Lexus LM350h: தொழிலதிபர்களும், நடிகர்களும் போட்டி போர் இந்த காரை வாங்குவது ஏன்? அப்படி என்ன இருக்கு?

Lexus LM350h: இந்தியாவைச் சேர்ந்த பல முன்னணி நடிகர்கள் மற்றும் தொழிலதிபர்களும், லெக்சஸ் நிறுவனத்தின் LM350h காரை போட்டி போட்டு வாங்குகின்றனர்.

ஆட்டோமொபைல் செய்திகள்

Source : somnath chatterjee

Lexus LM350h: லெக்சஸ் நிறுவனத்தின் LM350h காரின் விலை மற்றும் அம்சங்கள் குறித்த விவரங்கள் கீழே பட்டியலிடப்பட்டுள்ளன.

லெக்சஸ் LM350h கார் மாடல்:

முன்னணி தொழிலதிபர்கள், சினிமா நட்சத்திரங்கள் பலரும் இந்த காரில் சுற்றித் திரிவதை நீங்கள் பார்த்திருப்பீர்கள், ஆனால் இது வழக்கமான சொகுசு எஸ்யுவி அல்ல. ஆனாலும், லெக்ஸஸ் LM ஏன் இவ்வளவு பிரபலமாக உள்ளது? இந்த காரின் டாப் எண்ட் வேரியண்டானது ரூ.2.7 கோடிக்கு விற்பனை செய்யப்படுகிறது. புதுப்பிக்கப்பட்ட மாடல் இப்போது இந்தியாவில் மீண்டும் விற்பனைக்கு வருகிறது. ஆனால் அதன் உரிமையாளர்களுக்கு, விலை ஒரு பொருட்டல்ல. தனியுரிமை, சொகுசு மற்றும் ஆடம்பரம்தான் முக்கியமாக உள்ளது.

லெக்சஸ் LM350h - வடிவமைப்பு

 ஓட்டுனர் இருக்கை ஆடம்பரமாகவும் பெரிய திரையுடனும் உள்ளது. ஆனால், பின்புற இருக்கை அனுபவம்தான் உண்மையிலேயே முக்கியமானது. வெளிப்புறமாக பார்த்தால் இது வேன் போல காட்சியளிக்கலாம். ஆனால் மிகப்பெரிய ஸ்பிண்டில் கிரில் மற்றும் 5,125 மிமீ நீளம் ஆகியவை இதனை தலைகீழாக மாற்றுகிறது. சக்கரங்கள் கூட ஸ்டைலாகவும், பளபளப்பாகவும் கவனத்தை ஈர்க்கின்றன.

லெக்சஸ் LM350h - சொகுசான இருக்கை வசதி

ஒரு பட்டனை அழுத்தினால், பெரிய கதவு பக்கவாட்டில் நகர்ந்து சென்று உங்களுக்கு சொந்தமாக ஒரு தனிப்பட்ட வாழ்விடத்தை வழங்குகிறது. இது பெரிய பாகங்களாக பிரிக்கப்பட்டுள்ளது. சாலையில் ஒரு ஜெட் விமானத்தில் இருப்பது போன்ற பெரிய இடத்துடன் தனியுரிமை உணர்வை வழங்குகிறது. உள்ளே, 2025 மாடலில் ரியர் கன்சோலில் உள்ள ஸ்விட்ச் மூலம் இயக்கக் கூடிய பவர் ஸ்லைடிங் கதவுகள், பிரத்யேக ட்ரே மற்றும் இருக்கைகளுக்கு என தனிப்பட்ட கண்ட்ரோல்கள் வழங்கப்பட்டுள்ளன.

இருக்கைகள் மிகவும் அறுதமாக இருக்கின்றன. நீங்கள் உயரமாக உட்காரும்போது, ​​ஜப்பானிய விருந்தோம்பல் - ஓமோடெனாஷி உணர்வு இங்கே தெளிவாகத் தெரிகிறது. ஹேண்ட்ரெஸ்ட் ஆதரவு சரியானது, மற்றும் இருக்கைகள் மென்மையானவை ஆனால் அதிகமாக இல்லை. ஹீட்டிங், மசாஜ், வெண்டிலேஷன் மற்றும் வெளிப்புற உலகத்தை முற்றிலுமாக மறக்கச் செய்யும் ஏராளமான தனிப்பயனாக்கங்கள் ஆகியவை காரின் அம்சங்களில் அடங்கும். மடிக்கக்கூடிய மேசைகள் உள்ளன.

லெக்சஸ் LM350h - தொழில்நுட்ப அம்சங்கள்

சிறப்பம்சமாக 48 அங்குல மானிட்டர் உள்ளது. அந்த திரையை இரண்டாக பிரித்தும் பயன்படுத்தலாம். இது, அற்புதமான 23-ஸ்பீக்கர் மார்க் லெவின்சன் ஆடியோ சிஸ்டத்துடன் இணைக்கப்பட்டுள்ளது. நாய்ஸ் இன்சுலேஷன் மற்றொரு முக்கிய அம்சமாகும். இதனை வாகனம் முழுவதிற்கும் பயன்படுத்துவதால் புதிய LM இன்னும் அமைதியானது. நான்கு இருக்கைகள் உடன், மங்கலான பகிர்வு கண்ணாடி வழங்கப்பட்டுள்ளது. Climate Concierge அம்சமானது ஐந்து விதமான மோட்களை தேர்வு செய்ய அனுமதிக்கிறது. அதன்படி,  Dream, Relax, Focus, Energise, My Original - அகச்சிவப்பு மேட்ரிக்ஸ் சென்சாரிலிருந்து வெப்பநிலை அளவீடுகளின் அடிப்படையில் சொகுசு நிலையை பராமரிக்கிறது.

லெக்சஸ் LM350h - இதர வசதிகள்

இதுபோக ஒரு குளிர்சாதன பெட்டி, பல சேமிப்பு இடங்கள் மற்றும் ஏராளமான கனெக்டிவிட்டி ஆப்ஷன்கள் உள்ளன. வழங்கப்படும் இடம் மற்றும் வசதிகள் ஆகியவை  வேறு லெவலில் உள்ளன. அதே நேரத்தில் பயன்படுத்தப்படும் பொருட்கள் ரூ.2.7 கோடி என்ற விலைக்கான மதிப்பை வழங்குகிறன. இது நீங்களே ஓட்டி பயணிப்பதற்கான கார் அல்ல. 

பிரபலங்கள் இந்த காருக்காக ஏன் கோடிகளை செலவிடுகிறார்கள் என்பதைஆராய்ந்தால், அதன் பின்புற இருக்கை அனுபவம் முக்கிய காரணமாக உள்ளது.  ஹைப்ரிட் (இப்போது E20 இணக்கமானது) ஆப்ஷன் மூலம் இது திறமையானது, மென்மையானது மற்றும் அமைதியானது, அதே நேரத்தில் வழங்கப்படும் ஆடம்பரமானது ஒரு தனியார் ஜெட் போன்றதாக உள்ளது. வாகனம் ஓட்ட வேண்டிய அவசியமின்றி, சொகுசாக பயணிக்க விரும்பும் செல்வந்தர்களுக்காகவே லெக்சஸின் LM350h கார் வடிவமைக்கப்பட்டுள்ளது.