(Source: ECI / CVoter)
குளத்தில் மண் அள்ளிய விவகாரத்தில் புகார் கொடுத்தவர் மீது தாக்கு.. அட்டகாசம் செய்த ஊராட்சி மன்ற தலைவரின் கணவர்!
மயிலாடுதுறை அருகே ஊராட்சி மன்ற தலைவரின் கணவர் தனது ஆதரவாளர்களுடன் மற்றோரு தரப்பினரை கொலை வெறி தாக்குதல் நடத்திய சம்பவம் பரபரப்பை ஏற்படுத்தியுள்ளது.
மயிலாடுதுறை மாவட்டம் குத்தாலம் அடுத்த பாலையூர் காவல் சரகத்துக்கு உட்பட்ட கோமல் கிராமத்தில் ஊராட்சிமன்றத் தலைவராக உள்ளவர் எழிலரசி. இவரது கணவர் திமுகவை சேர்ந்த பாலசுப்பிரமணியன் கடந்த 3 ஆண்டுகளுக்கு முன்பு அக்கிராம நாட்டாமையாக இருந்துள்ளார். அப்போது கோமல் கிராமத்தில் திருமண மண்டபம் கட்டுவதாகக் கூறி, அப்பகுதியில் உள்ள குளத்தில் மண் எடுத்து விற்பனை செய்ததாக கூறப்படுகிறது. ஆனால், அந்த பணத்தில் தொடங்கப்பட்ட திருமண மண்டபம் கட்டும் பணி பாதியில் நிறுத்தப்பட்டது.
அதனைத் தொடர்ந்து திருமண மண்டபம் கட்டுமானப் பணிக்கு செய்யப்பட்ட செலவைவிட கூடுதலாக வசூலிக்கப்பட்ட 40 லட்சம் ரூபாய் பணத்துக்கு பாலசுப்பிரமணியனிடம் கிராமமக்கள் கணக்கு கேட்டுள்ளனர். ஆனால், அவர் உரிய கணக்கு காட்டவில்லை எனக்கூறப்படுகிறது. இதனால், அவரை கிராம நாட்டாமை பொறுப்பில் இருந்து கிராமமக்கள் நீக்கியுள்ளனர். இதனால் இது தரப்பினரிடையே முன்விரோதம் இருந்துள்ளது.
இந்நிலையில், பாலசுப்பிரமணியன் ஊராட்சி மன்ற அலுவலகத்துக்கு புதிய கட்டடம் கட்டுவதற்காக அவரது வீட்டின் கொல்லையில் நேற்று முன்தினம் உரிய அனுமதி இன்றி மண் எடுத்துள்ளார். இதையடுத்து, கோமல் வடக்குத்தெருவைச் சேர்ந்த செல்வராஜ் (60), குணசேகர் (43) ஆகியோர் தட்டிக்கேட்டதுடன், இதுகுறித்து, பாலையூர் காவல் நிலையத்துக்கு புகார் தெரிவித்துள்ளார். இந்த சூழலில் இதனால் ஆத்திரமடைந்த பாலசுப்பிரமணியன் நேற்று அவரது ஆதரவாளர்கள் 15 பேருடன் அரிவாள், உருட்டுக்கட்டை, கல் ஆகியவற்றை கொண்டு செல்வராஜ் மற்றும் குணசேகரனை கடுமையான தாக்கியுள்ளனர்.
Japan: ஒரு வருடமாக நாய் உடையில் நாயாகவே வாழ்ந்து வரும் நபர்: நண்பர்களுக்கு கூட தெரியாதாம்!
இதில், செல்வராஜ் மற்றும் குணசேகர் ஆகியோர் தலையில் அரிவாள் வெட்டுபட்டு படுகாயம் அடைந்தனர். இதையடுத்து, அவர்கள் இருவரையும் அவரது உறவினர்கள் மீட்டு மயிலாடுதுறை அரசு பெரியார் மருத்துவமனையில் சிகிச்சைக்காக அனுமதித்துள்ளனர். மேலும், லேசான காயமடைந்த சிலர் முதலுதவி பெற்று வீடு திரும்பினர். இந்நிலையில், செல்வராஜ் மற்றும் குணசேகரன் மீது பாலசுப்பிரமணியன் மற்றும் அவரது ஆதரவாளர்கள் கொலைவெறி தாக்குதல் நடத்தும் வீடியோ தற்போது சமூக வலைதளங்களில் வைரலாக பரவி வருகிறது.
இந்நிலையில் தாக்குதலில் ஈடுபட்ட பாலசுப்பிரமணியன், அவரது மகன் ராம்குமார், ரஞ்சித், காமராஜ் ஆகிய 4 பேர் மீது பாலையூர் காவல்துறையினர் வழக்கு பதிவு செய்து விசாரணை மேற்கொண்டுள்ளனர். இந்நிலையில் தாக்குதலில் ஈடுபட்ட பாலசுப்பிரமணியன் உள்ளிட்ட அனைவரையும் கைது செய்ய வேண்டும் என பாதிக்கப்பட்ட மக்கள் கோரிக்கை விடுத்துள்ளனர்.
மேலும் பல சுவாரஸ்யமான செய்திகளை காண :
Follow @ Google News : கூகுள் செய்திகள் பக்கத்தில் ABP நாடு செய்திகளை உடனுக்குடன் பெற
தலைப்பு செய்திகள்
ட்ரெண்டிங் செய்திகள்
