PBKS vs DC IPL 2023: கட்டாய வெற்றிக்கு களமிறங்கும் பஞ்சாப் டாஸ் வென்று பந்து வீச முடிவு..!

PBKS vs DC IPL 2023: டெல்லி கேப்பிடல்ஸ் அணிக்கு எதிரான போட்டியில் டாஸ் வென்ற பஞ்சாப் பந்து வீச முடிவு செய்துள்ளது.

வார்னர் - தவான்

Source : PTI

ஐபிஎல் 2023 சீசனில் 64வது போட்டியில் டெல்லி கேபிடல்ஸ் அணியும், பஞ்சாப் கிங்ஸ் அணியும் மோதுகின்றன. இந்த போட்டியானது தர்மசாலாவில் உள்ள ஹிமாச்சல பிரதேச கிரிக்கெட் அசோசியேஷன் ஸ்டேடியத்தில் தொடங்கியுள்ளது. இந்த போட்டியில் டாஸ் வென்ற பஞ்சாப் அணி பந்து வீச முடிவு செய்துள்ளது. 

பஞ்சாப் கிங்ஸ் அணிக்கு ஷிகர் தவானும், டெல்லி கேபிடல்ஸ் அணிக்கு டேவிட் வார்னரும் தலைமை தாங்குகின்றனர். பஞ்சாப் கிங்ஸ் அணி இதுவரை 12 போட்டிகளில் விளையாடி 6 வெற்றிகளுடன் பிளே ஆஃப் சுற்றுக்கான வாய்ப்பை இன்னும் தக்க வைத்துள்ளது. இந்த அணியில் பிரப்சிம்ரன் சிங் மற்றும் லியாம் லிவிங்ஸ்டன் ஆகியோ சிறப்பாக விளையாடி அந்த அணிக்கு வலுவான அடித்தளம் அமைத்து வருகின்றனர். 

டெல்லி கேபிடல்ஸ் அணியை பொறுத்தவரை  பிளே ஆஃப்களுக்கான பந்தயத்தில் இருந்து வெளியேறினாலும், கடந்த சில போட்டிகளில் சிறந்த பார்மில் விளையாடி வருகின்றன. இன்றைய போட்டியில் டெல்லி அணி வெற்றிபெற்றால், பஞ்சாப் அணியின் பிளே ஆஃப் கனவு கலையும். 

பஞ்சாப்பின் ப்ளேஆஃப் வாய்ப்பு: 

இன்னும் மீதமுள்ள இரண்டு போட்டிகளில் (டெல்லி கேப்பிடல்ஸ் மற்றும் ராஜஸ்தான் ராயல்ஸ்) வெற்றியைப் பதிவு செய்ய வேண்டும். அதேபோல், பெங்களூரு அணி தனக்கு மீதமுள்ள இரண்டு போட்டிகளிலும் (ஹைதராபாத் மற்றும் குஜராத்) தோல்வியைச் சந்திக்க வேண்டும். மும்பை அணி தனக்கு மீதமுள்ள ஒரு போட்டியிலும் தோல்வியைச் சந்தித்து ரன்ரேட்டில் பஞ்சாப் அணியை விட கீழே செல்ல வேண்டும். கொல்கத்தா அணி லக்னோவுக்கு எதிரான போட்டியில் தோல்வியைச் சந்தித்தால் பஞ்சாப் அணியால் ப்ளே ஆஃப் சுற்றுக்கு முன்னேற முடியும். 

பிட்ச் அறிக்கை: 

தரம்சாலாவில் உள்ள பிட்ச் எப்போதும் வேகப்பந்து வீச்சாளர்களுக்கு சாதகமாக பிட்சாகவே பார்க்கப்படுகிறது. இன்றைய போட்டியில் பனி முக்கிய பங்கு வகிக்க வாய்ப்புள்ளது. டாஸ் வென்ற கேப்டன் முதலில் பீல்டிங்கை தேர்வு செய்யலாம். 

சிறந்த வீரர்களாக யார் இருப்பார்கள்? 

டேவிட் வார்னர்:

ஐபிஎல் தொடரில் இந்த ஆண்டு டேவிர் வார்னர் 12 போட்டிகளில் விளையாடி 384 ரன்கள் எடுத்துள்ளார். இதில், 5 அரைசதங்களும் அடங்கும். பஞ்சாப் அணிக்கு எதிரான இன்றைய போட்டியிலும் டேவிட் வார்னர் தனது பார்மை தொடருவார் என்று எதிர்பார்க்கப்படுகிறது. 

அர்ஷ்தீப் சிங்:

இடது கை வேகப்பந்து வீச்சாளர் அர்ஷ்தீப் சிங் 12 போட்டிகளில் விளையாடி 16 விக்கெட்கலை வீழ்த்தியுள்ளார். டெல்லி அணிக்கு எதிரான போட்டியில் இவர் யார்க்கர் பேசலாம் என்று எதிர்பார்க்கப்படுகிறது. 

இன்றைய போட்டியின் கணிப்பு : சேஸிங் செய்யும் அணி வெற்றிபெறும்.