PBKS vs RR LIVE Score: ஒரு பந்தை மீதம் வைத்து பஞ்சாப் அணியை வென்ற ராஜஸ்தான்!
IPL 2024 PBKS vs RR LIVE Score Updates: பஞ்சாப் கிங்ஸ் மற்றும் ராஜஸ்தான் ராயல்ஸ் அணிகளுக்கு இடையிலான போட்டி குறித்த லைவ் அப்டேட்டுகளை நமது ஏபிபி நாடு தளத்தில் காணலாம்.
LIVE
Background
17வது ஐபிஎல் லீக் தொடரின் 27வது லீக் போட்டியில், பஞ்சாப் கிங்ஸ் அணியும் ராஜஸ்தான் ராயல்ஸ் அணியும் மோதவுள்ளது. இந்த போட்டி சண்டிகரில் உள்ள முல்லன்பூரில் உள்ள மைதானத்தில் நடைபெறுகின்றது.
இரு அணிகளும் தங்களது கடைசி லீக் போட்டியில் கடைசி பந்தில் வெற்றி வாய்ப்பினை இழந்ததால், இந்த போட்டியில் இரு அணிகளும் வெற்றிக்காக அனைத்து முயற்சிகளையும் எடுக்கும் என ரசிகர்கள் ஆவலுடன் எதிர்பார்த்து காத்துக்கொண்டு உள்ளனர்.
ராஜஸ்தான் ராயல்ஸ் அணி இதுவரை நடைபெற்ற லீக் போட்டிகளில் 5 போட்டிகளில் விளையாடி நான்கு வெற்றிகளைப் பெற்று, ஒரு தோல்வியைச் சந்தித்து புள்ளிப்பட்டியலில் முதல் இடத்தில் கெத்தாக உள்ளது. அதேப்போல், பஞ்சாப் அணியும் 5 போட்டிகளில் விளையாடி மூன்று போட்டிகளில் தோல்வியைச் சந்தித்தும், இரண்டு போட்டிகளில் வெற்றி பெற்றும் புள்ளிப்பட்டியலில் 8வது இடத்தில் உள்ளது.
நேருக்கு நேர்:
ஐபிஎல் வரலாற்றில் இதுவரை இரு அணிகளும் 26 முறை நேருக்கு நேர் மோதியுள்ளன. அதில் ராஜஸ்தான் அணி 15 முறையும், பஞ்சாப் அணி 11 வெற்றி பெற்றுள்ளது. ராஜஸ்தான் அணிக்கு எதிராக ஒரு போட்டியில் பஞ்சாப் அணி அதிகபட்சமாக 223 ரன்களையும், குறைந்தபட்சமாக 124 ரன்களையும் பதிவு செய்துள்ளது. அதேநேரம், பஞ்சாப் அணிக்கு எதிராக ஒரு போட்டியில் ராஜஸ்தான் அணி அதிகபட்சமாக 223 ரன்களையும், குறைந்தபட்சமாக 112 ரன்களையும் பதிவு செய்துள்ளது.
இரு அணிகளின் கடைசி லீக் போட்டி
ராஜஸ்தான் அணி குஜராத் அணிக்கு எதிரான போட்டியை தனது சொந்த மைதானத்தில் களமிறங்கி விளையாடியது. அந்த போட்டியில் முதலில் பேட்டிங் செய்த ராஜஸ்தான் அணி 20 ஓவரில் 3 விக்கெட்டுகளை இழந்து 196 ரன்கள் சேர்த்தது. அதன் பின்னர் இலக்கைத் துரத்திய குஜராத் டைட்டன்ஸ் அணி 7 விக்கெட்டுகளை இழந்து 20வது ஓவரின் கடைசி பந்தில் தனது வெற்றியை உறுதி செய்தது. இது நடப்பு தொடரில் ராஜஸ்தான் அணியின் முதல் தோல்வியாக பதிவாகியுள்ளது.
பஞ்சாப் கிங்ஸ் அணியைப் பொறுத்தவரையில், ஹைதராபாத் அணிக்கு எதிரான போட்டியில், 183 ரன்கள் இலக்கைத் துரத்தியது. கடைசி ஓவரில் பஞ்சாப் அணியின் வெற்றிக்கு 29 ரன்கள் தேவைப்பட்டது. அந்த ஓவரில் பஞ்சாப் அணி 26 ரன்கள் சேர்த்தது. இதனால் ஹைதராபாத் அணி இரண்டு ரன்கள் வித்தியாசத்தில் வெற்றி பெற்றது.
PBKS vs RR LIVE Score: ஒரு பந்தை மீதம் வைத்து பஞ்சாப் அணியை வென்ற ராஜஸ்தான்!
ராஜஸ்தான் வெற்றிக்கு கடைசி ஓவரில் 10 ரன்கள் தேவைப்பட்டது. கடைசி ஓவரை அர்ஷ்தீப் சிங் வீசினார். களத்தின் ஹெட்மயர் இருந்தார். முதல் இரண்டு பந்துகளை டாட் பாலாக வீசி அர்ஷ்தீப் சிங் அசத்த, மூன்றாவது பந்தை சிக்ஸருக்கு விளாசினார் ஹெட்மயர். நான்கவது பந்தில் இரண்டு ரன்களும், ஐந்தாவது பந்தில் சிக்ஸரும் விளாசி ராஜஸ்தான் அணியை வெற்றி பெறவைத்தார்.
பரபரப்பைக் கூட்டும் கடைசி சில ஓவர்கள்; வெற்றி பஞ்சாப் அணிக்கா? ராஜஸ்தானுக்கா?
ராஜஸ்தான் அணி ஆட்டத்தின் 17வது ஓவரில் ரியான் பிராக் விக்கெட்டினை இழந்து வெளியேறியது. இதனால் ஆட்டத்தில் விறுவிறுப்பு அதிகரித்தது.
PBKS vs RR LIVE Score: 99 ரன்களில் ராஜஸ்தான்!
15 ஓவர்களில் ராஜஸ்தான் அணி மூன்று விக்கெட்டுகளை இழந்து 99 ரன்கள் சேர்த்து விளையாடி வருகின்றது.
PBKS vs RR LIVE Score: சஞ்சு சாம்சன் அவுட்!
ராஜஸ்தான் அணியின் கேப்டன் சஞ்சு சாம்சன் தனது விக்கெட்டினை 14 பந்தில் 18 ரன்கள் சேர்த்து 14வது ஓவரில் ரபாடா பந்தில் வெளியேறினார்.
PBKS vs RR LIVE Score: இரண்டாவது விக்கெட்டினை இழந்த ராஜஸ்தான்!
ராஜஸ்தான் அணி தனது இரண்டாவது விக்கெட்டினை இழந்துள்ளது. போட்டியின் 12வது ஓவரின் 4வது பந்தில் ஜெய்ஸ்வால் இழந்து வெளியேறினார்.
தலைப்பு செய்திகள்
ட்ரெண்டிங் செய்திகள்
