புதுச்சேரியில் அதிகரிக்கும் கொரோனா தொற்று - ஜனவரி 31 வரை பள்ளி, கல்லூரிகள் மூடல்

புதிய உச்சமாக இன்று ஒரே நாளில் கொரோனா தொற்றால் பாதிக்கப்பட்டோர் எண்ணிக்கை 2 ஆயிரத்தைத் தாண்டியது

செய்தியாளர் சந்திப்பில் நமச்சிவாயம்

புதுச்சேரியில் கொரோனா நோய்த்தொற்று அதிகரித்து வருவதால் பள்ளி, கல்லூரிகள் இன்று முதல் மூடப்படுவதாகவும், வரும் 31 ஆம் தேதி வரை விடுமுறை விடப்பட்டு ஆன்லைனில் பாடங்கள் நடத்தப்படும் என்றும் கல்வித்துறை அமைச்சர் நமச்சிவாயம் தெரிவித்தார். புதுவையில் புத்தாண்டுக்குப் பிறகு கொரோனா தொற்று வெகுவேகமாகப் பரவி வருகிறது. நாள்தோறும் தொற்றால் பாதிக்கப்படுவோர் எண்ணிக்கை ஆயிரத்தைத் தாண்டி வந்தது. இந்த நிலையில் இந்த ஆண்டின் புதிய உச்சமாக இன்று ஒரே நாளில் கொரோனா தொற்றால் பாதிக்கப்பட்டோர் எண்ணிக்கை 2 ஆயிரத்தைத் தாண்டியது. இந்த நிலையில் நேற்றும் தொற்றால் சிகிச்சை பலனின்றி 3 பேர் இறந்துள்ளனர். புதுவையில் பரிசோதனை செய்யும் 3 பேரில் ஒருவருக்கு  தொற்று உறுதியாகி வருகிறது. இது பரிசோதனையில் 34.72 சதவீதமாகும்.

புதுவை மாநிலத்தில் தற்போது தொற்றால் பாதிக்கப்பட்டோர் எண்ணிக்கை 10 ஆயிரத்தைத் தாண்டியுள்ளது. ஏற்கெனவே 1 முதல் 9 ஆம் வகுப்பு வரை விடுமுறை விடப்பட்டாலும், கொரோனா தடுப்பூசி போடப்படுவதால் 10,11,12 ஆம் வகுப்புகள் நடந்து வந்தன. இந்நிலையில் தொற்று அதிகரிப்பால் கல்வித்துறை உயர் அதிகாரிகளுடன் கல்வியமைச்சர் நமச்சிவாயம் ஆலோசனை நடத்தினார்.

Alanganallur Jallikattu : விடாமல் போராடிய இளைஞர்.. தூக்கியெறிந்த காளை

அதையடுத்து அவர் கூறுகையில், கொரோனா நோய் தொற்று அதிகரித்து வருவதால் 10, 11, 12 ஆகிய வகுப்புகளுக்கும், கல்லூரிகளுக்கும் இன்று முதல் ஜனவரி 31-ம் தேதி வரை விடுமுறை அளிக்கப்படுகிறது. பள்ளிகளுக்கு விடுமுறை அறிவிக்கப்பட்டாலும் ஆன்லைன் மூலம் பாடங்கள் நடத்தப்படும். இதுவரை பள்ளிகளில் 60 சதவீத மாணவர்களுக்கு சிறார் தடுப்பூசி போடப்பட்டுள்ளது. மீண்டும் பள்ளிகள் திறக்கப்படும்போது மாணவர்களுக்குத் தடுப்பூசி முகாம் நடத்தப்படும் என்று குறிப்பிட்டார்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண