RCB vs DC IPL 2023: வெற்றிபெறும் முனைப்பில் டெல்லி.. போட்டா போட்டி முனைப்பில் பெங்களூரு.. நேருக்கு நேர் ஒரு பார்வை!

இரு அணிகளுக்கிடையேயான நேருக்கு நேர் போட்டியில் ஆர்சிபியின் ஆதிக்கம் அதிகமாகவே உள்ளது.

டெல்லி கேபிடல்ஸ் - ராயல் சேலஞ்சர்ஸ் பெங்களூர்

ஐபிஎல் தொடரின் 16வது சீசனின் இன்றைய 50 வது லீக் போட்டியில் டெல்லி கேபிடல்ஸ் மற்றும் ராயல் சேலஞ்சர்ஸ் பெங்களூரு அணிகள் மோத இருக்கின்றன. இந்த போட்டியானது இரவு 7. 30 மணிக்கு டெல்லியில் உள்ள அருண் ஜெட்லி மைதானத்தில் தொடங்குகிறது. 

டெல்லி கேபிடல்ஸ் அணி இந்த சீசனில் தொடர்ச்சியாக 5 தோல்விகளுடன் தொடங்கி தற்போது மூன்று வெற்றிகளுடன் புள்ளி பட்டியலில் கடைசி இடத்தை பிடித்துள்ளது. டேவிட் வார்னர் தலைமையிலான அணியில்  சர்பராஸ் கான், ரிலீ ரோசோவ் , மணீஷ் பாண்டே , பிரியம் கார்க் மற்றும் பில் சால்ட் உட்பட பல வீரர்களும் இருந்தும் பெரிதாக சோபிக்கவில்லை. இருப்பினும் பந்துவீச்சில் இஷாந்த் சர்மா, முகேஷ் குமார், அன்ரிட்ஜ் நார்ஜே மற்றும் அக்ஸர் படேல் சிறப்பாக செயல்பட்டு வருகின்றனர். 

ராயல் சேலஞ்சர்ஸ் பெங்களூரு அணியை பொறுத்தவரை, பந்துவீச்சில் சிறப்பாக இருந்தாலும் பேட்டிங்கை அவ்வளவு சிறப்பாக இல்லை. ஃபாப் டு பிளெசிஸ், விராட் கோலி மற்றும் கிளென் மேக்ஸ்வேல் ஆகியோர் தவிர மற்ற பேட்ஸ்மேன்கள் தடுமாறி வருகின்றனர். அஞ்சு ராவத், சுயாஷ் பிரபுதேசாய், தினேஷ் கார்த்திக் ஆகியோர் வரும் போட்டிகளில் ரன் குவிக்க வேண்டும். ஜோஷ் ஹேசில்வுட் மற்றும் முகமது சிராஜ் ஆகியோர் இன்றைய போட்டியில் சிறப்பாக செயல்பட்டால் இன்றைய போட்டி ஆர்சிபி பக்கம் திரும்பும். 

நேருக்கு நேர்:

இரு அணிகளுக்கிடையேயான நேருக்கு நேர் போட்டியில் ஆர்சிபியின் ஆதிக்கம் அதிகமாகவே உள்ளது. இரு அணிகளுக்கும் இடையே 28 போட்டிகள் நடைபெற்றன, இதில் பெங்களூரு 17 போட்டிகளிலும், டெல்லி 10 போட்டிகளிலும் வெற்றி பெற்றுள்ளது. இந்த ஆண்டு தொடக்கத்தில் இரு அணிகளுக்கிடையேயான போட்டி சின்னசாமி மைதானத்தில் நடந்தது. இதில், பெங்களூரு அணி 23 ரன்கள் வித்தியாசத்தில் வெற்றிபெற்றது. 

அதிக ரன்கள் எடுத்த வீரர்கள்:

வீரர்கள்	போட்டிகள்	ரன்கள்	அதிக மதிப்பெண்
விராட் கோலி (ஆர்சிபி)	28	975	99
ஏபி டி வில்லியர்ஸ் (ஆர்சிபி, டிசி)	23	690	90*
ரிஷப் பந்த் (டிசி)	12	421	85

அதிக விக்கெட்கள் எடுத்த வீரர்கள்: 

பந்து வீச்சாளர்	போட்டிகள்	விக்கெட்டுகள்	சிறந்த பந்துவீச்சு
யுஸ்வேந்திர சாஹல் (ஆர்சிபி)	15	15	3/32
ககிசோ ரபாடா (டிசி)	6	13	4/21
ஜாகீர் கான் (டிசி, ஆர்சிபி)	10	11	3/38

இரு அணிகளின் முழுவிவரம்: 

டெல்லி கேபிடல்ஸ் அணி: டேவிட் வார்னர் (கேப்டன்), பிலிப் சால்ட் (விக்கெட் கீப்பர்), மனிஷ் பாண்டே, ரிலீ ரோசோவ், பிரியம் கார்க், அக்சர் படேல், ரிபால் பட்டேல், அமன் ஹக்கிம் கான், குல்தீப் யாதவ், அன்ரிச் நார்ட்ஜே, இஷாந்த் சர்மா, கலீல் அகமது, மிட்செல் மார்ஷ், சர்ஃபராஸ் கான், லுங்கி என்கிடி, பிரவீன் துபே, முகேஷ் குமார், ரோவ்மன் பவல், பிரித்வி ஷா, லலித் யாதவ், சேத்தன் சகாரியா, யாஷ் துல், விக்கி ஓஸ்ட்வால், அபிஷேக் போரல்

ராயல் சேலஞ்சர்ஸ் பெங்களூர் அணி: விராட் கோலி, ஃபாஃப் டு பிளெசிஸ் (கேப்டன்), அனுஜ் ராவத், கிளென் மேக்ஸ்வெல், மஹிபால் லோம்ரோர், தினேஷ் கார்த்திக் (விக்கெட் கீப்பர்), சுயாஷ் பிரபுதேசாய், வனிந்து ஹசரங்கா, கர்ண் ஷர்மா, முகமது சிராஜ், ஜோஷ் ஹேசில்வுட், ஹர்ஷல் பர்னல், ஹர்ஷால் பட்டேல் , சித்தார்த் கவுல், கேதர் ஜாதவ், மைக்கேல் பிரேஸ்வெல், விஜய்குமார் வைஷாக், ஃபின் ஆலன், சோனு யாதவ், மனோஜ் பந்தேஜ், ஷாபாஸ் அகமது, ஆகாஷ் தீப், ராஜன் குமார், அவினாஷ் சிங், ஹிமான்ஷு சர்மா