(Source: ECI/ABP News/ABP Majha)
Tax Regime: வரிச்சலுகை அறிவித்த மத்திய அரசு - பழைய Vs புதிய வரிவிதிப்பு முறை, எது இப்போது அதிக பயன் தருகிறது?
Tax Regime: இந்தியாவில் பழைய Vs புதிய வரிவிதிப்பு முறையில், எது தற்போது அதிக பயன் தருகிறது என்பதை இந்த தொகுப்பில் அறியலாம்.
Tax Regime: மத்திய அரசு தாக்கல் செய்த பட்ஜெட்டை தொடர்ந்து, வரி செலுத்துபவரின் வரிச்சுமை ரூ.17,500 வரை குறைக்கப்படும் என்று நிதியமைச்சர் நிர்மலா சீதாராமன் தெரிவித்தார்.
பழைய மற்றும் புதிய வருமான வரி முறை:
வருமான வரி தொடர்பாக, அண்மையில் நாடாளுமன்றத்தில் தாக்கல் செய்யப்பட்ட மத்திய அரசின் பட்ஜெட்டில் சில தளர்வுகள் வழங்கப்பட்டன. புதிய வரி முறைக்கு முன்னுரிமை அளித்த மோடி அரசு, வரி அடுக்குகளை மாற்றியது. மேலும், வரி செலுத்துவோருக்கான நிலையான விலக்கு வரம்பு ரூ.50,000-லிருந்து ரூ.75,000 ஆக உயர்த்தப்பட்டுள்ளது.
புதிய வரி விதிப்பின் கீழ், 7 லட்சம் ரூபாய் வரை வருமானம் உள்ளவர்களுக்கு வரியில் இருந்து விலக்கு அளிக்கப்படும். இதனுடன் நிலையான விலக்கு ரூ.75,000 சேர்த்தால், ரூ.7 லட்சத்து 75 ஆயிரம் (ரூ.7,75,000) வரையிலான மொத்த வருமானத்துக்கு வரி கட்டத் தேவையில்லை. இந்த மாற்றம் ஒவ்வொரு வரி செலுத்துபவருக்கும் ரூ.17,500 வரை பயனளிக்கும் என்று மத்திய நிதியமைச்சர் நிர்மலா சீதாராமன் தெரிவித்தார். இருப்பினும், புதிய வரி விதிப்பின் கீழ் எந்த விலக்குகளும் கோர முடியாது.
புதிய வரி முறையின் கீழ் முன்பு இருந்த வரி விகிதங்கள்:
- ரூ.3,00,000 வரை - 0 வரி
- ரூ.3,00,001 முதல் ரூ. ரூ.6,00,000 வரை - 5% வரி
- ரூ.6,00,001 முதல் ரூ.9,00,000 வரை 10% வரி
- ரூ.9,00,001 முதல் ரூ.12,00,000 வரை 15% வரி
- ரூ.12,00,001 முதல் ரூ.15,00,000 வரை 20% வரி
- வருமானம் ரூ.15,00,001 அல்லது அதற்கு மேல் இருந்தால் - 30% வரி
பட்ஜெட்டிற்கு பிறகான வரி விகிதங்கள்:
- ரூ.3,00,000 வரை - 0 வரி
- ரூ.3,00,001 முதல் ரூ. ரூ.7,00,000 வரை 5% வரி
- ரூ.7,00,001 முதல் ரூ.10,00,000 வரை 10% வரி
- ரூ.10,00,001 முதல் ரூ.12,00,000 வரை 15% வரி
- ரூ.12,00,001 முதல் ரூ.15,00,000 வரை 20% வரி
- வருமானம் ரூ.15,00,001 அல்லது அதற்கு மேல் இருந்தால் 30% வரி
நிதியமைச்சர் நிர்மலா சீதாராமன் பழைய வரி முறையில் எந்த மாற்றமும் செய்யவில்லை.
பழைய வரி முறையில் வரி விகிதங்கள்:
- ரூ. 2,50,000 லட்சம் வரை - 0 வரி
- ரூ. ரூ.2,50,001 முதல் ரூ.5,00,000 லட்சத்துக்கு இடைப்பட்ட வருமானத்துக்கு 5% வரி
- ரூ.5,00,001 முதல் ரூ.10,00,000 லட்சத்துக்கு இடைப்பட்ட வருமானத்துக்கு 20% வரி
- ரூ.10,00,001 அல்லது அதற்கு மேற்பட்ட வருமானத்துக்கு 30% வரி.
பழைய வரி முறையானது மூத்த மற்றும் மூத்த குடிமக்களுக்கு ஸ்லாப் விகிதங்களில் சில தளர்வுகளை அளிக்கிறது. கூடுதலாக, இந்த அமைப்பின் கீழ் அனைத்து வரி செலுத்துவோருக்கும் (வயதைப் பொருட்படுத்தாமல்) சில வரி விலக்குகள் மற்றும் கழிப்புகள் கிடைக்கும். இந்த திட்டத்தின் கீழ் HRA, LTA, பிரிவுகள் 80C, 80D, 80CCD(1b), 80CCD(2) உள்ளிட்ட பல வரி விலக்குகளை கோரலாம்.
எந்த வரி முறை சிறந்தது?
வீட்டுக் கடன், பிரிவு 80C, 80D ஆகியவற்றின் கீழ் முதலீடு செய்துள்ள பெரும்பாலான வரி செலுத்துவோர் பழைய வரி முறையே சிறந்தது என்று நம்புகிறார்கள், பெரும்பான்மையானவர்கள் அதைத் தேர்வு செய்கிறார்கள். அதிக சேமிப்பு மற்றும் முதலீடு இல்லாதவர்கள், ஆண்டு வருமானம் ரூ.7,50,000க்கு மேல் வரக்கூடாது என எதிர்பார்க்கும் ஊழியர்கள், புதிய வரி விதிப்பை பின்பற்றுகின்றனர். உங்களின் வருவாயையும், சேமிப்பையும் கருத்தில் கொண்டு, உங்களுக்கான வரி விதிப்பு முறையை தேர்வு செய்துகொள்ளலாம்.
தலைப்பு செய்திகள்
ட்ரெண்டிங் செய்திகள்
