RBI Plans Plastic Notes: கள்ளநோட்டு கும்பலுக்கு ஆப்பு.! புதிய பிளாஸ்டிக் ரூபாய் நோட்டுகளை அறிமுகப்படுத்த RBI திட்டம்.? விவரம்
இந்திய ரிசர்வ் வங்கி பிளாஸ்டிக் நோட்டுகளை அறிமுகப்படுத்துவது குறித்து பரிசீலித்து வருகிறது. இந்த நோட்டுகள் காகித நோட்டுகளை விட அதிக காலம் உழைக்கக்கூடியவை. மேலும் இவற்றின் கள்ளநோட்டு தயாரிப்பதும் மிகவும் கடினம்.
இன்றைய காலகட்டத்தில், நாம் அன்றாடம் பயன்படுத்தும் காகித நோட்டுகள் மிக விரைவாக சேதமடைகின்றன. குறிப்பாக, அடிக்கடி கைமாறும் 10 ரூபாய் மற்றும் 20 ரூபாய் நோட்டுகள், சில மாதங்களுக்குள்ளேயே கருப்பாகி, அழுக்காகி, கிழிந்து, பழையதாகி, சேதமடைந்துவிடுகின்றன. இந்தப் பிரச்னையைக் கருத்தில் கொண்டு, இந்திய ரிசர்வ் வங்கி (RBI) மீண்டும் பிளாஸ்டிக் அல்லது பாலிமர் நோட்டுகளை அறிமுகப்படுத்துவது குறித்து பரிசீலித்து வருகிறது. இங்கு, காகித நோட்டுகளுக்கும், பிளாஸ்டிக் நோட்டுகளுக்கும் என்ன வித்தியாசம் என்ற கேள்வி எழுகிறது. மேலும், காகித நோட்டுகளை விட, பிளாஸ்டிக் நோட்டுகள் அதிக காலம் நீடிக்குமா.? முழு விவரங்களையும் தெரிந்துகொள்வோம்.
காகித நோட்டுடன் ஒப்பிடும்போது பிளாஸ்டிக் நோட்டின் ஆயுட்காலம் எவ்வளவு.?
பொதுவாக, காகிதம் அல்லது பருத்தி நோட்டுகள் நல்ல நிலையில் ஒன்றரை முதல் இரண்டு ஆண்டுகள் மட்டுமே நீடிக்கும். மேலும், சிறிய நோட்டுகளின் ஆயுட்காலம் இன்னும் குறைவாகவே இருக்கும். மறுபுறம், பிளாஸ்டிக் நோட்டுகள் காகித நோட்டுகளை விட ஏறக்குறைய இரண்டரை முதல் நான்கு மடங்கு அதிக காலம் நீடிக்கும். சில சமயங்களில், இந்த நோட்டுகளை ஏழு ஆண்டுகள் அல்லது அதற்கும் மேலாக பயன்படுத்தலாம். இதற்கு முக்கிய காரணம், பிளாஸ்டிக் நோட்டுகள் தண்ணீர், வியர்வை அல்லது அழுக்கை எளிதில் உறிஞ்சுவதில்லை. இதனால், அவை சிதைவடைவதற்கான வாய்ப்பு குறைவாக உள்ளது.
மேலும், இந்த நோட்டுகள் எளிதில் கிழியாதவை மற்றும் அதிக நீடித்து உழைக்கக்கூடியவை என கருதப்படுகின்றன. சில நாடுகளில், பிளாஸ்டிக் நோட்டுகளை சலவை இயந்திரத்தில் போட்டாலும் சேதமடையாமல் இருக்கும்.
இது இந்தியாவில் எப்போது தொடங்கியது.? தற்போதைய திட்டம் என்ன.?
2012-13 ஆம் ஆண்டில், மத்திய அரசு பிளாஸ்டிக் 10 ரூபாய் நோட்டை சோதனை அடிப்படையில் அறிமுகப்படுத்தியது. இது கொச்சி, மைசூர், ஜெய்ப்பூர், புவனேஸ்வர் மற்றும் சிம்லா ஆகிய ஐந்து நகரங்களில், மாறுபட்ட வானிலை நிலைகளின் கீழ் சோதிக்கப்பட்டது.
இருப்பினும், தொழில்நுட்பச் சிக்கல்கள் காரணமாக, அந்த நேரத்தில் இத்திட்டம் நிறுத்தப்பட்டது. பிளாஸ்டிக் நோட்டுகளை அச்சிடுவது செலவு மிக்கதாக இருந்தாலும், அவற்றின் நீண்ட ஆயுள் காரணமாக, அவை நீண்ட கால அடிப்படையில் அரசாங்கத்தின் செலவுகளை குறைக்கும். மேலும், கள்ளநோட்டு தயாரிப்பாளர்கள் பிளாஸ்டிக் நோட்டுகளை போலியாக உருவாக்குவது மிகவும் கடினம்.
அதனால், இந்திய ரிசர்வ் வங்கி பிளாஸ்டிக் நோட்டுகளை அறிமுகப்படுத்தினால் நன்றாகத் தான் இருக்கும். நாமும் அதை கிழியுமோ, அழுக்காகிவிடுமோ என்ற பயமில்லாமல் எடுத்துச் செல்லலாம். அப்படியே அழுக்காகிவிட்டாலும் அவற்றை துவைத்துக்கொள்ளலாம்.!
தலைப்பு செய்திகள்
ட்ரெண்டிங் செய்திகள்
