IPL 2023, CSK vs KKR Playing XI: எங்களின் சிறந்த ப்ளேயிங் லெவன் இதுதான்; இரு அணிகளின் முழுவிபரம் இதோ..!
IPL 2023, CSK vs KKR Playing XI: சென்னை மற்றும் கொல்கத்தா அணிகளுக்கு இடையிலான போட்ட்யில் களமிறங்கும் வீரர்கள் யார் யார் என்பது குறித்து இங்கு காணலாம்.
ஐபிஎல் தொடரில் இன்று நடக்கும் ஆட்டத்தில் சென்னை சூப்பர் கிங்ஸ் - கொல்கத்தா நைட் ரைடர்ஸ் அணிகள் பலப்பரீட்சை நடத்துகின்றது. சென்னை சேப்பாக்கத்தில் உள்ள எம்.ஏ. சிதம்பரம் மைதானத்தில் தொடங்கிய இந்த போட்டியில் டாஸ் வென்ற சென்னை அணி பேட்டிங் தேர்வு செய்துள்ளது.
16வது ஐபிஎல் தொடர் கடந்த மார்ச் மாதம் 31 ஆம் தேதி தொடங்கியது. இந்த தொடரில் கடந்தாண்டைப் போலவே அணிகள் இரண்டாக பிரிக்கப்பட்டது. அதன்படி 'ஏ' பிரிவில் மும்பை இந்தியன்ஸ், கொல்கத்தா நைட் ரைடர்ஸ், டெல்லி கேப்பிட்டல்ஸ், லக்னோ சூப்பர் ஜெயன்ட்ஸ், ராஜஸ்தான் ராயல்ஸ் ஆகிய அணிகள் இடம் பெற்றிருந்தது. பி பிரிவில், சென்னை சூப்பர் கிங்ஸ், பெங்களூரு ராயல் சேலஞ்சர்ஸ், பஞ்சாப் கிங்ஸ், குஜராத் டைட்டன்ஸ், ஹைதராபாத் சன் ரைசர்ஸ் ஆகிய அணிகளும் இடம் பெற்றிருந்தது.
நடப்பு தொடரில் இதுவரை
சென்னை அணி நடப்பு சீசனில் 12 ஆட்டங்களில் விளையாடி 7 வெற்றி, 4 தோல்வி, ஒரு முடிவில்லை என 15 புள்ளிகளுடன் புள்ளிப்பட்டியலில் 2வது இடத்தில் உள்ளது. அதேசமயம் கொல்கத்தா அணி 12 ஆட்டங்களில் விளையாடி 5 வெற்றி, 7 தோல்வியுடன் 10 புள்ளிகள் பெற்று புள்ளிப்பட்டியலில் 8வது இடத்தில் உள்ளது. சென்னை அணி தனது கடைசி ஆட்டத்தில் டெல்லியை வீழ்த்தி பிளே ஆஃப் வாய்ப்பை உறுதி செய்தது. இதேபோல் கொல்கத்தா அணி ராஜஸ்தானிடம் தோற்றது. இதனால் அந்த அணி எஞ்சிய ஆட்டங்களில் வெற்றி பெற முயற்சிக்கும் என எதிர்பார்க்கப்படுகிறது.
வரலாறு சொல்வது என்ன?
ஐபிஎல் தொடரில் இதுவரை சென்னை மற்றும் கொல்கத்தா அணிகள் இதுவரை 28 முறை நேருக்கு நேர் மோதியுள்ளன. இதில் சென்னை அணி 18 முறையும், கொல்கத்தா அணி 9 முறையும் வெற்றி பெற்றுள்ளது. ஒரு போட்டியில் முடிவு எட்டப்படவில்லை. இந்த சீசனில் ஈடன் கார்டனில் நடந்த போட்டியில் சென்னை அணி கொல்கத்தாவை 49 ரன்கள் வித்தியாசத்தில் வென்றிருந்தது.
கொல்கத்தா நைட் ரைடர்ஸ் ப்ளேயிங் லெவன்:
ரஹ்மானுல்லா குர்பாஸ்(விக்கெட் கீப்பர்), ஜேசன் ராய், நிதிஷ் ராணா(கேப்டன்), ஆண்ட்ரே ரஸ்ஸல், ரின்கு சிங், ஷர்துல் தாக்கூர், சுனில் நரைன், வைபவ் அரோரா, ஹர்ஷித் ராணா, சுயாஷ் சர்மா, வருண் சக்கரவர்த்தி
கொல்கத்தா நைட் ரைடர்ஸ் இம்பேக்ட் ப்ளேயர்கள்:
வெங்கடேஷ் ஐயர், அனுகுல் ராய், என் ஜெகதீசன், உமேஷ் யாதவ், லாக்கி பெர்குசன்
சென்னை சூப்பர் கிங்ஸ் பிளேயிங் லெவன்:
ருதுராஜ் கெய்க்வாட், டெவோன் கான்வே, அஜிங்க்யா ரஹானே, அம்பதி ராயுடு, ஷிவம் துபே, மொயீன் அலி, ரவீந்திர ஜடேஜா, எம்எஸ் தோனி(விக்கெட் கீப்பர் மற்றும் கேப்டன் ), தீபக் சாஹர், துஷார் தேஷ்பாண்டே, மகேஷ் தீக்ஷனா
சென்னை சூப்பர் கிங்ஸ் இம்பேக்ட் ப்ளேயர்கள்:
மதீஷா பத்திரனா, நிஷாந்த் சிந்து, சுப்ரான்ஷு சேனாபதி, ஷேக் ரஷீத், ஆகாஷ் சிங்
தலைப்பு செய்திகள்
ட்ரெண்டிங் செய்திகள்
