OTT Release: இந்த வாரம் ஆரவாரம்தான்.. ஓடிடியில் வரிசைக்கட்டும் 5 படங்கள்!!
OTT Release This Week Tamil: இந்த வாரம் மட்டும் மொத்தம் ஐந்து படங்கள் ஓடிடிக்கு படையெடுத்திருக்கின்றன.
வாரா வாரம் தமிழில் புது படங்கள் வெளியாவது புதிதல்ல. ஆனால் கொரோனா பரவலால் கடந்த இரண்டு வருடங்களாகவே பெரும்பாலான படங்கள் தியேட்டரில் வெளியாகாமல் ஓடிடி தளங்களில் வெளியாகின்றன.
இதற்கிடையே கொரோனா முதல் மற்றும் இரண்டாவது அலை சற்று ஓய்ந்ததை அடுத்து திரையரங்குகளில் படங்கள் வெளியாவது மீண்டும் சகஜ நிலைக்கு திரும்பியது. ஆனால் சமீபமாக கொரோனா மற்றும் ஒமிக்ரான் பரவல் தலை தூக்கியுள்ளதால் தமிழ்நாடு அரசு மீண்டும் கட்டுப்பாடுகளை இறுக்கமாக்கியுள்ளது.
இதன் காரணமாக அஜித் நடிப்பில் பொங்கலுக்கு வெளியாகவிருந்த வலிமை படம் மீண்டும் ஒத்திவைக்கப்பட்டுள்ளது. இந்த சூழலில் ஓடிடி தளங்களில் படங்கள் மீண்டும் அதிகரிக்க தொடங்கியுள்ளன. அந்தவகையில் இந்த வாரம் மட்டும் மொத்தம் ஐந்து படங்கள் ஓடிடிக்கு படையெடுத்திருக்கின்றன.
அதன்படி, இசையமைப்பாளரும், நடிகருமான ஹப்ஹாப் ஆதி நடிப்பில் உருவாகியுள்ள அன்பறிவு படம் ஹாட் ஸ்டார் ஓடிடி தளத்தில் வெளியாகியுள்ளது. சத்யஜோதி நிறுவனம் தயாரிப்பில் இயக்குனர் அட்லியிடம் உதவி இயக்குனராகப் பணிபுரிந்த அஸ்வின் ராம் இயக்கத்தில் உருவாகி உள்ளது அன்பறிவு. படத்திற்கான கதையை ஆதியே எழுதியுள்ளார். இதற்கு முன் ஆதி நடிப்பில் உருவான சிவகுமாரின் சபதம் படமும் ஹாட் ஸ்டாரில் வெளீயானது குறிப்பிடத்தக்கது.
அதேபோல், சமீபத்தில் தெலுங்கு இயக்குனர் சுகுமார் இயக்கத்தில் அல்லு அர்ஜூன் நடிப்பில் பான் இந்தியா படமாக தியேட்டர்களில் வெளியான புஷ்பா படம் அமேசான் பிரைம் ஓடிடி தளத்தில் வெளியாக உள்ளது.
இப்படத்தைத் தொடர்ந்து தெலுங்கு படங்களான வருடுகாவலேனு படம் ஜீ 5 ஓடிடி தளத்திலும், லக்ஷயா படம் ஆஹா ஓடிடி தளத்திலும் வெளியாக உள்ளது.
அதேபோல் ஜிவி பிரகாஷை வைத்து வசந்தபாலன் இயக்கி தியேட்டர்களில் வெளியான ஜெயில் படம் டெண்ட்கொட்டாய் ஓடிடி தளத்தில் வெளியாகவுள்ளது. இதன்மூலம் ஓடிடி தளத்தில் இந்த வாரம் மட்டும் ஐந்து படங்கள் வெளியாகின்றன.
மீண்டும் ஓடிடி தளங்களில் படங்கள் வெளியாவது அதிகரித்துள்ளதால் திரையரங்குகள் நிலைமை என்னவாகுமோ என்ற கவலையில் அதன் உரிமையாளர்கள் இருக்கின்றனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் வாசிக்க: Today Headlines: தமிழகத்தில் அதிகரிக்கும் கொரோனா! தெ.ஆ.டெஸ்ட் இந்தியா தோல்வி..! முக்கியச் செய்திகள் சில!
Yuvan Shankar Raja: அம்மாவின் இழப்பு.. மதுவுக்கு அடிமையான யுவன்.. மீண்டு வந்தது எப்படி?
Before You Go
Parthiban Apology | ”நான் சாதி பார்க்குறவனா? வாய் தவறி பேசிட்டேன்” பார்த்திபன் அந்தர்பல்டி
தலைப்பு செய்திகள்
ட்ரெண்டிங் செய்திகள்
