Cristiano Ronaldo: நினைத்தால் உனை நினைத்தால்.. இறந்த மகனுக்கு 100-வது கோலை சமர்பித்த ரொனால்டோ..!
பிரபல கால்பந்து ஜாம்பவான் ரொனால்டோவிற்கு புதிதாக பிறந்த மகன் கடந்த திங்கட்கிழமை உயிரிழந்தார்.
கால்பந்து உலகில் பிரபலமான ஜாம்பவான் வீரர்களில் ஒருவர் கிறிஸ்டியானா ரொனால்டோ. இவருக்கு அன்மையில் இரட்டை குழந்தை பிறந்தது. அதில் ஆண் குழந்தை பிறந்தவுடன் இறந்தது. இந்த நீங்காத துயரத்தில் இருந்தார். மான்சஸ்டர் அணியின் கடந்த க்ளப் போட்டியில் அவர் விளையாடவில்லை. அந்த துயரத்திலிருந்து சற்று மீண்டு வந்த பிறகு ரொனால்டோ மீண்டும் கால்பந்து களத்திற்கு திரும்பினார். அவர் நேற்று நடைபெற்ற க்ளப் கால்பந்து போட்டியில் பங்கேற்றார். மான்சஸ்டர் யூனைடேட் அணிக்காக அவர் களமிறங்கினார். மான்சஸ்டர் யூனைடேட் மற்றும் ஆர்ஸ்னல் அணிகள் மோதிய போட்டியில் அவர் களமிறங்கிய உடன் ரசிகர்கள் அவருக்கு உற்சாக வரவேற்பை அளித்தனர்.
இந்நிலையில் அந்தப் போட்டியில் அவர் சிறப்பாக ஒரு கோலை அடித்தார். அந்த கோலை அடித்த பிறகு தன்னுடைய கையை வானத்தை நோக்கி காட்டி தன்னுடைய இறந்து போன மகனுக்கு அந்த கோலை அர்பணித்தார். அவரின் இந்தச் செயலை கால்பந்து ரசிகர்கள் பலரையும் உணர்ச்சியில் ஆழ்த்தியது. அவரின் இந்தச் செயலை பலரும் நெகிழ்ந்து வருகின்றனர். இது க்ளப் போட்டிகளில் ரொனால்டோ அடிக்கும் 100ஆவது கோல். இந்தச் சிறப்பு மிக்க கோலை தன்னுடைய இறந்த மகனுக்கு அவர் அர்பணித்துள்ளார்.
💯 @PremierLeague goals for @Cristiano!#MUFC | #ARSMUN pic.twitter.com/MnzqSjtmSd
— Manchester United (@ManUtd) April 23, 2022
முன்னதாக கடந்த திங்கட்கிழமை இரவு தன்னுடைய மகன் இறந்தது தொடர்பாக உணர்ச்சிகரமான பதிவு ஒன்றை அவர் செய்திருந்தார். அதில், “எங்களுடைய அன்பு மகன் இறந்துவிட்டான் என்பதை மிகவும் கனத்த இதயத்துடன் பதிவு செய்கிறோம். பெற்றோராக நாங்கள் மிகுந்த வேதனையுடன் உள்ளோம். என்னுடைய மகனை காப்பாற்ற போராடிய மருத்துவர்கள் மற்றும் செவிலியர்களுக்கு எங்களுடைய மனமார்ந்த நன்றி. எங்களுடைய பெண் குழந்தை பிறப்பு எங்களுக்கு தற்போது ஆறுதலாக உள்ளது. எப்போதும் எங்களுடைய மகனை நாங்கள் எப்போதும் விரும்புவோம்” எனப் பதிவிட்டிருந்தார்.
— Cristiano Ronaldo (@Cristiano) April 18, 2022
இவ்வாறு அவர் கடந்த திங்கட்கிழமை பதிவிட்டுள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
