EV Two Wheeler Sales: எகிறிய இ ஸ்கூட்டர் விற்பனை! TVSதான் டாப்பு... ஜுன் மாதத்தில் மத்தவங்க எப்படி?

EV Two Wheeler Sales in June 2026: கடந்த ஜுன் மாதத்தில் டிவிஎஸ் நிறுவனத்தின் இ ஸ்கூட்டர்களுக்கு இந்தியாவில் அதிக அளவில் விற்பனையாகியுள்ளது.

ஜுன்-2026 இ ஸ்கூட்டர் விற்பனை

Source : ABPLIVE AI

Electric Scooter Sales in June 2026: இந்தியாவில் கடந்த சில மாதங்களாக மின்சார வாகனங்களின் பயன்பாடு அதிகரித்து வருகிறது. குறிப்பாக, இ ஸ்கூட்டர்கள், இ பைக்குகளின் எண்ணிக்கை பெட்ரோல் வாகனங்களுக்கு நிகராக அதிகரித்து வருகிறது. 

இ ஸ்கூட்டர் விற்பனை:

ஜுன் மாதத்தில் மின்சார வாகனங்களின் விற்பனை அதிகரித்துள்ளது. கடந்த ஜுன் மாதத்தில் அதிகளவு டிவிஎஸ் நிறுவனத்தின் மின்சார வாகனங்கள் விற்பனையாகியுள்ளது. ஜுன் மாதம் அதிகம் விற்பனையான நிறுவனங்களின் மின்சார வாகனங்களின் பட்டியலை காணலாம்.

டிவிஎஸ் நம்பர் 1:

1 . டிவிஎஸ் - 46 ஆயிரத்து 999

2. பஜாஜ் - 43 ஆயிரத்து 234

3. ஏதர் - 31 ஆயிரத்து 188

4. ஹீரோ - 21 ஆயிரத்து 792

5. ஓலா - 16 ஆயிரத்து 144

6. கிரீவ்ஸ் எலக்ட்ரிக் மொபைலிட்டி - 10 ஆயிரத்து 928

7. ரிவர் - 4 ஆயிரத்து 391

8. பிகாஸ் - 3 ஆயிரத்து 916

9. இ ஸ்ப்ரின்டோ - 1, 878

10.  சிம்பிள் - 1,365

11. மற்றவை - 11 ஆயிரத்து 660

இந்த பட்டியலில் டிவிஎஸ் நிறுவனம் முதலிடத்தில் உள்ளது. அவர்களின் மின்சார வாகனம் மொத்த விற்பனையில் 24.29 சதவீதம் ஆகும். பஜாஜ் நிறுவனம் 22.34 சதவீதம் விற்பனையை கடந்த ஜுன் மாதம் செய்துள்ளது.

மாதந்தோறும் அதிகரிப்பு:

டிவிஎஸ் நிறுவனம் ஆர்பிட்டர் மற்றும் ஐக்யூப் இ ஸ்கூட்டரை விற்பனை செய்து வருகிறது. ஆர்பிட்டர் வி 2 இ ஸ்கூட்டர் 158 கிலோமீட்டர் வரை மைலேஜ் அளிக்கிறது. 3.1 கிலோவாட் பேட்டரி பொருத்தப்பட்டுள்ளது. இதன் விலை ரூபாய் 1 லட்சத்து 19 ஆயிரத்து 381 ஆகும். டிவிஎஸ் ஐக்யூப் இ ஸ்கூட்டர் 175 கிலோமீட்டர் வரை மைலேஜ் அளிக்கிறது. பஜாஜ் சேத்தக் இ ஸ்கூட்டர் 153 கிலோமீட்டர் வரை மைலேஜ் அளிக்கிறது. 5 வேரியண்ட் அளிக்கிறது. ரூபாய் 1 லட்சத்து 51 ஆயிரத்து 3 ரூபாய் ஆகும்.

மின்சார வாகனங்கள் தயாரிப்பிற்காக சந்தையில் இயங்கி வரும் ஏதர், ஓலா நிறுவனங்களை டிவிஎஸ், பஜாஜ் பின்னுக்குத் தள்ளியுள்ளது. மொத்தமாக கடந்த ஜுன் மாதம் 1 லட்சத்து 93 ஆயிரம் மின்சார இரு சக்கர வாகனம் விற்பனையாகியுள்ளது. மே மாதம் 9.4 சதவீதமாக இருந்த மின்சார இரு சக்கர வாகன விற்பனை தற்போது 12.2 சதவீதமாக உயர்ந்துள்ளது.

ஓலாவை பின்னுக்குத் தள்ளிய ஏதர்:

ஏதருக்கு போட்டியாக கருதப்படும் ஓலா நிறுவனம் கடந்த ஜுன் மாதம் 16 ஆயிரத்து 144 வாகனங்கள் மட்டுமே விற்பனையாகியுள்ளது. ஆனால், ஏதர் நிறுவனம் 31 ஆயிரத்து 188 மின்சார வாகனங்களை விற்பனை செய்துள்ளது. ரிவர் இண்டி இ ஸ்கூட்டரை மட்டுமே விற்பனை செய்து வரும் ரிவர் நிறுவனம் 4 ஆயிரத்து 391 இ ஸ்கூட்டர் மட்டுமுே விற்பனையாகியுள்ளது.

பெட்ரோல், டீசல் விலை உயர்வு காரணமாகவும் கடந்த ஜுன் மாதம் இரு சக்கர மின்சார வாகனங்களின் விற்பனை அதிகரித்துள்ளது.