Innova Hycross EMI: ரூ.1 லட்சம் டவுன் பேமெண்டில் Toyota Innova Hycross வாங்கினால் மாதம் எவ்வளவு EMI கட்ட வேண்டும்? முழு விவரம் இதோ
டயோட்டா இன்னோவா ஹைகிராஸ் G ஃப்ளீட் 7 சீட்டர் வேரியண்ட் த காரை ஃபைனான்ஸ் பிளான் மூலம் வாங்கினால் எவ்வளவு இஎம்ஐ கட்ட வேண்டும் என்று தெரிந்து கொள்ளலாம்.
Toyota Innova Hycross Down Payment: நீங்கள் அதிக இடவசதி, பிரீமியம் அம்சங்கள், சக்திவாய்ந்த செயல்திறன் வழங்கும் 7 சீட்டர் காரை வாங்க விரும்பினால், டயோட்டா இன்னோவா ஹைகிராஸ் கார் உங்களுக்கு சிறந்த தேர்வாக இருக்கும். இந்த MPV தனது ஹைபிரிட் தொழில்நுட்பம், சிறந்த மைலேஜ், சிறந்த கேபின் காரணமாக இந்திய சந்தையில் மிகவும் பிரபலமானது. இதன் விலை சற்று அதிகமாக இருந்தாலும், முழுத் தொகையையும் ஒரே நேரத்தில் செலுத்தாமல் ஃபைனான்ஸ் மூலமாகவும் வாங்கலாம். 1 லட்சம் ரூபாய் டவுன் பேமெண்ட் செய்தால், ஒவ்வொரு மாதமும் எவ்வளவு EMI செலுத்த வேண்டும் என்பதை இங்கே தெரிந்துகொள்ளுங்கள்.
காரின் ஆன் ரோடு விலை எவ்வளவு?
டயோட்டா இன்னோவா ஹைகிராஸ் G ஃப்ளீட் 7 சீட்டர் வேரியண்டின் சென்னையில் எக்ஸ்-ஷோரூம் விலை ₹18,70,000 ஆகவும், ஆன்-ரோடு விலை சுமார் ₹23.79 லட்சமாகவும் உள்ளது. நீங்கள் ₹1 லட்சம் டவுன் பேமெண்ட் செய்தால், மீதமுள்ள தொகைக்கு கார் லோன் எடுக்க வேண்டியிருக்கும். வங்கி உங்கள் வருமானம், கிரெடிட் ஸ்கோர் அடிப்படையில் லோனை அனுமதிக்கும். சிறந்த கிரெடிட் ஸ்கோர் இருந்தால் குறைந்த வட்டியில் லோன் வழங்கப்படும்.
ஒவ்வொரு மாதமும் EMI எவ்வளவு செலுத்த வேண்டும்?
4 ஆண்டு காலம்: வங்கி உங்களுக்கு ஆண்டுக்கு 9 சதவீத வட்டி விகிதத்தில் 4 ஆண்டுகளுக்கு கார் லோன் வழங்கினால், நீங்கள் மாத EMI சுமார் ரூ.52, 53 ஆயிரம் வரை செலுத்த வேண்டும். இந்த விருப்பத்தில் கார் லோன் விரைவாக முடிந்து, மொத்த வட்டியும் குறைவாக செலுத்த வேண்டியிருக்கும்.
5 ஆண்டு காலம்: EMI சுமையை சற்று குறைக்க விரும்பினால், 5 ஆண்டுகள் கார் லோனைத் தேர்வு செய்யலாம். உங்கள் EMI மாதத்திற்கு சுமார் ரூ.44 ஆயிரம் வரை இருக்கும். ஒவ்வொரு மாதமும் சற்று குறைவான EMI செலுத்த விரும்புவோருக்கு இது சிறந்த தேர்வாகக் கூறலாம்.
இந்த விஷயங்களை நினைவில் கொள்ளுங்கள்
அதிக கால அவகாசம் கொண்ட லோன் எடுப்பதால் மாத EMI தவணை குறையும். ஆனால் காருக்காக செலுத்தும் மொத்த வட்டி அதிகரிக்கும். எனவே கார் லோன் காலத்தைத் தேர்வு செய்வதற்கு முன் உங்கள் பட்ஜெட், தேவைகளை கருத்தில் கொள்ள வேண்டும். வங்கிகளின் வட்டி விகிதங்கள், செயலாக்கக் கட்டணங்களைச் சரிபார்த்து எடுக்க வேண்டும். டவுன் பேமெண்ட் அதிகமாகச் செய்தால் கார் லோன் தொகை குறையும். அதனால் EMI குறையும்.
டயோட்டா இன்னோவா ஹைகிராஸ் அம்சங்கள்
டயோட்டா இன்னோவா ஹைகிராஸ் தனது பெரிய, பிரீமியம் கேபினால் கவர்கிறது. இதில் 7, 8 சீட்டர் இருக்கை விருப்பங்கள், பனோராமிக் சன்ரூஃப், பெரிய டச்-ஸ்கிரீன் இன்ஃபோடெயின்மென்ட் சிஸ்டம், வயர்லெஸ் ஆண்ட்ராய்டு ஆட்டோ, ஆப்பிள் கார்ப்ளே, வென்டிலேட்டட் ஃப்ரண்ட் சீட்கள், டூயல் ஜோன் கிளைமேட் கண்ட்ரோல், 360 டிகிரி கேமரா, ADAS பாதுகாப்பு அம்சங்கள், ஏர்பேக்குகள், நவீன வசதிகள் கிடைக்கின்றன. ஹைபிரிட் வேரியண்ட் மேம்பட்ட மைலேஜுடன் மென்மையான டிரைவிங் அனுபவத்தை வழங்குகிறது.
இந்திய சந்தையில் டயோட்டா இன்னோவா ஹைகிராஸுக்கு சில கார்கள் போட்டியளிக்கின்றன. அவற்றில் Mahindra XUV700, Maruti Suzuki Invicto, Tata Safari, Toyota Innova Crysta, Kia Carens போன்ற 7 சீட்டர் கார்கள் உள்ளன. அதிக இடவசதி, ஹைபிரிட் தொழில்நுட்பம், பிராண்ட் மதிப்பு காரணமாக ஹைகிராஸ் தனது தனித்துவமான அடையாளத்தைத் தக்க வைத்துள்ளது.
தலைப்பு செய்திகள்
ட்ரெண்டிங் செய்திகள்
