மத்திய பணியாளர் தேர்வாணையம் போட்டித் தேர்வு - இலவச பயிற்சி வகுப்புகள் அறிவிப்பு
விழுப்புரம்: மத்தியப் பணியாளர் தேர்வாணையம் போட்டித் தேர்விற்கு விள்ணப்பித்தவர்களுக்கு பயிற்சி வகுப்புகள் - மாவட்ட ஆட்சியர் மோகன் அறிவிப்பு
மத்தியப் பணியாளர் தேர்வாணையம் போட்டித் தேர்விற்கு விள்ணப்பித்தவர்களுக்கு பயிற்சி வகுப்புகள் 01.02.2023 அன்று மாவட்ட வேலைவாய்ப்பு அலுவலகத்தில் நடைபெறுகிறது என மாவட்ட ஆட்சியர் மோகன் அறிவித்துள்ளார்.
மத்தியப் பணியாளர் தேர்வாணையத்தால் (SSC) 12,523 MTS (Multi-Tasking Non-Technical Staff) காலிப்பணியிடங்களுக்கான தேர்வு அறிவிப்பாணை வெளியிடப்பட்டுள்ளது. தேர்வுக்கு www.ssc.nic.in என்ற இணையதளம் வாயிலாக விண்ணப்பிக்க கடைசி நாள் : 17.02.2023 ஆகும். இத்தேர்விற்கான கல்வித்தகுதி, பத்தாம் வகுப்பு (10th) தேர்ச்சி ஆகும். மேலும், 01.01.2023 அன்றைய நிலையில் எஸ்.சி. எஸ்.டி பிரிவினர் 30 வயதிற்குள்ளும் இதர பிற்படுத்தப்பட்ட வகுப்பினர் 28 வயதிற்குள்ளும் மற்றும் பொது பிரிவினர் 25 வயதிற்குள்ளும் ஒருத்தல் வேண்டும். முன்னாள் இராணுவத்தினர் மற்றும் மாற்றுதிறனாளிகளுக்கு நடைமுறை விதிகளின் படி வயது வரம்பில் சலுகைவழங்கப்பட்டுள்ளது.
தேர்வுக் கட்டணமாக ரூபாய் 100 நிர்ணயம் செய்யப்பட்டுள்ளது. இதில் பெண்கள், எஸ்.சி, எஸ்.டி, வகுப்பினர் மற்றும் மாற்றுத்திறனாளிகளுக்கு கட்டணம் செலுத்துவதிலிருந்து விலக்கு அளிக்கப்பட்டுள்ளது. மேலும், இத்தேர்வினை தமிழ் மொழியிலும் எழுத மத்தியப் பணியாளர் தேர்வாணையம் அனுமதித்துள்ளது. விழுப்புரம் மாவட்டத்தைச் சார்ந்த தகுதியும் விருப்பமும் உள்ள பத்தாம் வகுப்பு தேர்ச்சி பெற்ற இளைஞர்கள் அதிக அளவில் இத்தேர்வுக்கு விண்ணப்பிக்கும் வகையில் விழுப்புரம் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் சேவை மையம் (Facilitation Centre) அமைக்கப்பட்டுள்ளது. மேலும், இத்தேர்வுக்கு விண்ணப்பித்தவர்களுக்கு 0102.2023 அன்று காலை 10.00 மணியளவில் இலவசப் பயிற்சி வகுப்புகள் துவங்கப்பட உள்ளன. இது தொடர்பான விவரங்களுக்கு 04146 - 226417 என்ற தொலைபேசி எண்ணில் அல்லது 9499055906 என்ற அலைபேசி எண்ணில் தொடர்பு கொள்ளலாம். விழுப்புரம் மாவட்டத்தைச் சார்ந்த இளைஞர்கள் அதிக அளவில் இத்தேர்விற்கு விண்ணப்பிக்குமாறும், இலவசப்பயிற்சி வகுப்பில் கலந்துகொண்டு பயன்பெறுமாறு விழுப்புரம் மாவட்ட ஆட்சியர் மோகன் தெரிவித்துள்ளார்.
என்ன செய்ய வேண்டும்?
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
