Angad bumrah: அவன் குழந்தை டா... பும்ரா மகனை வைத்து மீம்ஸ்! கொந்தளித்த சஞ்சனா கணேசன்
Sanjana Ganesan: ஜஸ்பிரித் பும்ராவும் சஞ்சனா கணேசனும் 2021 இல் திருமணம் செய்து கொண்டனர், மேலும் அவர்களின் மகன் அங்கத் செப்டம்பர் 2023 இல் பிறந்தார்.
இந்திய கிரிக்கெட் வீரர் ஜஸ்பிரித் பும்ராவின் மனைவி சஞ்சனா கணேசன், தங்கள் மகன் அங்கத் குறித்து தேவையற்ற கருத்துக்களை வெளியிட்ட ஆன்லைன் ட்ரோல்களுக்கு பதிலடி கொடுத்துள்ளார்.
பும்ரா மகனை வைத்து மீம்ஸ்:
மும்பை இந்தியன்ஸ் vs லக்னோ சூப்பர் ஜெயண்ட்ஸ் போட்டியின் போது சஞ்சனாவும் அங்கத்தும் மைதானத்தில் இருந்த நிலையில் அங்கத்தின் முகபாவனைகளைக் காட்டும் கிளிப்புகள் ஆன்லைனில் விரைவாகப் பரவி, மீம்ஸ்களின் பரவ அது தேவையற்ற விமர்சனங்களையும் தூண்டின. தனது தந்தை பும்ரா விக்கெட் எடுத்தப்போது குழந்தை சிரிக்காததற்காக சில ஆன்லைன் வன்ம்வாதிகள் ஒரு சிறு குழந்தையை தேவையில்லாமல் கேலி செய்தனர்.
Angad bumrah reaction to Jasprit bumrah wicket😭😂#MIvsLSG
— 𝐙𝐨𝐫𝐚𝐰𝐚𝐫_𝐁𝐚𝐣𝐰𝐚 (@StoneCold0008) April 27, 2025
pic.twitter.com/GQHRP0HHcC
இதற்கு கடுமையாக பதிலளித்த சஞ்சனா, சில வினாடி காட்சிகளை அடிப்படையாகக் கொண்டு ஒரு சிறு குழந்தையைப் பற்றி ஆதாரமற்ற அனுமானங்களைச் செய்வதை மக்கள் நிறுத்துமாறு வலியுறுத்தினார். அங்கத் வெறுமனே சாதராண தருணங்களில் படம்பிடிக்கப்பட்டதாகவும், "தேவையற்ற கருத்துக்களை பரவுவதை விமர்சித்ததாகவும் அவர் வலியுறுத்தினார்.
சுருக்கமான வீடியோ கிளிப்களை அடிப்படையாகக் கொண்டு தனது மகனைப் பற்றி அனுமானங்களைச் செய்வதைத் தவிர்க்குமாறு கணேசன் வலியுறுத்தினார்.
பதிலடி கொடுத்த சஞ்சனா:
"எங்கள் மகன் உங்கள் பொழுதுபோக்கிற்கான தலைப்பு அல்ல. இணையம் ஒரு இழிவான, மோசமான இடம் என்பதால், அங்கத்தை சமூக ஊடகங்களிலிருந்து விலக்கி வைக்க ஜஸ்பிரித்தும் நானும் எங்களால் முடிந்த அனைத்தையும் செய்கிறோம். கேமராக்கள் நிறைந்த கிரிக்கெட் மைதானத்திற்கு ஒரு குழந்தையை அழைத்து வருவதன் தாக்கங்களை நான் முழுமையாகப் புரிந்துகொள்கிறேன். ஆனால், ஜஸ்பிரித்தை ஆதரிக்கவே நானும் அங்கத்தும் இருந்தோம் என்பதை தயவுசெய்து புரிந்து கொள்ளுங்கள், வேறு எதுவும் இல்லை," என்று அவர் ட்ரோல்களுக்கு தனது வலுவான செய்தியில் கூறினார்.
"மனச்சோர்வு" போன்ற மனநல சார்ந்த் வார்த்தைகளை தனது ஒன்றரை வயது மகன் அங்கத்துடன் பொறுப்பற்ற முறையில் தொடர்புபடுத்தியவர்களை சஞ்சனா கடுமையாக விமர்சித்தார்.
"ஒரு குழந்தையைப் பற்றி அதிர்ச்சியான மற்றும் மனச்சோர்வு போன்ற வார்த்தைகளை வீசுவது, ஒரு சமூகமாக நாம் யாராக மாறுகிறோம் என்பதைப் பற்றி நிறைய கூறுகிறது, இது உண்மையிலேயே மிகவும் வருத்தமாக இருக்கிறது. எங்கள் மகனைப் பற்றி உங்களுக்கு எதுவும் தெரியாது, எங்கள் வாழ்க்கையைப் பற்றி எதுவும் தெரியாது, உங்கள் கருத்துக்களை ஆன்லைனில் உண்மையாக வைத்திருக்குமாறு நான் கேட்டுக்கொள்கிறேன்," என்று அவர் இன்ஸ்டாகிராம் ஸ்டோரியில் கூறினார்.
Reply to the people who are judging angad Bumrah pic.twitter.com/C3iKaTIWLX
— Random Boy (@Random_Dpk) April 28, 2025
ஜஸ்பிரித் பும்ராவும் சஞ்சனா கணேசனும் 2021 இல் திருமணம் செய்து கொண்டனர், மேலும் அவர்களின் மகன் அங்கத் செப்டம்பர் 2023 இல் பிறந்தார்.
இந்த ஜோடி சமீபத்தில் மார்ச் மாதம் தங்கள் நான்காவது திருமண ஆண்டு விழாவைக் கொண்டாடியது. ஐபிஎல்லில், பும்ரா ஞாயிற்றுக்கிழமை ஒரு மெகா மைல்கல்லை எட்டினார், ஐபிஎல்லில் மும்பை இந்தியன்ஸ் அணிக்காக அதிக விக்கெட்டுகளை வீழ்த்தியவர் என்ற பெருமையைப் பெற்றார் மற்றும் லக்னோ சூப்பர் ஜெயண்ட்ஸை எதிர்த்து தனது அணி 54 ரன்கள் வித்தியாசத்தில் வெற்றி பெற உதவினார்.
தலைப்பு செய்திகள்
ட்ரெண்டிங் செய்திகள்
