Tata 7 Seater EV: டாடாவின் முதல் 7 சீட்டர் மின்சார SUV - மஹிந்த்ராவின் XEV 9S-ஐ சமாளிக்குமா? ரேஞ்ச், விலை விவரங்கள்
Tata Safari EV 7-Seater SUV: இந்திய கார் உற்பத்தி நிறுவனமான டாடா, தனது முதல் மின்சார 7 சீட்டர் எஸ்யுவி ஆக சஃபாரி மாடலை விரைவில் சந்தைப்படுத்த உள்ளது.
Tata Safari EV 7-Seater SUV: டாடா நிறுவனத்தின் முதல் மின்சார 7 சீட்டர் எஸ்யுவி ஆன சஃபாரி, உள்ளூரில் மஹிந்த்ராவின் XEV 9S கார் மாடலுடன் போட்டியிட உள்ளது.
டாடாவின் முதல் மின்சார 7 சீட்டர்:
இந்திய ஆட்டோமொபைல் சந்தையில் மின்சார பிரிவில் தனது ஆதிக்கத்தை மேலும் வலுப்படுத்த, உள்ளூர் கார் உற்பத்தி நிறுவனமான டாடா தீவிரமாக செயல்பட்டு வருகிறது. அண்மையில் டியாகோ மற்றும் டியாகோ ஃபேஸ்லிஃப்ட் மின்சார எடிஷனை அறிமுகப்படுத்தியதை தொடர்ந்து, வரும் ஜுன் 30ம் தேதி சியாரா எஸ்யுவியின் மின்சார எடிஷனை விற்பனைக்கு கொண்டுவரவுள்ளது. அதன் தொடர்ச்சியாக ப்ராண்டின் முதல் மின்சார 7 சீட்டரான, சஃபாரியின் மின்சார எடிஷனை தீபாவளி சீசனுக்கு அறிமுகப்படுத்த உள்ளதையும் டாடா உறுதிப்படுத்தியுள்ளது. இந்த காரானது அடிக்கடி சாலை பரிசோதனைகளில் சிக்குவதன் மூலம், விரைவில் விற்பனைக்கு வரவுள்ளது மேலும் உறுதியாகிறது. டெய்ரோனா என்ற கோட்நேமை கொண்டுள்ள சஃபாரியின் மின்சார எடிஷன், ரூ.19.95 லட்சம் தொடங்கி ரூ.29.45 லட்சம் வரையிலான விலை வரம்பில் கிடைக்கும் மஹிந்த்ராவின் XEV 9S கார் மாடலுடன் போட்டியிட உள்ளதாம். இதற்கு போட்டியான விலை வரம்பை நிர்ணயிக்கவும் டாடா திட்டமிட்டுள்ளதாம்.
சஃபாரி EV - பேட்டரி பேக், ரேஞ்ச்
டாடா சஃபாரி மின்சார எடிஷனுக்கான பவர்டெயின் விவரங்களை நிறுவனம் இதுவரை அதிகாரப்பூர்வமாக அறிவிக்கவில்லை. இருப்பினும், ஹாரியரின் மின்சார எடிஷனில் உள்ள பேட்டரி பேக் அம்சங்கள் புதிய 7 சீட்டருடன் அப்படியே பகிரப்படலாம் என எதிர்பார்க்கப்படுகிறது. தற்போதைய சூழலில் 65KWh ரியர் வீல் ட்ரைவ் சிங்கிள் மோட்டார், 75KWh ரியர் வீல் ட்ரைவ் சிங்கிள் மோட்டார் மற்றும் 75KWh ஆல் வீல் ட்ரைவ் டூயல் மோட்டார் என மூன்று பவர்ட்ரெயின் ஆப்ஷன்களில் கிடைப்பது குறிப்பிடத்தக்கது. அதிகபட்சமாக இதன் பெரிய பேட்டரியை முழுமையாக சார்ஜ் செய்தால் 622 கிலோ மீட்டர் ரேஞ்ச் அளிப்பதாக நிறுவனம் தரப்பில் தெரிவிக்கப்பட்டுள்ளது. இதே பவர்ட்ரெயின் விருப்பங்களை கொண்டு டாடா சஃபாரி 7 சீட்டர் 500 கிலோ மீட்டருக்கும் அதிகமான ரேஞ்சை பெறும் என கூறப்படுகிறது. இதன் போட்டியாளரான மஹிந்த்ராவின் XEV 9S மூன்று பேட்டரி ஆப்ஷன்களை கொண்டு, அதிகபட்சமாக 679 கிலோ மீட்டர் வரை ரேஞ்ச் அளிப்பதாக அந்நிறுவனம் தரப்பில்தெரிவிக்கப்பட்டுள்ளது.
சஃபாரி EV - ப்ளார்ஃபார்ம் & மேம்படுத்தப்பட்ட தொழில்நுட்பம்
ப்ராண்டின் ஹாரியர் மின்சார எடிஷனைப் போலவே, விரைவில் சந்தைப்படுத்தப்பட உள்ள சஃபாரியின் மின்சார எடிஷனும், Tidal எனப்படும் டாடா இண்டெலிஜெண்ட் டிஜிட்டல் ஆர்கிடெக்ட்சர் லேயர் கட்டமைப்பை கொண்டுள்ள Acti.EV+ ப்ளாட்ஃபார்மின் அடிப்படையில் உருவாக்கப்படுகிறதாம். இதன் மூலம் பல மேம்படுத்தப்பட்ட தொழில்நுட்ப அம்சங்கள் 7 சீட்டரில் இணைக்கப்பட உள்ளதாம். குறிப்பாக ஓவர் தி ஏர் அப்டேட்ஸ், 540 டிகிரி கேமரா, காம்ப்ளக்ட் கனெக்டட் கார் அம்சங்கள் மற்றும் ADAS செயல்முறைகள் ஆகியவை அடங்கக் கூடுமாம்.
சஃபாரி EV - வசதிகள், தொழில்நுட்ப அம்சங்கள்
டாடா சஃபாரி EV-யின் ஒட்டுமொத்த வடிவமைப்பு மற்றும் ஸ்டைலிங், அதன் இன்ஜின் எடிஷனையே பெரும்பாலும் பிரதிபலிக்கும். இருப்பினும் மூடப்பட்ட க்ரில், மறுவடிவமைக்கப்பட்ட முகப்பு விளக்குகள் மற்றும் பம்பர்கள், ஏரோ-ஆப்டிமைஸ்டு வீல்கள் மற்றும் EV பேட்ஜிங் போன்ற ஸ்டைலிங் அம்சங்கள் இதை வழக்கமான மாடலில் இருந்து வேறுபடுத்திக் காட்டும். புதிய டாடா 7 சீட்டர் மின்சார எஸ்யுவியின் உட்புறம், அதன் இன்ஜின் மாடலைப் போலவே இருக்கும் என எதிர்பார்க்கப்படுகிறது. 10 ஸ்பீக்கர் ஜேபிஎல் ஆடியோ சிஸ்டம், இன்-கார் கனெக்டிவிட்டி, 6 வழிகளில் அட்ஜெஸ்ட் செய்யக்கூடிய முன் பயணிகள் இருக்கை, காற்றோட்ட வசதியுள்ள முன் மற்றும் இரண்டாம் வரிசை இருக்கைகள், அலெக்ஸா இணைப்பு, ஆம்பியன்ட் லைட்டிங், டூயல் ஜோன் க்ளைமேட் கன்ட்ரோல், வயர்லெஸ் சார்ஜர், சைகை மூலம் கட்டுப்படுத்தப்படும் டெயில்கேட் மற்றும் பல அம்சங்கள் இதில் தொடர வாய்ப்புள்ளது.
தலைப்பு செய்திகள்
ட்ரெண்டிங் செய்திகள்
