Maruti Brezza: நெக்ஸான், வென்யு ரெடியா..! மாருதியின் புதிய SUV-க்கான முன்பதிவு தொடக்கம் - அப்க்ரேட்கள் எப்படி?

Maruti Brezza SUV Booking: மாருதி சுசூகி நிறுவனத்தின் மேம்படுத்தப்பட்ட எஸ்யுவி ஆன ப்ரேஸ்ஸா கார் மாடலுக்கான முன்பதிவு தொடங்கியுள்ளது.

ஆட்டோமொபைல் செய்திகள்

Source : social media/x

Maruti Brezza SUV Booking: மாருதி சுசூகி புதிய ப்ரேஸ்ஸாவில் இடம்பெற உள்ள அம்சங்களின் விவரங்கள் கீழே விவரிக்கப்பட்டுள்ளன.

அப்க்ரேடட் ப்ரேஸ்ஸா எஸ்யுவி - முன்பதிவு தொடக்கம்

இந்திய ஆட்டோமொபைல் சந்தையில் வரும் ஜுலை 23ம் தேதி அறிமுகப்படுத்தப்பட உள்ள, புதிய ப்ரேஸ்ஸாவிற்கான முன்பதிவை மாருதி சுசூகி நிறுவனம் அதிகாரப்பூர்வமாக தொடங்கியுள்ளது. விருப்பமுள்ள பயனர்கள் ரூ.11 ஆயிரம் என்ற டோக்கன் தொகையை செலுத்தி, இந்த மேம்படுத்தப்பட்ட காம்பேக்ட் எஸ்யுவியை முன்பதிவு செய்துகொள்ளலாம். மாருதி சுசூகி அரேனா டீலர்ஷிப்கள் மற்றும் ப்ராண்டின் அதிகாரப்பூர்வ இணையதள முகவரிகளை அணுகி வாடிக்கையாளர்கள் முன்பதிவு செய்யலாம். புதிய ப்ரேஸ்ஸாவானது பல்வேறு மாற்றங்களை கொண்டு வரும் என எதிர்பார்க்கப்படுகிறது. அதில் புதிய ஸ்டைலிங், கூடுதல் அம்சங்கள் மற்றும் சில மெக்கானிக்கல் அப்டேட்கள் இடம்பெறும்.

புதிய ப்ரேஸ்ஸா SUV - பெரிய டச்ஸ்க்ரீன், கூடுதல் அம்சங்கள்

புதிய ப்ரேஸ்ஸாவில் எதிர்பார்க்கப்படும் மிகப்பெரிய மாற்றங்கள் உட்புறம் கேபினில் இருக்கும் என கூறப்படுகிறது. அதன்படி காம்பேக்ட் எஸ்யுவியில் பெரிய 10.25 இன்ச் பெரிய டச்ஸ்க்ரீன் இன்ஃபோடெயின்மெண்ட் சிஸ்டமானது தற்போதுள்ள இன்ச் யூனிட்டிற்கு மாற்றாக வழங்கப்பட உள்ளது. அதேநேரம், இதில் தொடர்ந்து வயர்லெஸ் ஆப்பிள் கார்பிளே மற்றும் ஆண்ட்ராய்ட் ஆட்டோ அம்சங்கள் அப்படியே தொடரும் என எதிர்பார்க்கப்படுகிறது. இதுபோக பல கூடுதல் கனெக்டட் கார் அம்சங்களையும் மாருதி இதில் வழங்க உள்ளதாம். அவற்றோடு ஆட்டோமேடிக் க்ளைமேட் கன்ட்ரோல், வயர்லெஸ் போன் சார்ஜிங், க்ரூஸ் கன்ட்ரோல் மற்றும் டாப் வேரியண்ட்களில் ஹெட்-அப் டிஸ்பிளே ஆகியவையும் இடம்பெறக்கூடுமாம். இந்த புதிய அம்சங்களானது காம்பேக்ட் எஸ்யுவி செக்மெண்டில் ப்ரேஸ்ஸாவை மிகவும் போட்டித்தன்மையாக மாற்ற உள்ளது.

புதிய ப்ரேஸ்ஸா - புத்துணர்ச்சியூட்டப்பட்ட ஸ்டைலிங்

ப்ரேஸ்ஸாவின் வெளிப்புறமும் சில ஸ்டைலிங் அம்சங்களை புதியதாக பெறக்கூடுமாம். முன்புற பம்பர் மற்றும் க்ரில்லானது திருத்தப்பட்ட டிசைனை கொண்டிருக்குமாம். அதேநேரம், எல்இடி லைட்டிங் எலிமெண்ட்களும் அப்டேட் செய்யப்பட உள்ளதாம். எதிர்பார்ப்பு பட்டியலில் புதிய அலாய் வீல்கள் மற்றும் கூடுதல் வண்ண ஆப்ஷன்களும்  கிடைக்குமாம். காரின் ஒட்டுமொத்த தோற்றமானது பெரும்பாலும் எந்தவித மாற்றமும் பெறப்போவதில்லை. அதேநேரம், அப்டேட்களானது காருக்கு புதிய பார்வையை வழங்குமாம். 

6 ஸ்பீட் மேனுவல், சிஎன்ஜி பேக்கிங்:

மேம்படுத்தப்பட்ட ப்ரேஸ்ஸாவில் வழங்கப்படும் மிக முக்கியமான அப்டேட்டாக 6 ஸ்பீட் மேனுவல் கியர்பாக்ஸின் இணைப்பு கருதப்படுகிறது. இதன் மூலம் தற்போதுள்ள 5 ஸ்பீட் யூனிட் கைவிடப்படுகிறது. இந்தக் கூடுதல் கியர், நெடுஞ்சாலைப் பயணத்தை மேலும் எளிதாக்குவதோடு, எரிபொருள் சிக்கனத்தையும் மேம்படுத்தும் என எதிர்பார்க்கப்படுகிறது. விக்டோரிஸ் கார்களில் காணப்படும் அமைப்பைப் போலவே, வாகனத்தின் கட்டமைப்புக்கு அடியில் பொருத்தப்பட்ட சிஎன்ஜி டேங்க்குடன் இந்த சிஎன்ஜி எடிஷன் நடைமுறைக்கு உகந்ததாக மாறக்கூடும். வழக்கமான சிலிண்டர் அமைப்போடு ஒப்பிடும்போது, ​​இந்த வடிவமைப்பு அதிக பூட் ஸ்பேஸை வழங்குகிறது.

புதிய ப்ரேஸ்ஸா - இன்ஜின் ஆப்ஷன்கள்

ம்ற்றபடி மேம்படுத்தப்பட்ட ப்ரேஸ்ஸாவானது வழக்கமான 1.5-லிட்டர் நேட்சுரலி ஆஸ்பிரேட்டட் பெட்ரோல் இன்ஜினுடன் தொடரும் என எதிர்பார்க்கப்படுகிறது. மேனுவல் மற்றும் ஆட்டோமேட்டிக் டிரான்ஸ்மிஷன் ஆகிய இரண்டு ஆப்ஷன்களும் நீடிக்கும். ஃபேக்டரி-பொருத்தப்பட்ட CNG எடிஷனௌம் காரின் லைன் - அப்பில் தொடர உள்ளது. ஃப்ராங்க்ஸில் உள்ள 1.0-லிட்டர் டர்போ-பெட்ரோல் இன்ஜினையும் மாருதி அறிமுகப்படுத்தலாம் என கூறப்பட்டாலும் அதிகாரப்பூர்வ அறிவிப்பு ஏதும் இதுவரை வெளியாகவில்லை.

புதிய ப்ரேஸ்ஸா - விலை

கடந்த 2016ம் ஆண்டு முதன்முதலில் அறிமுகப்படுத்தப்பட்டது முதலே, ப்ரெஸ்ஸா மாருதியின் அதிகம் விற்பனையாகும் எஸ்யுவிக்களில் ஒன்றாக தொடர்கிறது. கடந்த பத்தாண்டுகளில் இது இந்தியாவில் 14 லட்சத்திற்கும் அதிகமான யூனிட்களை விற்பனையாகியுள்ளது. புதிய எடிஷனானது உள்நாட்டு சந்தையில் டாடா நெக்ஸான்,  ஹுண்டாய் வென்யு, கியா சோனெட், மஹிந்திரா எக்ஸ்யூவி 3எக்ஸ்ஓ, ஸ்கோடா கைலாக், ரெனால்ட் கைகர், டொயோட்டா டைஸர் மற்றும் மாருதி சஃப்ராங்க்ஸ் ஆகியவற்றிடமிருந்து போட்டியை எதிர்கொள்கிறது. இதன் விலை ரூ.8.50 லட்சத்தில் தொடங்கி ரூ.15 லட்சம் வரை நீடிக்கலாம் என எதிர்பார்க்கப்படுகிறது.