Volkswagen SUV: ரூ.9 லட்சம் பட்ஜெட் எஸ்யுவி - ஃபோக்ஸ்வாகன் அதிரடி - என்ன இருக்கும்? எந்த மாடல் - முழு விவரம்
Volkswagen Upcoming SUV: இந்திய ஆட்டோமொபைல் சந்தைக்கு 9 லட்சம் ரூபாய் பட்ஜெட்டிலான எஸ்யுவியை விற்பனைக்கு கொண்டுவரவுள்ளதாக ஃபோக்ஸ்வாகன் நிறுவனம் உறுதி செய்துள்ளது.
Volkswagen Upcoming SUV: இந்திய ஆட்டோமொபைல் சந்தைகான ஃபோக்ஸ்வாகனின் புதிய 9 லட்சம் ரூபாய் பட்ஜெட்டிலான எஸ்யுவி குறித்த விவரங்கள் கீழே பட்டியலிடப்பட்டுள்ளன.
ஃபோக்ஸ்வாகனின் புதிய எஸ்யுவி:
இந்திய ஆட்டோமொபைல் சந்தையில் ஸ்கோடாவின் கைலாக்கிற்கு கிடைத்த வெற்றியை தொடர்ந்து, ஃபோக்ஸ்வாகன் நிறுவனம் புதிய காம்பேக்ட் எஸ்யுவியை தீவிரமாக தயார்படுத்தி வருகிறதாம். அதன் தொடர்ச்சியாக ஜெர்மன் நிறுவனத்தின் புதிய கார் மாடல் இந்தியாவிற்கு வருவதும் உறுதியாகியுள்ளது. அந்த ப்ராண்டின் உள்ளூர் தரப்பு இதற்கான அனுமதியை பெற்றுள்ள நிலையில், சுமார் 275 கோடி ரூபாய் செலவாகும் என மதிப்பிடப்பட்டுள்ளது. இதையடுத்து உள்ளூர் சந்தைக்கு வரவுள்ள புதிய காம்பேக்ட் எஸ்யுவி தொடர்பாக இதுவரை கிடைத்துள்ள தகவல்களின் விவரங்கள் கீழே பட்டியலிடப்பட்டுள்ளன.
ஃபோக்ஸ்வாகனின் போலோ காம்பேக்ட் எஸ்யுவி?
ஸ்கோடா மற்றும் ஃபோக்ஸ்வாகன் ஆகிய ஒரே குழுமத்தின் கீழ் இயங்கும் இரண்டு நிறுவங்னகளுமே இந்திய சந்தையில் தரமான மாடல்களை விற்பனை செய்து வருகின்றன. குஷக் - டைகன் மற்றும் ஸ்லாவியா - விர்டஸ் போன்ற ட்வின் மாடல்கள் இரண்டு நிறுவனங்களுக்குமே நல்ல வெற்றியை தந்துள்ளன. அதேநேரம், அறிமுகம் முதலே இதுவரை இல்லாத உச்சபட்ச விற்பனையை பதிவு செய்து வருவதால், ஸ்கோடாவின் மிகப்பெரிய வெற்றி மாடலாக கைலாக் உருவெடுத்துள்ளது. இந்நிலையில், இந்த மாடலின் ரீபேட்ஜ் எடிஷனை விற்பனைக்கு கொண்டு வந்து தனக்கான இடத்தையும் மேலும் வலுவாக்க ஃபோக்ஸ்வாகன் விரும்புகிறதாம். இந்நிறுவனம் ப்ரேசிலில் டெரா எனும் காம்பேக்ட் எஸ்யுவியை விற்பனையை செய்து வருகிறது. அதன் தாக்கத்தில் இந்தியாவிற்கான எடிஷன் வடிவமைக்கப்பட வாய்ப்புள்ளதாம். அதேநேரம், காரின் பெரும்பாலான அம்சங்கள் ஸ்கோடா கைலாக்கில் இருந்து பின்பற்றக்கூடும். சுவாரஸ்யமான தகவலாக, உள்ளூரில் மிகவும் பிரபலமான போலோ மாடலின் பெயரில் புதிய காம்பேக்ட் எஸ்யுவியை விற்பனைக்கு கொண்டு வந்தாலும் ஆச்சரியப்படுவதற்கு இல்லையாம்.
புதிய காம்பேக்ட் எஸ்யுவி - என்ன எதிர்பார்க்கலாம்?
கைலாக்கின் வெற்றியைத் தொடர்ந்து, ஃபோக்ஸ்வகானும் இந்த பிரிவில் களமிறங்க விரும்புகிறது. வாடிக்கையாளர்களின் கவனத்தை ஈர்க்க புகழ்பெற்ற போலோ பெயரைப் பயன்படுத்துவதை விட சிறந்த வழி வேறு என்ன இருக்க முடியும்? கண்ணைக் கவரும் வடிவமைப்பு, ஜெர்மானியின் தரமான கட்டுமானம் மற்றும் ஓட்டுவதற்கு மகிழ்ச்சியான அனுபவம் என இந்த எஸ்யுவியில் அனைத்தும் இருக்கும் என எதிர்பார்க்கப்படுகிறது. வரவிருக்கும் எஸ்யுவி ஆனது 10 இன்ச் டச்ஸ்க்ரீன், எட்டு இன்ச் இன்ஸ்ட்ரூமென்ட் க்ளஸ்டர், மின்சார மற்றும் வெண்டிலேடட் வசதியுடன் கூடிய முன் இருக்கைகள், எலெக்ட்ரிக் சன்ரூஃப் மற்றும் பல அம்சங்கள் இடம்பெற வாய்ப்புள்ளது.
புதிய காம்பேக்ட் எஸ்யுவி - பவர்ட்ரெயின், விலை
பாதுகாப்பை உறுதி செய்வதற்காக 360-டிகிரி கேமரா, முன்பக்க பார்க்கிங் சென்சார்கள் மற்றும் பல கூடுதல் அம்சங்களுக்கு வாய்ப்பு உள்ளதாம். 114 bhp மற்றும் 178 Nm டார்க்கை உற்பத்தி செய்யும் அதே 1.0-லிட்டர் டர்போ பெட்ரோல் இன்ஜின், 6-ஸ்பீட் மேனுவல் அல்லது 8-ஸ்பீட் ஆட்டோமேட்டிக் கியர்பாக்ஸ் உடன் சந்தைப்படுத்தப்படலாம் என எதிர்பார்க்கப்படுகிறது. ஃபோக்ஸ்வாகன் இந்தியா இந்த எஸ்யுவியின் விலையை ரூ. 9 லட்சம் முதல் ரூ. 16 லட்சம் வரை நிர்ணயிக்கக்கூடும். வெளியாகியுள்ள தகவல்களின்படி இந்த ஃபோக்ஸ்வாகன் எஸ்யுவி 2027-ல் அறிமுகப்படுத்தப்படும் என கூறப்படுகிறது. ப்ராண்டின் போர்ட்ஃபோலியோவில் டைகன் மாடலுக்கு கீழே நிலைநிறுத்தப்பட்டு, நெக்ஸான், ப்ரேஸ்ஸா, வென்யு மற்றும் சோனெட் ஆகிய மாடல்களிடமிருந்து போட்டியை எதிர்கொள்ளக்கூடும்.
தலைப்பு செய்திகள்
ட்ரெண்டிங் செய்திகள்
