Rasipalan November 26: மேஷத்துக்கு சிந்தனையில் மாற்றம்; ரிஷபம் குடும்பத்திற்கு உறுதுனை! உங்கள் ராசிபலன்?

Rasi Palan Today, November 26: இன்று கார்த்திகை மாதம் 11ம் நாளில், எந்தெந்த ராசியினருக்கு என்னென்ன பலன்கள் குறித்து விரிவாக காணலாம்.

ராசிபலன்

Source : abp

இன்றைய ராசி பலன்கள்: Rasi Palan Today November 26, 2024: 

 அன்பார்ந்த வாசகர்களே இன்றைய நாளில் உங்கள் ராசிக்கு எப்படி இருக்க போகிறது என்று பார்க்கலாம்....

மேஷ ராசி

 

செயல்பாடுகளில் துரிதம் ஏற்படும். தூரத்து உறவினர்களின் சந்திப்பு உண்டாகும். உயர் அதிகாரிகளின் நட்பு கிடைக்கும். கமிஷன் பணிகளில் லாபம் அடைவீர்கள். சிந்தனைப் போக்கில் சில மாற்றம் ஏற்படும். பயணம் மூலம் புதிய அனுபவம் கிடைக்கும். உத்தியோகப் பணிகளில் முக்கியத்துவம் ஏற்படும். சில பிரச்சனைகளுக்கு முடிவுகள் பிறக்கும். சுகம் மேம்படும் நாள்.

 

ரிஷப ராசி

 

எதிலும் சிக்கனத்துடன் செயல்படுவீர்கள். வித்தியாசமான சிந்தனைகளால் குழப்பங்கள் ஏற்பட்டு நீங்கும். குடும்பத்தின் தேவைகளை நிறைவேற்றுவீர்கள். கற்பனை சார்ந்த துறைகளில் முன்னேற்றம் ஏற்படும். பணியிடங்களில் மாறுதல் ஏற்படும். பழைய சொத்துக்களை மாற்றி அமைப்பீர்கள். புதுமையான விஷயங்களில் ஆர்வம் உண்டாகும். நட்பு நிறைந்த நாள்.

 

மிதுன ராசி

 

எதிர்பாராத சில காரியங்கள் நிறைவேறும். நண்பர்களின் எண்ணங்களைப் புரிந்து கொள்வீர்கள். கடன் சார்ந்த உதவிகள் கிடைக்கும். வியாபார பயணங்களில் அனுகூலம் ஏற்படும். மறைமுகமான போட்டிகளைச் சமாளிப்பீர்கள். அலுவலகத்தில் அமைதியான சூழல் நிலவும். கல்வியில் முன்னேற்றமான வாய்ப்புகள் கிடைக்கும். வரவு மேம்படும் நாள்.

 

 கடக ராசி

 

எதிலும் பொறுமையுடன் செயல்பட்டால் ஆதாயம் அதிகரிக்கும். புதுவிதமான பொருட்களில் ஆர்வம் உண்டாகும்.சொத்து விற்பனை சாதகமாக முடியும். சிந்தனைகளில் இருந்துவந்த குழப்பம் விலகும். உயர் அதிகாரிகள் பற்றிய புரிதல் மேம்படும். கருத்துக்களுக்கு மதிப்பு கிடைக்கும். உறவினர்களிடம் அனுசரித்துச் செல்லவும். பக்தி மேம்படும் நாள்.

 

 சிம்ம ராசி

 

முயற்சிகளில் கவனம் வேண்டும். சுபகாரிய பேச்சுவார்த்தையில் முன்னேற்றம் ஏற்படும். எதிர்பார்ப்புகளில் இருந்துவந்த தடைகள் விலகும். நினைத்த காரியங்களைச் செய்து முடிப்பீர்கள். உங்கள் மீதான நம்பிக்கையில் மாற்றம் ஏற்படும். விருப்பமான பொருட்களை வாங்கி மகிழ்வீர்கள். பொன், பொருட்சேர்க்கை உண்டாகும். நண்பர்களின் உதவி கிடைக்கும். வெற்றி கிடைக்கும் நாள்.

 

 

 கன்னி ராசி

 

சவாலான செயல்களில் சிந்தித்துச் செயல்படவும். சிறு சிறு விவாதங்கள் தோன்றி மறையும். வியாபாரம் நிமித்தமான குழப்பம் விலகும். சக ஊழியர்களால் நெருக்கடிகள் தோன்றி மறையும். மற்றவர்கள் பற்றிய கருத்துக்களைத் தவிர்க்கவும். சபை பணிகளில் முக்கியத்துவம் மேம்படும். உடல் ஆரோக்கியம் பற்றிய ஆலோசனைகள் கிடைக்கும். பரிசு மேம்படும் நாள்.

 

 துலாம் ராசி

 

உறவுகள் வழியில் அலைச்சல் ஏற்படும். பழைய பிரச்சனைகளுக்குத் தீர்வுகள் ஏற்படும். கடன் செயல்களால் நெருக்கடி ஏற்படும். வாகனப் பயணங்களில் நிதானம் வேண்டும். அலுவலகத்தில் மறைமுகமான எதிர்ப்புகள் ஏற்பட்டு நீங்கும். முயற்சிகளில் மாற்றமான முடிவுகள் கிடைக்கும். வெளி உணவுகளைக் குறைத்துக் கொள்ளவும். தன்னம்பிக்கை வேண்டிய நாள்.

 

விருச்சிக ராசி

 

விரும்பிய விஷயங்களை அடைவதற்கான சூழல் அமையும். கலை சார்ந்த துறைகளில் மதிப்புகள் மேம்படும். குடும்ப உறுப்பினர்களுடன் சுபநிகழ்ச்சியில் கலந்து கொள்வீர்கள். புதிய வியாபாரம் குறித்த ஆலோசனைகள் ஏற்படும். எதிர்கால சேமிப்பு சார்ந்த எண்ணங்கள் அதிகரிக்கும். பொதுக் காரியங்களில் ஒத்துழைப்பு ஏற்படும். பாராட்டு கிடைக்கும் நாள்.

 

தனுசு ராசி

 

உறவினர்கள் ஆதரவாக இருப்பார்கள். உடன் இருப்பவர்களுக்காக சில பொறுப்புகளை ஏற்பீர்கள். குழந்தைகள் வழியில் விட்டுக்கொடுத்து செயல்படவும். நீண்ட நாள் ஆசைகள் நிறைவேறும். விலகி இருந்தவர்களின் எண்ணங்களைப் புரிந்து கொள்வீர்கள். வியாபார விருத்திக்கான சூழல்கள் உண்டாகும். பணிபுரியும் இடத்தில் புதிய வாய்ப்புகள் கிடைக்கும். பொறாமை மறையும் நாள்.

 

மகர ராசி

 

குடும்பத்தில் சிறு வாதங்கள் ஏற்பட்டு நீங்கும். நண்பர்களுடன் சிறு தூரப் பயணங்கள் சென்று வருவீர்கள். நேர்மறையான சிந்தனைகள் மேம்படும். எதிர்பார்த்த சில செய்திகள் கிடைக்கும். புதிய முயற்சிகளுக்குச் சாதகமான சூழல் உண்டாகும். உயர் அதிகாரிகளின் ஆலோசனைகள் தெளிவினை ஏற்படுத்தும். வியாபாரத்தில் பொறுமையுடன் செயல்படவும். ஆதரவு மேம்படும் நாள்.

 

கும்ப ராசி

 

மறைமுகமான விமர்சனங்கள் தோன்றி மறையும். எதிர்பாராத சில வாய்ப்புகள் கிடைக்கும். புதிய நபர்களிடம் கவனத்துடன் செயல்படவும். குடும்பத்தில் விவாதங்களைத் தவிர்க்கவும். பணிபுரியும் இடத்தில் மாற்றமான சூழல்கள் உண்டாகும். நண்பர்களிடத்தில் அனுசரித்துச் செல்லவும். எதிலும் விழிப்புணர்வுடன் செயல்படவும். அமைதி வேண்டிய நாள்.

 

மீன ராசி

 

சகோதரர்கள் வழியில் ஆதரவான சூழல் அமையும். எதிர்பார்த்த உதவிகள் கிடைக்கும். விலை உயர்ந்த பொருட்களை வாங்குவீர்கள். துணைவர் வழியில் ஒத்துழைப்பு மேம்படும். வியாபாரத்தில் புதிய ஒப்பந்தங்கள் கைகூடும். மனதளவில் இருந்துவந்த  தாழ்வு மனப்பான்மை குறையும். உயர் அதிகாரிகளால் அனுகூலம் உண்டாகும். போட்டி நிறைந்த நாள்.