Incentives to Priests: தமிழில் அர்ச்சனை செய்யும் அர்ச்சகர்களுக்கு ஊக்கத்தொகை - அமைச்சர் சேகர்பாபு அறிவிப்பு
மயிலாப்பூர், நெல்லை, தஞ்சாவூர், திருவண்ணாமலை கோயில்களில் மகாசிவராத்திரியன்று மாபெரும் விழா நடத்தப்படும்.
தமிழில் அர்ச்சனை செய்யும் அர்ச்சகர்களுக்கு ஊக்கத்தொகை வழங்கப்படும் என்று சட்டப்பேரவையில் அமைச்சர் சேகர்பாபு அறிவித்துள்ளார்.
இந்துஅறநிலையத்துறை அமைச்சர் சேகர்பாபு அறநிலையத்துறை மானியக்கோரிக்கை அறிவிப்புகளை வெளியிட்டார்.
அதன் முக்கிய அறிவிப்புகள்
* அன்னைத் தமிழில் அர்ச்சனை செய்யும் அர்ச்சகர்களுக்கு அர்ச்சனை கட்டணத்தில் 60% பங்குத்தொகை கொடுக்கப்படும். தமிழில் அர்ச்சனை செய்யும் அர்ச்சகர்களை ஊக்குவிக்க சிறப்புக் கட்டணச்சீட்டுகள் அறிமுகப்படுத்தப்படும்.
* ஒருகால பூஜை திட்டத்தில் நிதிவசதியற்ற மேலும் 2000 கோயில்களுக்கு அரசு மானிய திட்டம் விரிவுப்படுத்தப்படும்.
* 27 திருக்கோயில்களில் ரூ.80 கோடியில் புதிய திருமண மண்டபங்கள் அமைக்கப்படும்.
#BREAKING | நாள் முழுவதும் அன்னதானம் வழங்கும் திட்டம் மேலும் 3 கோயில்களுக்கு விரிவுபடுத்தப்படும் - அமைச்சர் சேகர்பாபுhttps://t.co/wupaoCzH82 | #TNAssembly #MKStalin #SekarBabu #Temples pic.twitter.com/Bx4jACY8Ag
— ABP Nadu (@abpnadu) May 4, 2022
* 52 வாரங்களுக்கு முக்கிய நகரங்களில் வள்ளலார் முப்பெரும் விழா நடத்தப்படும். சேக்கிழாரின் பிறந்த தலமான குன்றத்தூரில் அவரது திருநட்சத்திரத்தையொட்டி 3 நாட்கள் அரசு விழா நடத்தப்படும். கமலமுனி சித்தர், பாம்பாட்டி சித்தர், சுந்தரானந்த சித்தர் ஆகியோருக்கு இந்தாண்டு விழா எடுக்கப்படும்.
* மயிலாப்பூர், நெல்லை, தஞ்சாவூர், திருவண்ணாமலை கோயில்களில் மகாசிவராத்திரியன்று மாபெரும் விழா நடத்தப்படும். மேலும் 8 கோயில்களில் யானைகளுக்கான குளியல் தொட்டிகள் அமைக்கப்படும்
* திருமணம் செய்யும் மணமக்களில் ஒருவர் மாற்றுத்திறனாளியாக இருந்தால் கோயில் சார்பில் புத்தாடை வழங்கப்படும்
* தமிழ் மூதாட்டி ஒளவையாருக்கு ரூ.1 கோடியில் மணி மண்டபம் கட்டப்பட்டு, 3 நாட்கள் அரசு விழா நடத்தப்படும்.
* அதிகளவில் பக்தர்கள் வரும் 10 திருக்கோயில்களில் மருத்துவ மையங்கள் ஏற்படுத்தப்பட்டுள்ளன. இவ்வாண்டு மேலும் 5 திருக்கோயில்களுக்கு புதிதாக மருத்துவ மையங்கள் அமைக்கப்படும்.
* தமிழ்நாட்டில் 14 திருக்கோயில்களில் ரூ.11 கோடி மதிப்பீட்டில் அன்னதான கூடங்கள் கட்டப்படும். ராமேஸ்வரம், மதுரை, திருவண்ணாமலை கோயில்களில் முழுநேர அன்னதான திட்டம் தொடங்கப்படும்.
* பழநியில் தண்டாயுதபாணி சுவாமி கோயில் சார்பாக நடத்தப்படும் பள்ளி, கல்லூரிகளில் மாணவருக்கு கட்டணமில்லா காலை சிற்றுண்டி வழங்கப்படும்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
