்கு ஆகிய இரு மொழிகளிலும் உருவாகி வரும் இந்தப்படத்தின் பூஜை கடந்த ஜூன் மாதம் நடந்தது. தொடர்ந்து படப்பிடிப்பு நடந்து வந்த நிலையில், கதையின் மிக முக்கியமான ஆக்சன் காட்சிக்காக, பிரமாண்டமாக செட் அமைக்கப்பட்டுள்ளதாம். இதற்காக நடிகர் அரவிந்த்சாமி படப்பிடிப்பில் இணைந்திருக்கிறாம். இது சம்பந்தமான ஆக்ஷன் காட்சியானது சண்டை இயக்குநர் மகேஷ் பாபு மாத்யூ மேற்பார்வையின் கீழ் படமாக்கப்பட்டு இருக்கிறதாம். கீர்த்தி ஷெட்டி, சரத்குமார் மற்றும் சம்பத் ராஜ் ஆகியோரும் இந்த ஷெட்யூலில் பங்கேற்று உள்ளனர்.
View this post on Instagram
பிரபல ஒளிப்பதிவாளர் எஸ்.ஆர்.கதிர் ஒளிப்பதிவு செய்யும் இந்தப்படத்தின் வசனங்களை அபூரி ரவி எழுதும் நிலையில், படத்தொகுப்பாளராக வெங்கட் ராஜன் கமிட் ஆகியிருக்கிறார். அதே போல சமந்தாவின் ஃபேமிலி மேன் 2 , யசோதா உள்ளிட்ட படங்களில் சண்டை இயக்குநராக பணியாற்றிய யானிக் பென்னும் இந்தப்படத்தில் மற்றொரு சண்டை இயக்குநராக பணியாற்றுகிறார். நாகசைதன்யாவின் படங்களிலேயே அதிக பொருட் செலவில் உருவாகி வருவதாக சொல்லப்படும் இந்தப்படத்தை பவன் குமார் வழங்க, ஸ்ரீனிவாசா சில்வர் ஸ்கிரீன் பேனரின் கீழ் ஸ்ரீனிவாசா சித்தூரி தயாரிக்கிறார்.
தலைப்பு செய்திகள்
ட்ரெண்டிங் செய்திகள்
