CAT 2023 Admit Card: எம்பிஏ கேட் தேர்வுக்கான ஹால் டிக்கெட் வெளியீடு; பெறுவது எப்படி?
எம்பிஏ படிப்புகளில் சேர நடத்தப்படும் கேட் நுழைவுத் தேர்வுக்கான அனுமதிச் சீட்டு வெளியாகி உள்ளது. இதைத் தரவிறக்கம் செய்வது எப்படி என்று பார்க்கலாம்.
எம்பிஏ படிப்புகளில் சேர நடத்தப்படும் கேட் நுழைவுத் தேர்வுக்கான அனுமதிச் சீட்டு வெளியாகி உள்ளது. இதைத் தரவிறக்கம் செய்வது எப்படி என்று பார்க்கலாம்.
கேட் நுழைவுத் தேர்வை அடிப்படையாகக் கொண்டு நாடு முழுவதும் உள்ள ஐ.ஐ.எம்.கள் மற்றும் பிசினஸ் பள்ளிகளில் மேலாண்மைப் படிப்புகளில் சேர்க்கை நடத்தப்படுகிறது. குறிப்பாக அகமதாபாத், அமிர்தசரஸ், பெங்களூரு, புத்தகயா, கல்கத்தா, இந்தூர், ஜம்மு, காஷிபூர், கோழிக்கோடு, லக்னோ, நாக்பூர், ராய்ப்பூர், ராஞ்சி, ரோஹ்டக், சம்பல்பூர், ஷில்லாங், சிர்மவுர், திருச்சி, உதய்பூர், விசாகப்பட்டிணம் ஆகிய இடங்களில் உள்ள ஐஐஎம்களில் மாணவர் சேர்க்கை நடைபெறுகிறது. இந்த ஆண்டுக்கான கேட் தேர்வு நவம்பர் 26ஆம் தேதி நடைபெற உள்ளது.
என்ன தகுதி?
இந்தத் தேர்வுக்கு விண்ணப்பிக்கும் விண்ணப்பதாரர்கள் அங்கீகரிக்கப்பட்ட பல்கலைக்கழகத்தில் இளங்கலை பட்டப் படிப்பில் குறைந்தபட்சம் 50% மதிப்பெண்கள் அல்லது அதற்கு சமமான சி.ஜி.பி.ஏ.வைப் பெற்றிருக்க வேண்டும். தாழ்த்தப்பட்ட, பழங்குடியின, மாற்றுத்திறனாளி மாணவர்கள் இட ஒதுக்கீட்டின்கீழ் குறைந்தபட்சம் 45 சதவீத மதிப்பெண்களைப் பெற்றிருக்க வேண்டும்.
முன்னதாக முதுகலை மேலாண்மைப் படிப்புகளில் சேருவதற்காக நடத்தப்படும் கேட் தேர்வுக்கு விண்ணப்பப் பதிவு ஆகஸ்ட் 2ம் தேதி தொடங்கியது. விண்ணப்பப் பதிவுக்கான கால அவகாசம் செப்டம்பர் 14 ஆக இருந்த நிலையில், செப்டம்பர் 21ஆம் தேதி வரை கால அவகாசம் நீட்டிக்கப்பட்டது.
கேட் 2023-க்கான அனுமதிச் சீட்டு இன்று வெளியாகி உள்ளது. தேர்வு முடிவுகள் 2024ஆம் ஆண்டு ஜனவரி இரண்டாம் வாரத்தில் வெளியாகலாம் என்று எதிர்பார்க்கப்படுகிறது.
3 கட்டங்களாகத் தேர்வு
பொது நுழைவுத் தேர்வு தேர்வு 3 கட்டங்களாக நடைபெற உள்ளது. குறிப்பாக காலை 8.30 மணி முதல் 10.30 மணி வரை முதல்கட்டத் தேர்வும் 2ஆவது கட்டத் தேர்வு 12.30 முதல் 2.30 மணி வரையும் மாலை 4.30 மணி முதல் 6.30 மணி வரையிலும் நடைபெற உள்ளது.
தேர்வு முறை எப்படி?
3 வகைமைகளில் கேட் தேர்வு நடைபெறுகிறது. வாய்மொழித் திறன் மற்றும் வாசிப்பு புரிதல் (VARC), தரவு விளக்கம் மற்றும் லாஜிக்கல் ரீசனிங் (DILR) மற்றும் அளவு திறன் (QA) ஆகியவற்றில் தேர்வு நடைபெறுகிறது.
என்னென்ன ஆவணங்கள் கட்டாயம்?
* அனுமதிச் சீட்டு
* செல்லுபடியாகும் புகைப்பட அடையாளச் சான்று
* சுய அறிவிப்பு படிவம்
* PwD சான்றிதழ் (தேவைப்பட்டால்)
CAT தேர்வுக்கூடத்தில் அனுமதிக்கப்பட்ட பிற பொருட்கள்:
* டிசைன்கள் இல்லாத தண்ணீர் பாட்டில்
* முகக்கவசம்
* கை சுத்திகரிப்பான் (50 மிலி)
தரவிறக்கம் செய்வது எப்படி?
* தேர்வர்கள் https://cdn.digialm.com/EForms/configuredHtml/756/84433/login.html என்ற இணைப்பை க்ளிக் செய்யவும்.
* அதில், யூசர் ஐடி, பாஸ்வேர்டு ஆகியவற்றை உள்ளிடவும்.
* அனுமதிச் சீட்டை பதிவிறக்கம் செய்து, பயன்படுத்திக் கொள்ளலாம்.
கூடுதல் விவரங்களுக்கு: https://iimcat.ac.in/
தலைப்பு செய்திகள்
ட்ரெண்டிங் செய்திகள்
