Ranji Trophy; நோ சொன்ன பண்ட்; வழிக்கு வருவாரா விராட் கோலி.?
ரஞ்சிக் கோப்பை போட்டிகளில் கேப்டனாக செயல்பட ரிஷப் பண்ட் மறுத்துவிட்டதாக தகவல் வெளியாகியுள்ளது. இந்நிலையில், அணியில் சேர்க்கப்பட்டுள்ள விராட் கோலி, தனது வருகையை உறுதி செய்யவில்லை என கூறப்படுகிறது.
ரஞ்சிக்கோப்பை கிரிக்கெட் போட்டியில் ஆடும் டெல்லி அணி குறித்த அறிவிப்பு வெளியாகியுள்ளது. டெல்லி கிரிக்கெட் சங்கம் வெளியிட்டுள்ள அறிவிப்பில், ஆயுஷ் பதோனியே கேப்டனாக செயல்படுவார் என தெரிவிக்கப்பட்டுள்ளது.
கேப்டன் பொறுப்பை ஏற்க மறுத்த ரிஷப் பண்ட்
இன்று, டெல்லி கிரிக்கெட் சங்கத்தின் கூட்டம் நடைபெற இருந்த நிலையில், ரஞ்சிக் கோப்பையில் விளையாடும் டெல்லி அணிக்கு கேப்டனாக ரிஷப் பண்ட் அறிவிக்கப்படுவார் என தகவல்கள் வெளியாகின. ஆனால், கேப்டன் பொறுப்பை ஏற்க ரிஷப் பண்ட் மறுத்துவிட்டதாக தெரிகிறது. இதனால், இன்றைய கூட்டத்திற்குப் பின், ரஞ்சிக் கோப்பையில் பங்குபெறும் டெல்லி அணி வீரர்களின் பட்டியலை வெளியிட்ட டெல்லி கிரிக்கெட் சங்கம், ஆயுஷ் பதோனியே கேப்டனாக தொடர்வார் என்ற அறிவிப்பை வெளியிட்டுள்ளது.
விராட் கோலியின் நிலை என்ன.?
டெல்லி கிரிக்கெட் சங்கம் வெளியிட்டுள்ள வீரர்கள் பட்டியலில், விராட் கோலியின் பெயரும் இடம்பெற்றுள்ளது. ஆனாலும், அவரது வருகை குறித்து இன்னும் உறுதி செய்யப்படவில்லை. இதனிடையே, பிசிசிஐ வெளியிட்ட புதிய விதிகளின்படி, சர்வதேச போட்டிகளில் விளையாடும் இந்திய வீரர்கள், உள்நாட்டு கிரிக்கெட் போட்டிகளிலும் நிச்சயம் பங்கேற்க வேண்டும் என அறிவுறுத்தியுள்ளது. அப்படி பங்கேற்காவிட்டால், சர்வதேச போட்டிகளில் விளையாடும் வாய்ப்பை இழக்க நேரிடும் என்றும் செக் வைத்துள்ளது. இதனால், விராட் கோலி ரஞ்சிக் கோப்பை போட்டியில் பங்கேற்கலாம் என்ற எதிர்பார்ப்பு எழுந்துள்ளது.
தலைப்பு செய்திகள்
ட்ரெண்டிங் செய்திகள்
