Gold-Silver Price, 04 September: வாரத்தின் கடைசி நாளில் உயர்ந்த தங்கம் விலை: இன்றைய நிலவரம் என்ன?

நேற்று விலை குறைந்த தங்கத்தின் விலை, இன்று சவரனுக்கு ரூ.352 அதிகரித்தது. வெள்ளி ஒரு கிராமிற்கு  ரூ.1.60 உயர்ந்து ரூபாய் 69.60க்கு விற்கப்படுகிறது.

தங்கம் - வெள்ளி நிலவரம்

சென்னையில் நேற்று ஆபரணத்தங்கம் 22 கேரட் கிராமிற்கு ரூபாய் 4 ஆயிரத்து 452க்கு விற்கப்பட்டது. ஒரு சவரன் தங்கம் ரூபாய் 35 ஆயிரத்து 616-க்கு விற்பனை செய்யப்பட்டது. இந்த நிலையில், இன்று அதிரடியாக தங்கம் விலை அதிகரித்தது. சவரனுக்கு ரூ.352 அதிகரித்து ரூபாய் 35,968-க்கு விற்பனை செய்யப்படுகிறது. கிராமுக்கு ரூபாய் 44 அதிகரித்து ரூபாய் 4 ஆயிரத்து 496க்கு விற்பனை செய்யப்படுகிறது. . அதேபோல, 24 கேரட் தங்கம் இன்று கிராமிற்கு ரூபாய் 4 ஆயிரத்து 860க்கு விற்கப்படுகிறது. சவரன் ரூபாய் 38 ஆயிரத்து 880க்கு விற்கப்படுகிறது. அதேபோல, வெள்ளி ஒரு கிராமிற்கு  ரூ.1.60 உயர்ந்து ரூபாய் 69.60க்கு விற்கப்படுகிறது. ஒரு கிலோ வெள்ளி ரூபாய் 69 ஆயிரத்து 600க்கு விற்கப்படுகிறது.

முன்னதாக, தங்கம் விலை தொடர்ந்து அதிகரிக்குமா என்பது குறித்து மெட்ராஸ் ஜூவல்லர்ஸ் மற்றும் டைமண்ட் மெர்ச்சன்ட் அசோசியேசன் தலைவர் ஜெயந்திலால் சலானி ஏபிபி நாடுக்கு பேட்டி அளித்தார். அந்தப் பேட்டியில் அவர் கூறும்போது, பொருளாதார மந்தமான  சூழ்நிலை ஏற்படும்போது, பொருளாதார துறையைச் சேர்ந்த பங்குச் சந்தைகள் சரிவை நோக்கிப்போகும். அப்படிப்பட்ட சூழலில் தங்கத்தின் மீது முதலீடுகள் அதிகரிக்கும். இந்த மாதிரியான சூழ்நிலை தொடர்ந்து நீடித்தால் தங்கம் விலை இன்னும் அதிகரிக்கும். காரணம் முதலீட்டாளர்களிடம் உள்ள ஒரு பீதியால், தங்கத்தின் மீது முதலீடுகள் அதிகரிக்கும். முதலீடுகள் எப்போதெல்லாம் அதிகரிக்கிறதோ, அப்போதெல்லாம் தங்கத்தின் விலை அதிகரிக்கக்கூடும் என்றார்.

மேலும், கொரோனா இரண்டாவது அலை உலகம் முழுவதும் இருந்த நிலையில், மூன்றாவது அலை சில நாடுகளில் உள்ளது. இதனால், இந்தியாவில் மட்டுமல்லாமல் உலகம் முழுவதுமே தங்கம் விலை உயரும் என்று கூறினார். கொரோனாவின் தாக்கத்தால் முதலீடுகள் அதிகரிக்கும் வாய்ப்புகள் உண்டாகும். ஏனென்றால், பங்குச்சந்தைகள் சரிவை நோக்கிப்போகும். தொழிற்துறையைச் சேர்ந்த எல்லாப் பொருட்களின் உற்பத்தி குறையும். உற்பத்தி குறைந்தால், அந்த உற்பத்தி சார்ந்த பங்குச்சந்தைகள் விலை மிகவும் குறையும். அப்படிப்பட்ட சூழ்நிலையில் முதலீட்டாளர்கள் தங்கத்தின் மீது முதலீடு செய்வார்கள். அதன் காரணமாக தங்கம் விலை உயரும் என்று கூறினார்.

மேலும், கொரோனாவின் தாக்கம் குறைந்து, பொருளாதாரம் மந்த நிலையில் இருந்து மீண்டு நல்ல நிலைக்கு சென்ற காரணத்தினால், பொருளாதார துறையைச் சேர்ந்த முதலீடுகள், பங்குச்சந்தைகள் அதிகரித்தன. அதன் காரணமாக தங்கம் விலை சரிந்தது. தற்போதைய சூழ்நிலையில் பங்குச்சந்தையில் முதலீடு செய்வதையே  முதலீட்டாளர்கள் விரும்புவார்கள். காரணம் எது லாபம் கொடுக்குமோ அதில்தான் அவர்கள் முதலீடு செய்வார்கள். இப்போதைய சூழ்நிலை இதுவே" என்று கூறினார். கொரோனா தொடர்ந்து அதிகரிக்கும்பட்சத்தில், தங்கத்தின் விலையும் தொடர்ந்து உயரும். தங்கத்தின் விலை சவரனுக்கு 40 ஆயிரம் ரூபாய் வரை கடக்க வாய்ப்புள்ளது என்றார். மீண்டும் தங்கம் விலை உயருமா, அல்லது குறையுமா என்பதை அடுத்தடுத்த நாட்களில் தெரிய வரும் என்றும் அவர் கூறினார்.