Cryptocurrency | கிரிப்டோ கரன்சி முதலீடு.. சொத்து கிடைக்காது, சொந்த ரிஸ்க்! அதிரடியாக பேசிய ரிசர்வ் வங்கி ஆளுநர்

கிரிப்டோ கரன்சி பரிவர்த்தனை தொடர்பாக ரிசர்வ் வங்கி ஆளுநர் சக்திகாந்தா தாஸ் கருத்து தெரிவித்துள்ளார்.

கிரிப்டோ கரன்சி-சக்திகாந்தா தாஸ்

ரிசர்வ் வங்கியின் பண நிதி கொள்கை இன்று வெளியானது. இதை ரிசர்வ் வங்கியின் ஆளுநர் சக்திகாந்த தாஸ் வெளியிட்டார். அதில் அவர் பண நிதி கொள்கை தொடர்பாக பேசியுள்ளார். மேலும் இந்தியாவில் கிரிப்டோ கரன்சி பரிவர்த்தனை தொடர்பாகவும் அவர் சில கருத்துகளை முன்வைத்துள்ளார். 

 

அதன்படி, “கிரிப்டோ கரன்சி பரிவர்த்தனைகள் தொடர்பாக ரிசர்வ் வங்கி உறுதியான ஒரு கொள்கையை கொண்டுள்ளது. ஏனென்றால் தனியார் கிரிப்டோ கரன்சி பரிவர்த்தனை இந்திய பொருளாதார சிரதன்மைக்கு மிகவும் சவால் விடுக்கும் வகையில் அமைந்துள்ளது. அத்துடன் ரிசர்வ் வங்கி நிதி சிரதன்மையை கையாள இது மிகப்பெரிய சிக்கலை ஏற்படுத்தும். அதனால் இந்த கிரிப்டோ கரன்சிகளில் முதலீடு செய்பவர்களுக்கு நான் ஒன்றை கூறு கொள்கிறேன். அவர்கள் தங்களுடைய சொந்த ரிஸ்க்கில் இதில் முதலீடு செய்து வருகின்றனர்.கிரிப்டோ கரன்சி மூலம் எந்தவித சொத்தும் அவர்களுக்கு கிடைக்கப்போவதில்லை ” எனத் தெரிவித்துள்ளார். 

 

முன்னதாக ரிசர்வ் வங்கி பண நிதி கொள்கை இன்று வெளியானது. அதில், 2022-23 நிதி ஆண்டிற்கான மொத்த உள்நாட்டு உற்பத்தி (ஜிடிபி) 7.8 சதவீதமாக  இருக்கும் என எதிர்பார்க்கப்படுவதாக கூறினார். இ-ருபி டிஜிட்டல் வவுச்சருக்கான பண உச்ச வரம்பை 10,000ல் இருந்து 1 லட்சமாக உயர்த்தப்பட்டுள்ளது. அவசர சுகாதார சேவைகள் எளிதில் கிடைப்பதற்கும், கொவிட் தொடர்பான சுகாதார கட்டமைப்பு மற்றும் சேவைகளை அதிகரிப்பதற்கும், வங்கிகளுக்கு அளிக்கப்பட்டு வந்த பணபுழக்க வசதி (On-Tap Term Liquidity Facility to Ease Access to Emergency Health Services)  2022 ஜூன் 30ம் தேதிவரை நீட்டிக்கப்படுகிறது. ஒமிக்ரான் மூன்றாவது அலை காரணமாக நாட்டின் பொருளாதாரம் சற்று பாதிக்கப்பட்டுள்ளது. சுற்றுலா, வர்த்தகம், போக்குவரத்து போன்ற முக்கியத் துறைகளில் (Contact Intensive Sectors) மந்தநிலை காணப்படுகிறது.  

 

ரெப்போ/ ரிவர்ஸ் ரெப்போ என்றால் என்ன?

வணிக வங்கிகளுக்கு (Scheduled Commercial banks) ரிசர்வ் வங்கி குறுகிய கால கடன் வழங்கும்பொழுது விதிக்கும் வட்டி விகிதமே ரெப்போ விகிதம் எனப்படுகிறது. இவ்வங்கிகளுக்கு நிதிப்பற்றாக்குறை ஏற்படும்பொழுது அவைகள் பத்திரங்களை ஈடாக வைத்து இந்திய ரிசர்வ் வங்கியில் கடனைப் பெறும். அந்நிலையில், விதிக்கப்படும் வட்டி விகிதமே ரெப்போ விகிதம் எனப்படும். 

பணவீக்கத்தைக் (கட்டுப்படுத்த/ அதிகரிக்க) ரெப்போ விகிதத்தை (அதிகரிப்பதன்/குறைப்பதன்)  மூலம் கடன் வாங்குவதற்கான செலவை (அதிகப்படுத்தி/ குறையப்படுத்தி), கடன் வாங்குவதை இந்திய ரிசர்வ் வங்கி குறைக்கிறது/அதிகரிக்கிறது. 

 மேலும் படிக்க: இந்தியாவிலேயே அதிக சம்பளம் வாங்கும் சன் டிவியின் கலாநிதிமாறனும் அவரது மனைவியும்! பத்தாண்டுகளில் ரூ.1500 கோடி!