ஒத்த ஓட்டு பெற்ற பாமக வேட்பாளர்; தொண்டர்கள் அதிர்ச்சி - எங்கு தெரியுமா?

Kanchipuram Lok Sabha Election Result 2024: காஞ்சிபுரத்தில் பாமக வேட்பாளர் ஒரு பூத்தில் ஒரு வாக்குகளை மட்டும் பெற்றுள்ளார்.

ஜோதி வெங்கடேசன்

காஞ்சிபுரம் நாடாளுமன்ற தொகுதி தேர்தல் முடிவுகள் - Kanchipuram lok sabha election result 2024

நடந்து முடிந்த மக்களவைத் தேர்தலில் காஞ்சிபுரம் மக்களவைத் தொகுதியில் 17.48 லட்சம் வாக்காளர்களில், 12.53 லட்சம் வாக்காளர்கள் மட்டுமே வாக்களித்தனர். காஞ்சிபுரம் மக்களவைத் தொகுதியில் 71. 68 சதவீத வாக்குகள் பதிவாகி இருந்தது. 1932 மின்னணு வாக்கு இயந்திரங்களில் வாக்குப்பதிவு நடைபெற்றது. 

காஞ்சிபுரத்தில் களத்தில் உள்ள வேட்பாளர்கள் 

காஞ்சிபுரம் மக்களவைத் தொகுதியில் இந்தியா கூட்டணி சார்பில் திமுக வேட்பாளர் க. செல்வம், அதிமுக கூட்டணி சார்பில் அதிமுக வேட்பாளர் பெரும்பாக்கம் இராஜசேகர் , தேசிய ஜனநாயக கூட்டணியின் பாமக வேட்பாளர் ஜோதி வெங்கடேசன், நாம் தமிழர் கட்சி வேட்பாளர் சந்தோஷ் குமார் ஆகிய பிரதான வேட்பாளர்கள் காஞ்சிபுரத்தில் களத்தில் உள்ளனர். இவற்றில் திமுக- அதிமுக - பாமக ஆகிய வேட்பாளர்கள் இடையே போட்டி நிலவும் என எதிர்பார்க்கப்படுகிறது. 

காஞ்சிபுரம் நாடாளுமன்ற தொகுதி வாக்கு எண்ணிக்கை விவரம் 

காஞ்சிபுரம் நாடாளுமன்ற தொகுதியில், காஞ்சிபுரம், செங்கல்பட்டு, திருப்போரூர், உத்திரமேரூர், செய்யூர் மற்றும் மதுராந்தகம் ஆகிய சட்டமன்ற தொகுதிகள் அடங்கியுள்ளன. செங்கல்பட்டு சட்டமன்றத் தொகுதியில் 31 சுற்றுகளும், திருப்போரூர் சட்டமன்றத் தொகுதியில் 22 சுற்றுகளும், செய்யூர் சட்டமன்ற தொகுதியில் 18 சுற்றுகளும், மதுராந்தகம் சட்டமன்றத் தொகுதியில் 19 சுற்றுகளும், உத்திரமேரூர் சட்டமன்ற தொகுதியில் 23 சுற்றுகளும், காஞ்சிபுரம் சட்டமன்ற தொகுதியில் 21 சுற்றுகளும் என 134 சுற்றுகள் வாக்கிய எண்ணிக்கை நடைபெற உள்ளது. 14 மேஜைகள் இதற்காக ஏற்பாடு செய்யப்பட்டுள்ளது.

பாதுகாப்பு ஏற்பாடுகள் என்னென்ன ?

காஞ்சிபுரம் அண்ணா பல்கலைக்கழக உறுப்புக்கல்லூரியில் காஞ்சிபுரம் மக்களவைத் தொகுதிக்கான, வாக்கு எண்ணிக்கை நடைபெறுகிறது. கல்லூரி சுற்றி மூன்று அடுக்கு பாதுகாப்பு ஏற்பாடுகள் செய்யப்பட்டுள்ளன. ஆயிரத்திற்கும் மேற்பட்ட போலீசார் பாதுகாப்பு பணியில் ஈடுபடுள்ளனர். மேலும் அதிரடி படையினர் கூடுதல் பாதுகாப்பிற்காக தயார் நிலையில் காத்திருப்பார்கள் என காவல்துறை தரப்பில் தெரிவிக்கப்பட்டுள்ளது. வாக்கு எண்ணும் மையத்திற்கு முழு பரிசோதனைக்கு பிறகு முகவர்கள் அனுமதிக்கப்படுவார்கள் .

வாக்கு எண்ணிக்கை

ஒன்பதாவது சுற்றும் முடிவில் ,


திமுக வேட்பாளர் க.  செல்வம் - 231600

அதிமுக வேட்பாளர் ராஜசேகர் - 144107

பாமக வேட்பாளர் ஜோதி வெங்கடேசன் - 65134

நாம் தமிழர் கட்சி வேட்பாளர் --45335 

திமுக வேட்பாளர் செல்வம் முன்னிலையில் இருந்து வருகிறார்.

ஒரு பூத்தில் ஒரு ஓட்டு 

இந்த நிலையில் காஞ்சிபுரம் நாடாளுமன்ற தொகுதிக்கு உட்பட்ட உத்திரமேரூர் சட்டமன்ற தொகுதியில் ஒன்பதாவது சுற்றில் , பாமக வேட்பாளர் ஜோதி வெங்கடேசன் 122 வது பூத்தில் வெறும் ஒரு வாக்கு மட்டும் பெற்றிருப்பது அதிர்ச்சியை ஏற்படுத்தியுள்ளது. அந்த பூத்தில் திமுக வேட்பாளர் செல்வம் 520 வாக்குகளையும், அதிமுக வேட்பாளர் ராஜசேகர் 219 வாக்குகளையும், நாம் தமிழர் வேட்பாளர் சந்தோஷ் குமார் 54 வாக்குகளையும் பெற்றுள்ளார்.