Watch video : சம்பளம் தராத முதலாளி..! பென்ஸ் காருக்கு தீ வைத்து கொளுத்திய ஊழியர்..!
உத்தரபிரதேசத்தில் சம்பளம் தராத முதலாளியின் பென்ஸ் காருக்கு ஊழியர் தீ வைத்து கொளுத்திய வீடியோ சமூக வலைதளங்களில் வைரலாகி வருகிறது.
உத்தரபிரதேசத்தில் அமைந்துள்ளது நொய்டா. நொய்டாவில் கவுதமபுத்தா நகர் உள்ளது. இந்த பகுதியில் நிறுத்தப்பட்டிருந்த விலையுயர்ந்த சொகுசு காரான பென்ஸ் கார் முன்பகுதியில் தீப்பற்றி எரிந்த நிலையில் சேதமடைந்து இருந்தது.
இதையடுத்து, வீட்டிற்கு வெளியில் வந்து பார்த்த காரின் உரிமையாளர் கார் தீப்பற்றி எரிந்ததை கண்டு அதிர்ச்சியடைந்துள்ளார். இந்த காரின் உரிமையாளர் ஆயுஷ். இவர் தனது கார் தீப்பற்றி எரிந்த இடத்திற்கு அருகில் இருந்த சிசிடிவி காட்சிகளை ஆய்வு செய்தார். அப்போது, இரு சக்கர வாகனத்தில் வந்த நபர் ஒருவர், பென்ஸ் கார் மீது மண்ணெண்ணெயை ஊற்றிவிட்டு தீயைப் பற்றி வைத்தது தெரியவந்தது.
#Noida मिस्त्री ने दिखाया बदला लेने की परम्परा है उसके यहाँ
— Aviral Singh (@aviralsingh7777) September 14, 2022
मिस्त्री ने मर्सिडीज कार में आग लगा दी।
कार मालिक ने अपने घर में टाइल्स लगवाए लेकिन पैसे पूरे नहीं दिए थे।
मिस्त्री ज़रूर पूर्वांचल का होगा !#ViralVideo @Uppolice #UttarPradesh @myogiadityanath @PankajSinghBJP pic.twitter.com/nkX0PB4t4O
ஆயுஷ் அந்த பகுதியில் மிகப்பெரிய தொழிலதிபராக உள்ளார். இவரது வீடு மறு புனரமைப்பு பணிகள் தற்போது நடைபெற்று வருகிறது. இதற்காக வீட்டில் டைல்ஸ் ஒட்டும் பணி நடைபெற்றுள்ளது. இந்த பணிகளை ரன்வீர் என்பவர் மேற்கொண்டுள்ளார்.
இதற்காக, 5 லட்சத்தை வழங்கிய ஆயுஷ் எஞ்சிய பணமான 2.2 லட்ம் ரூபாய் பணத்தை தராமல் இழுக்கடித்து வந்துள்ளார். பணத்தை வாங்குவதற்காக ரன்வீரும், ஆயுசை சந்திப்பதற்காக பல முறை சென்றுள்ளார். ஆனால், ஆயுஷ் பணத்தை தராமல் இழுக்கடித்து வந்துள்ளார். தன்னைத் தொடர்ந்து அலைக்கழித்து பணத்தை தராமல் இழுத்தடித்த ஆயுஷ் மீது ஆத்திரம் கொண்ட ரன்வீர், அவரது பென்ஸ் காருக்கு தீ வைத்துள்ளார். ஆயுஷின் காருக்கு ரன்வீர் தீ வைத்த வீடியோ தற்போது சமூக வலைதளங்களில் வைரலாகி வருகிறது.
இந்த தீ விபத்தில் காரின் முன்பக்கம் மட்டுமே சேதம் அடைந்தது. பெரியளவில் தீ பற்றி எரிந்திருந்தால் முழு காரும் சேதம் அடைந்திருப்பது மட்டுமின்றி பெரும் சேதம் ஏற்பட்டிருக்கவும் வாய்ப்பு உண்டு. இநத சம்பவம் தொடர்பாக ஆயுஷ் காவல்துறையினரிடம் புகார் அளித்துள்ளார். இந்த சம்பவம் தொடர்பாக போலீசார் விசாரணை மேற்கொண்டு வருகின்றனர்.
மேலும் படிக்க : சினிமா ஆசை; குளிர்பானத்தில் மயக்க மருந்து; பலமுறை உல்லாசம் - கல்லூரி மாணவிக்கு நடந்த பகீர் சம்பவங்கள்!
மேலும் படிக்க : திண்டுக்கல்: காந்தி காய்கறி மார்க்கெட்டில் சுமை தூக்கும் தொழிலாளர்கள் 4 பேருக்கு அரிவாள் வெட்டு
தலைப்பு செய்திகள்
ட்ரெண்டிங் செய்திகள்
