இந்தியாவில் STEM கல்வி: ஒரு கோடியை தாண்டிய மாணவர் சேர்க்கை, பெண்கள் பங்களிப்பு எவ்ளோ தெரியுமா?

இந்தியாவில் STEM படிப்புகளில் 1 கோடியைத் தாண்டிய மாணவர் சேர்க்கை பெண்களின் பங்கு 44% ஆக உயர்வு

மாணவர்கள் | கோப்புப்படம்

Source : ABPLIVE AI

இந்தியாவில் அறிவியல், தொழில்நுட்பம், பொறியியல் மற்றும் கணிதம் (STEM) சார்ந்த உயர்கல்விப் படிப்புகளில் சேர்ந்த மாணவர்களின் எண்ணிக்கை முதல்முறையாக 1 கோடியைத் தாண்டியுள்ளதாக மத்திய கல்வி அமைச்சகம் தெரிவித்துள்ளது. இதில் பெண்களின் பங்களிப்பு 44 சதவீதமாக உயர்ந்துள்ளது. இந்த எண்ணிக்கை 2014- 15ஆம் ஆண்டில் 91.5 லட்சமாக உயர்ந்துள்ளது.

மத்திய அரசு வெளியிட்டுள்ள 2023-24ஆம் ஆண்டுக்கான அகில இந்திய உயர்கல்வி கணக்கெடுப்பு (AISHE) அறிக்கையில் இந்த அதிகாரப்பூர்வ புள்ளிவிவரங்கள் இடம்பெற்றுள்ளன.

அறிக்கையில் இடம்பெற்றுள்ள முக்கியத் தகவல்கள்

நாட்டின் மொத்த உயர்கல்வி மாணவர் சேர்க்கை 2020-21ல் 14 கோடியாக இருந்த நிலையில், 2023- 24ல் 4.33 கோடியாக அதிகரித்துள்ளது. 2014-15ஆம் ஆண்டுடன் (3.42 கோடி) ஒப்பிடுகையில் இது 26.5% வளர்ச்சியாகும்.

பெண்கள் சேர்க்கை

உயர் கல்வியில் பெண்களின் சேர்க்கை கடந்த ஆண்டை விட அதிகரித்து 2.07 கோடியாக உயர்ந்துள்ளது. 2014-15 முதல் பார்த்தால் பெண்களின் சேர்க்கை 32% அதிகரித்துள்ளது.

18 முதல் 23 வயதுக்கு உட்பட்டோருக்கான மொத்த மாணவர் சேர்க்கை விகிதம்3 சதவீதத்திலிருந்து 28.4 சதவீதமாக முன்னேற்றம் கண்டுள்ளது.

2014-15 உடன் ஒப்பிடும்போது, பட்டியலின மாணவர் சேர்க்கை 44% அதிகரித்து 23 லட்சமாகவும், பழங்குடியின மாணவர் சேர்க்கை 65.2% அதிகரித்து 27.1 லட்சமாகவும், இதர பிற்படுத்தப்பட்ட வகுப்பினரின் சேர்க்கை 45% அதிகரித்து 1.63 கோடியாகவும் உயர்ந்துள்ளது. சிறுபான்மையினர் சேர்க்கையும் 38% அதிகரித்துள்ளது.

மொத்தமுள்ள 98 லட்சம் ஆசிரியர்களில், ஒவ்வொரு 100 ஆண் ஆசிரியர்களுக்கும் 56.6 பெண்ஆசிரியர்கள் என்ற விகிதம் காணப்படுகிறது.

உயர் கல்வி சேர்க்கை எப்படி?

மொத்த மாணவர்களில் இளங்கலை படிப்புகளில் 78.9 சதவீதத்தினரும், முதுகலை படிப்புகளில் 12.1 சதவீதத்தினரும் இணைந்துள்ளனர். பிஎச்.டி படிப்புகளில் சேர்ந்தவர்களின் எண்ணிக்கை 81.2% அதிகரித்து 2.12 லட்சமாக உயர்ந்துள்ளது. ஒட்டுமொத்தமாக கலை, அறிவியல் மற்றும் வணிகவியல் படிப்புகளிலேயே அதிக மாணவர்கள் சேர்ந்துள்ளனர்.

 இந்தியாவில் 1,289 பல்கலைக்கழகங்கள், 48,246 கல்லூரிகள் மற்றும் 15,221 தனித்த கல்வி நிறுவனங்கள் உள்ளன. இதில் 1,278 பல்கலைக்கழகங்களும் 46,468 கல்லூரிகளும், 11,787 கல்வி நிறுவனங்களும் கணக்கெடுப்பில் கலந்துகொண்டது குறிப்பிடத்தக்கது.