Gold and silver rate today : தங்கத்தின் விலை அதிரடியாக குறைந்தது.! ஒரு சவரனுக்கு இவ்வளவா.!! நகைப்பிரியர்கள் குஷி

Gold and silver rate today : தங்கம் மற்றும் வெள்ளியின் விலையானது வார கடைசி நாளில் அதிகரித்து நகைப்பிரியர்களை அதிர்ச்சி அடைய செய்த நிலையில், இன்று தங்கத்தின் விலையானது குறைந்துள்ளது.

Gold and silver rate today

Source : social media

தங்கத்தில் தொடரும் முதலீடு

தங்கத்தின் மீதான மதிப்பு எப்போதும் குறையாது என்ற காரணத்தால்  அதிகளவு தங்கத்தில் முதலீடு செய்து வருகிறார்கள். குறிப்பாக இந்தியாவில் தங்க நகை மீதான ஆர்வம் அதிகமாகவே உள்ளது. குறிப்பாக திருமண நிகழ்வுகளில் தங்கத்திற்கு அதிகளவு முக்கியத்துவம் கொடுக்கப்பட்டு வருகிறது. எனவே தங்கத்தின் விலையானது அதிகரித்தாலும் நகைக்கடைகளில் கூட்டம் அதிகரித்தே காணப்படுகிறது. அந்த வகையில் கடந்த சில வருடங்களுக்கு முன்பாக ஒரு சவரன் 30 ஆயிரம் முதல் 40 ஆயிரம் ரூபாய் என்ற அளவில் விற்பனையான தங்கத்தின் விலையானது இரண்டு வருடத்தில் புதிய உச்சத்தை தொட்டது.

அமெரிக்கா- ஈரான் போர்

2026ஆம் ஆண்டு தொடக்கத்தில் ஒரு சவரன் ஒரு லட்சத்து 34 ஆயிரம் ரூபாய் என்ற இமாலய இலக்கை எட்டியது. ஆனால் அடுத்த அடுத்த நாட்களில் ஏற்பட்ட உலக பொருளாதார மாற்றத்தால் தங்கத்தின் விலையானது ஏறி இறங்கி வருகிறது. குறிப்பாக அமெரிக்கா- ஈரான் போரால் தங்கம் விலையானது குறைய தொடங்கியது. முதலீட்டாளர்கள் தங்கத்திற்கு பதிலாக கச்சா எண்ணெய் மீது முதலீட்டை அதிகரித்ததே தங்கம் விலை குறைய காரணமாக பார்க்கப்பட்டது. 

உயரும் தங்கம் விலை

• ஜூன் 25-ம் தேதி தங்கம் விலை கிராமுக்கு 210 ரூபாய் குறைந்து 13,140 ரூபாய்க்கும், சவரனுக்கு 1,680 ரூபாய் குறைந்து 1,05,120 ரூபாய்க்கு விற்பனை.
• ஜூன் 26 -ம் தேதி கிராம் ஒன்றுக்கு 160 ரூபாய் உயர்ந்து 13,300 ரூபாய்க்கும், சவரனுக்கு 1280 ரூபாய் அதிகரித்து 1,06,400 ரூபாய்க்கும் விற்பனை.
• ஜூன் 27 ஆம் தேதி கிராம் ஒன்றுக்கு 70 ரூபாய் உயர்ந்து 13,370 ரூபாய்க்கும், சவரனுக்கு 560 ரூபாய் அதிகரித்து 106,960 ரூபாய்க்கு விற்பனை.
• ஜூன் 28-ஆம் தேதி தங்கம் விலை மாற்றம் இல்லை

இன்றைய தங்கம் வெள்ளி விலை நிலவரம்

தங்கத்தின் விலையானது கடந்த வாரத் தொடக்கத்தில் குறைந்த நிலையில், திடீரென வார இறுதியில் அதிகரித்து நகைப்பிரியர்களை அதிர்ச்சி அடைய செய்தது. இந்த நிலையில் இன்று வாரத்தின் முதல் நாள் தங்கத்தின் விலையானது குறைந்துள்ளது. கிராம் ஒன்றுக்கு 70 ரூபாய் குறைந்து 13,300 ரூபாய்க்கும், சவரனுக்கு 560 ரூபாய் குறைந்து 1,06,400 ரூபாய்க்கும் விற்பனை செய்யப்படுகிறது. 

அதே நேரம் வெள்ளி விலையில் எந்த மாற்றமும் இல்லாமல் ஒரு கிராம் வெள்ளி 245 ரூபாய்க்கும், கிலோ பார் வெள்ளி 2 லட்சத்து 45 ஆயிரம் ரூபாய்க்கும் விற்பனை செய்யப்படுகிறது.