![ABP Premium](https://cdn.abplive.com/imagebank/Premium-ad-Icon.png)
12th Answer Sheet Copy: பிளஸ் 2 மாணவர்களே... நாளை வெளியாகும் விடைத்தாள் நகல்- பெறுவது எப்படி?
மாணவர்கள் தங்களின் விடைத்தாள் நகலினை நாளை (மே 28) பிற்பகல் முதல் www.dge.tn.gov.in என்ற இணையதளத்திற்குச் சென்று பெறலாம்.
![12th Answer Sheet Copy: பிளஸ் 2 மாணவர்களே... நாளை வெளியாகும் விடைத்தாள் நகல்- பெறுவது எப்படி? Tamil Nadu 12th Result 2024 Answer Sheet Copy From Tomorrow May 28th Know How To Get TN Plus Two Answer Sheet Copy 12th Answer Sheet Copy: பிளஸ் 2 மாணவர்களே... நாளை வெளியாகும் விடைத்தாள் நகல்- பெறுவது எப்படி?](https://feeds.abplive.com/onecms/images/uploaded-images/2024/05/27/86e6d0eb1394551d10e458b1c6b1b9d81716803655097332_original.jpg?impolicy=abp_cdn&imwidth=1200&height=675)
பிளஸ் 2 தேர்வு எழுதிய மாணவர்களுக்கு நாளை விடைத்தாள் நகல் வெளியாக உள்ளதாக அரசுத் தேர்வுகள் இயக்ககம் அறிவித்துள்ளது. இதைப் பெறுவது எப்படி என்று காணலாம்.
இதுகுறித்து அரசுத் தேர்வுகள் இயக்ககம் தெரிவித்து உள்ளதாவது:
‘’மேல்நிலை இரண்டாமாண்டு தேர்வு, மார்ச் மாதம் நடைபெற்றது. இந்தத் தேர்வு முடிவுகள் அண்மையில் வெளியான நிலையில் விடைத்தாள் நகல் கோரி விண்ணப்பித்த மாணவர்களின் விடைத்தாள் நகலினை நாளை (மே 28) பிற்பகல் முதல் www.dge.tn.gov.in என்ற இணையதளத்திற்குச் சென்று பெறலாம்.
பெறுவது எப்படி?
தேர்வர்கள் Notification-ஐ Click செய்தவுடன் HSE Second Year Exam, March 2024- Scripts Download" என்ற வாசகத்தினை "Click" செய்ய வேண்டும். அதில் தோன்றும் பக்கத்தில் தங்களது பதிவெண் மற்றும் பிறந்த தேதியினைப் பதிவு செய்து தாங்கள் விண்ணப்பித்த பாடங்களுக்குரிய விடைத் தாள்களின் நகலினைப் பதிவிறக்கம் செய்து கொள்ளலாம்.
விடைத் தாள்களின் நகலினை பதிவிறக்கம் செய்த பிறகு மறுகூட்டல் அல்லது மறுமதிப்பிட்டிற்கு விண்ணப்பிக்க விரும்பினால், இதே இணையதள முகவரியில் “Application for Retotalling / Revaluation” என்ற தலைப்பினை க்ளிக் செய்து வெற்று விண்ணப்பத்தினைப் பதிவிறக்கம் செய்து கொள்ள வேண்டும்.
தேர்வர்கள்பதிவிறக்கம் செய்யப்பட்ட விண்ணப்பப் படிவத்தினை பூர்த்தி செய்து, அதனை மே 29 பிற்பகல்1.00 மணி முதல் ஜூன் 1 வரையிலான நாட்களில் மாலை 5.00 மணிக்குள் சம்பந்தப்பட்ட மாவட்ட அரசுத் தேர்வுகள் உதவி இயக்குநர் அலுவலகத்தில் ஒப்படைக்க வேண்டும். அங்கேயே மறுகூட்டல் மற்றும் மறு மதிப்பீட்டுக்கான கட்டணத்தைச் செலுத்த வேண்டும்.
மாவட்ட அரசுத் தேர்வுகள் உதவி இயக்குநர் அலுவலகத்தில் சம்பந்தப்பட்ட முதன்மைக் கல்வி அலுவலர் அலுவலகத்திலும் ஒப்படைக்க வேண்டும்.
தென்காசி, கள்ளக்குறிச்சி, திருப்பத்தூர், இராணிப்பேட்டை, மயிலாடுதுறை, செங்கல்பட்டு மாவட்டங்களில் சம்பந்தப்பட்ட முதன்மைக் கல்வி அலுவலர் அலுவலகத்தில் விண்ணப்பப் படிவத்தை ஒப்படைக்க வேண்டும். மறுகூட்டல் மற்றும் மறுமதிப்பீட்டிற்கான கட்டணத்தினைப் பணமாகச் செலுத்த வேண்டும்.
மறுமதிப்பீடு
பாடம் (ஒவ்வொன்றிற்கும்) - ரூ. 505/-
மறுகூட்டல்-॥
உயிரியல் பாடம் மட்டும் - ரூ.305/-
ஏனைய பாடங்கள் (ஒவ்வொன்றிற்கும்) - ரூ.205/-’’
இவ்வாறு அரசுத் தேர்வுகள் இயக்ககம் தெரிவித்துள்ளது.
கூடுதல் விவரங்களுக்கு: https://www.dge.tn.gov.in/
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)