Neymar: சர்வதேச போட்டியில் இருந்து விலகுகிறாரா நெய்மர்..? இதுதான் காரணம்..!

ஃபிபா உலகக் கோப்பை 2022 போட்டி காலிறுதி சுற்றில் பெனால்டியில் 4-2 என்ற கோல் கணக்கில் பிரேசிலை வீழ்த்தி குரோஷியா அணி அரையிறுதிக்கு தகுதி பெற்ற முதல் அணி பெருமையை பெற்றது. 

நெய்மர்

ஃபிபா உலகக் கோப்பை 2022 போட்டி காலிறுதி சுற்றில் பெனால்டியில் 4-2 என்ற கோல் கணக்கில் பிரேசிலை வீழ்த்தி குரோஷியா அணி அரையிறுதிக்கு தகுதி பெற்ற முதல் அணி பெருமையை பெற்றது. 

பிரேசில் தோல்வி:

உலகக் கோப்பை கால்பந்து தொடர் போட்டி கத்தாரில் நடந்து வருகிறது. இந்த போட்டித் தொடரில் ஏற்கனவே லீக் சுற்றுகள் முடிவடைந்த நிலையில் நேற்று முன்தினம் கால் இறுதி ஆட்டங்கள் நடைபெற்றன. முதல் இரண்டு கால் இறுதி ஆட்டங்கள் நேற்று நடந்த நிலையில், போட்டியின் முடிவுகளுக்குப்பிறகு இணையத்தில் பிரேசில் அணியின் கேப்டனும் நட்சத்திர வீரருமான நெய்மர் மற்றும் அர்ஜெண்டினா அணியின் கேப்டனும் நம்பிக்கை நட்சத்திரமான லியோனல் மெஸ்ஸி என இருவரது பெயரும் இணையத்தில் குறிப்பாக ட்விட்டரில் ட்ரெண்டாகி வருகிறது. 

இதற்கு முன்னதாக, நேற்று நடந்த முதலாவது கால் இறுதிப் போட்டியில், ஐந்து முறை சாம்பியன் பட்டம் வென்ற பிரேசில் அணியும் குரோஷிய அணியும் மோதிக்கொண்டன. இந்த போட்டியினை பார்த்தவர்கள் பெரும்பாலும், பிரேசில் வெற்றிபெற்றுவிடும் என நினைத்துகொண்டு இருக்கையில் போட்டியின் கடைசி நிமிடங்களில் பெனால்டி ஷாட்டில் பிரேசில் அணி தோல்வியைத் தழுவியது. மேலும், இந்த உலகக்கோப்பை தொடரில் இருந்து வெளியேறியது. மேலும், குரோஷிய அணி அரையிறுதிக்கு முன்னேறியது. 

கடைசியாக கடந்த 2022 ம் ஆண்டு உலகக் கோப்பையை வென்ற பிரேசில் அணி, அதன் பிறகு நடைபெற்ற ஒவ்வொரு உலகக் கோப்பை ‘நாக்- அவுட்’ சுற்றுகளிலும் தோல்வியடைந்து வெளியேறியது. 

விலகுகிறாரா நெய்மர்..?

மெஸ்ஸி, ரொனால்டோ போன்ற வீரர்களை போன்று பிரேசில் நட்சத்திர வீரர் நெய்மருக்கும் இது கடைசி உலகக் கோப்பை தொடராக பார்க்கப்படுகிறது. 30 வயதான நெய்மர் தோல்விக்கு பிறகு பேசுகையில், “ சர்வதேச அளவில் மீண்டும் விளையாடுவேன்னா என்று தெரியவில்லை. ஆனால், அதற்கான கதவுகள் இன்னும் மூடப்படவில்லை. 

என்னை பொறுத்தவரை பிரேசில் சர்வதேச அணிக்கான விளையாடுவேனா என்று என்னால் 100 சதவீதம் உறுதியாக கூற முடியாது. எனக்கு எது நல்லது என்பது நான் கொஞ்சம் சிந்தித்து முடிவு எடுக்க வேண்டும். அடுத்து என்ன நடக்கப்போகிறது என்று பார்ப்போம்” என்று தெரிவித்தார். 

நெய்மர் இப்படியாக கருத்துகளை கூறியது முக்கிய காரணமாக பார்க்கப்பட்டது, பிரேசில் அணிக்கு புதிய பயிற்சியாளர் வர உள்ளதுதான். பிரேசில் அணியின் தற்போதை பயிற்சியாளர் டைட் தற்போது பதவியிலிருந்து விலகுவதாக தெரிவித்துள்ளார். இதுகுறித்து அவர் தெரிவிக்கையில், "நான் உளவியல் ரீதியாக அழிந்துவிட்டேன். சந்தேகத்திற்கு இடமின்றி, இது என்னை மிகவும் காயப்படுத்திய தோல்வி. 10 நிமிடங்களுக்கு நான் முடங்கிப்போயிருந்தேன். அதன் பிறகு நான் நிற்காமல் கண்ணீரில் விழுந்தேன். இது நீண்ட காலத்திற்கு வலிக்கும். குரோஷியா அணியுடனான தோல்வி வலிமையாக தோல்வி. உண்மையில் இந்த தோல்வி கஷ்டமாக இருந்தது. ஏற்கனவே சொன்னது போல் பிரேசில் அணியுடனான எனது பயிற்சியாளர் பணி முடிவடைந்தது. எனவே அமைதியாக விடைபெறுகிறேன்” என்றார். 

இதையடுத்து, பிரேசில் அணிக்கு புதிய தலைமை பயிற்சியாளர் வர உள்ளதால் அவருடனான நட்பு நெய்மருக்கு எப்படி அமையும் என்ற சந்தேகம் நெய்மருக்கு எழுந்தது. அதன் காரணமாக சர்வதேச போட்டிகளில் விளையாட நெய்மர் தயக்கம் காட்டுவதாக தகவல் வெளியாகியுள்ளது. 

Neymar Jr has equalled Pele tally of 77 goals for Brazil. 🇧🇷 pic.twitter.com/qybcnegpVg

— Frank Khalid (@FrankKhalidUK) December 9, 2022

பிரேசில் அணிக்காக அதிக கோல் அடித்தவரான ஜாம்பவானாக பார்க்கப்படும் பீலேவின் சாதனையை தற்போது நெய்மர் சமன் செய்துள்ளார். இருவரும் தலா 77 கோல்களுடனுன் சமநிலையில் உள்ளனர். 

டைட் பயிற்சியின்கீழ்..

டைட்டின் பயிற்சியின் கீழ் பிரேசில் அணி 81 போட்டிகளில் விளையாடி 61 வெற்றியும், 13 டிராவும், 7 தோல்வியையும் கண்டுள்ளது.