TOP 10 EXPENSIVE PLAYERS IPL 2022: அதிக விலைக்கு ஏலம்போன டாப் 10 வீரர்கள் யார் தெரியுமா...?

ஐ.பி.எல். 2022க்காக நடைபெற்ற ஏலத்தில் ரூபாய் 15.25 கோடிக்கு ஏலம் போன இஷான் கிஷான் இந்த ஏலத்தில் அதிக விலைக்கு ஏலம் போன வீரர் ஆவார்.

ஐ.பி.எல்.

இந்த ஐ.பி.எல். ஏலத்தில் அதிக விலைக்கு வாங்கப்பட்ட டாப் 10 வீரர்களை கீழே காணலாம்.

• இஷான் கிஷான்

மும்பை இந்தியன்ஸ் அணியின் தொடக்க வீரரான இஷான் கிஷானை ரூபாய் 15.25 கோடி அளித்து மும்பை அணியே ஏலத்தில் தக்கவைத்துள்ளது. இவர் விக்கெட் கீப்பிங் மற்றும் பேட்டிங் செய்யக்கூடியவர்

• தீபக் சாஹர்:

ஆல்ரவுண்டரான தீபக் சாஹரை சென்னை அணி ரூபாய் 14 கோடி கொடுத்து ஏலத்தில் தக்கவைத்துள்ளது.

• ஸ்ரேயாஸ் அய்யர் :

இந்திய அணியின் இளம் வீரரும், டெல்லி அணியின் முன்னாள் கேப்டனுமாகிய ஸ்ரேயாஸ் அய்யர் ரூபாய் 12.25 கோடி அளித்து கொல்கத்தா அணி வாங்கியுள்ளது.

• லியாம் லிவிங்ஸ்டன் :

இங்கிலாந்தைச் சேர்ந்த லியாம் லிவிங்ஸ்டனை ரூபாய் 11.50 கோடி அளித்து பஞ்சாப் அணி விலைக்கு வாங்கியுள்ளது. இவர் ஆல்ரவுண்டர் ஆவார்.

• ஷர்துல் தாக்கூர் :

சென்னை அணிக்காக ஆடி வந்த ஷர்துல் தாக்கூரை ரூபாய் 10.75 கோடி அளித்து டெல்லி கேபிடல்ஸ் அணி விலைக்கு வாங்கியுள்ளது.

• ஹசரங்கா :

இலங்கையைச் சேர்ந்த சுழற்பந்துவீச்சாளரான ஹசரங்காவை ராயல் சேலஞ்சர்ஸ் பெங்களூர் அணி ரூபாய் 10.75 கோடி அளித்து ஏலத்தில் எடுத்துள்ளது.

• ஹர்ஷல் படேல் :

கடந்த ஐ.பி.எல். தொடரில் கலக்கிய இளம் பந்துவீச்சாளர் ஹர்ஷல் படேலை ராயல் சேலஞ்சர்ஸ் பெங்களூர் அணி ரூபாய் 10.75 கோடி அளித்து தக்கவைத்துள்ளது. கடந்த தொடரில் அதிக விக்கெட்டுகள் கைப்பற்றியவர் இவர் என்பது குறிப்பிடத்தக்கது.

• நிகோலஸ் பூரண்:

விக்கெட் கீப்பர் மற்றும் பேட்ஸ்மேனான மேற்கிந்திய தீவுகளைச் சேர்ந்த நிகோலஸ் பூரணை ரூபாய் 10.75 கோடி அளித்து சன்ரைசர்ஸ் ஹைதரபாத் ஏலம் எடுத்துள்ளது.

• லாக்கி பெர்குசன் :

கடந்த தொடரில் கொல்கத்தாவிற்காக ஆடிய லாக்கி பெர்குசனை ரூபாய் 10 கோடி அளித்து குஜராத் டைட்டன்ஸ் அணி வாங்கியுள்ளது.

• ஆவேஷ் கான் :

கடந்த தொடரில் மிகவும் சிறப்பாக பந்துவீசிய டெல்லி அணியின் இளம் வீரர் ஆவேஷ் கானை ரூபாய் 10 கோடிக்கு லக்னோ சூப்பர் ஜெயண்ட் அணி ஏலத்தில் எடுத்துள்ளது.