Gold Rate 14th Oct.: இப்படி கதறவிடுறீங்களே இது நியாயமா.?! சவரனுக்கு ரூ.1,960 உயர்ந்த தங்கம்; ரூ.200-ஐ கடந்த வெள்ளி
தங்கத்தின் விலை இன்று தாறுமாறாக உயர்ந்து பேரதிர்ச்சியை அளித்துள்ளது. சவரனுக்கு 1,960 ரூபாய் உயர்ந்துள்ள நிலையில், வெள்ளியின் விலையும் 200 ரூபாயை கடந்துள்ளது. இன்றைய விலை என்ன என்பதை பார்க்கலாம்.
தங்கம் மற்றும் வெள்ளியின் விலைகள் தாறுமாறாக உயர்ந்து, பொதுமக்களை கதற வைத்து வருகிறது. அந்த வகையில், இன்று சவரனுக்கு 1,960 ரூபாய் உயர்ந்துள்ளது தங்கம். இதேபோல், வெள்ளியின் விலையும் 200 ரூபாயை கடந்து புதிய உச்சத்தை எட்டியுள்ளது. இன்றைய விலை நிலவரங்களை தற்போது பார்க்கலாம்.
தாறுமாறாக உயர்ந்துவரும் தங்கத்தின் விலை
சென்னையில் ஆபரணத் தங்கத்தின் விலை சமீப காலமாகவே மக்களை அச்சுறுத்தி வருகிறது. கடந்த 8-ம் தேதி 91 ஆயிரம் ரூபாயை தாண்டிய தங்கம், அன்று ஒரு கிராம் 11,385 ரூபாயாகவும், ஒரு சவரன் 91,080 ரூபாயாகவும் விற்பனை செய்யப்பட்டது.
தொடர்ந்து, 9-ம் தேதி விலை உயர்ந்து கிராம் 11,425 ரூபாய்க்கும், ஒரு சவரன் 91,400 ரூபாய்க்கும் விற்கப்பட்டது. 10-ம் தேதி சற்று விலை குறைந்த நிலையில், ஒரு கிராம் 11,340 ரூபாயாகவும், ஒரு சவரன் 90,720 ரூபாயாகவும் விற்பனை செய்யப்பட்டது.
11-ம் தேதி மீண்டும் விலை உயர்ந்து சவரன் 92,000 ரூபாயை கடந்தது. அன்று கிராம் 11,500 ரூபாயை எட்டிய நிலையில், ஒரு சவரன் சரியாக 92,000 ரூபாய்க்கு விற்கப்பட்டது. 12-ம் தேதி அதே விலையில் நீடித்தது.
அதைத் தொடர்ந்து, 13-ம் தேதியான நேற்று மீண்டும் விலை உயர்ந்து, ஒரு கிராம் 11,580 ரூபாய்க்கு சென்றது. ஒரு சவரன் 92,640 ரூபாய் என்ற உச்ச விலையை அடைந்தது. இந்நிலையில், இன்று தங்கத்தின் விலை தாறுமாறாக உயர்ந்துள்ளது.
தங்கத்தின் இன்றைய விலை
அதன்படி, இன்று தங்கம் ஒரு கிராமிற்கு அதிரடியாக 245 ரூபாய் உயர்ந்து, கிராம் 11,825 ரூபாய்க்கு விற்கப்படுகிறது. ஒரு சவரனுக்கு 1,960 ரூபாய் விலை உயர்ந்து, சவரன் 94,600 ரூபாய் என்ற வரலாற்று உச்ச விலையை அடைந்துள்ளது.
ரூ.200-ஐ கடந்த வெள்ளியின் விலை
தங்கத்துடன் கடுமையான போட்டி போட்டுவரும் வெள்ளி, தற்போது கிராமிற்கு 200 ரூபாயை தண்டியுள்ளது. கடந்த 8-ம் தேதி கிராம் 170 ரூபாயாக இருந்த வெள்ளி, 9-ம் தேதி அதிரடியாக 7 ரூபாய் விலை உயர்ந்து, கிராம் 177 ரூபாய்க்கு விற்கப்பட்டது.
தொடர்ந்து, 10-ம் தேதி மீண்டும் 7 ரூபாய் விலை உயர்ந்து, ஒரு கிராம் 184 ரூபாயை எட்டியது. 11-ம் தேதி 6 ரூபாய் விலை உயர்ந்து, ஒரு கிராம் 190 ரூபாய்க்கு விற்கப்பட்டது. 12-ம் தேதி அதேவிலையில் நீடித்தது.
பின்னர், 13-ம் தேதியான நேற்று மீண்டும் 7 ரூபாய் விலை உயர்ந்து, ஒரு கிராம் 197 ரூபாயை அடைந்தது. இந்நிலையில், இன்று அதிரடியாக 9 ரூபாய் விலை உயர்ந்து, ஒரு கிராம் 206 ரூபாய் என்ற வரலாற்று உச்சத்தை எட்டியுள்ளது. அதன்படி, ஒரு கிலோ பார் வெள்ளி 2 லட்சத்தை தாண்டி, 2 லட்சத்து 6 ஆயிரம் ரூபாய்க்கு விற்பனையாகிறது.
தங்கம் மற்றும் வெள்ளி விலைகள் தாறுமாறாக உயர்ந்து வருவதால், பொதுமக்கள் கலக்கமடைந்துள்ளனர். விரைவில் தங்கத்தின் விலை, சவரனுக்கு ஒரு லட்சம் ரூபாயை எட்டும் என எதிர்பார்க்கப்படுகிறது.
தலைப்பு செய்திகள்
ட்ரெண்டிங் செய்திகள்
