CSK Ipl Match : சென்னையில் மிரட்டும் மழை.! சிஎஸ்கே போட்டி நடக்குமா.? தமிழ்நாடு வெதர்மேன் லேட்டஸ்ட் அப்டேட்

CSK Cricket Match : சென்னையில் விட்டு விட்டு மழை பெய்து வரும் நிலையில், இன்று மாலை சிஎஸ்கே போட்டி நடைபெறுமா? என எதிர்பார்ப்பு எழுந்துள்ள நிலையில், தமிழ் நாடு வெதர்மேன் மழை தொடர்பான தகவலை வெளியிட்டுள்ளார்.

CSK Vs LSG Rain Alert

Source : social media

முக்கிய கட்டத்தில் ஐபிஎல் போட்டி

கிரிக்கெட் ரசிகர்களின் பெரும் வரவேற்பை பெற்றுள்ள ஐபிஎல் போட்டி முக்கிய கட்டத்தை எட்டியுள்ளது. யார் பிளே ஆப் சுற்றை எட்டுவார்கள் என எதிர்பார்ப்பு எழுந்துள்ளது. அந்த வகையில் சன் ரைசஸ் ஹைதராபாத் 11 போட்டிகளில் விளையாடி 7 போட்டிகளில் வெற்றிபெற்று முதல் இடத்தில் உள்ளது. அடுத்த இடத்தில் குஜராத் டைட்டன்ஸ் அணியும், பஞ்சாப் கிங்ஸ் அணியும் உள்ளது. அந்த வகையில் அதிகளவு ரசிகர் பட்டாளங்களை கொண்ட சென்னை சூப்பர் கிங்ஸ் 10 போட்டிகளில் விளையாடி 5 போட்டிகளில் வெற்றி பெற்று 6வது இடத்தில் உள்ளது. இந்த நிலையில் சென்னை அணி பிளேஆப் சுற்றை எட்ட அடுத்து நடைபெறவுள்ள போட்டிகளில் வெற்றி பெற வேண்டிய கட்டாயத்தில் உள்ளது.

சென்னையில் ஐபிஎல் போட்டி

இந்த நிலையில் இன்று சென்னையில் மதியம் சிஎஸ்கே- லக்னோ அணிகளுக்கு இடையிலான போட்டியானது நடைபெறவுள்ளது. இந்த போட்டியில் சென்னை அணி வெற்றி பெற்று பிளே ஆப் சுற்றை எட்டும் அணிகள் பட்டியலில் இணையும் என எதிர்பார்க்கப்படுகிறது. எனவே இன்றைய போட்டி முக்கியத்துவம் வாய்ந்தாக கருதப்படும் நிலையில், சென்னையில் கடந்த 2 நாட்களாக விட்டு விட்டு மழையானது பெய்து வருகிறது. இதனால் ஒரு சில இடங்களில் மழை நீர் தேங்கியுள்ளது. இன்று காலையிலும் மழையானது பெய்தது. மாலையிலும் மழை பெய்ய வாய்ப்பிருப்பதாக தகவல் வெளியானது. 

சிஎஸ்கே போட்டி- மழை பாதிக்குமா.?

இதனால் சென்னை சூப்பர் கிங்ஸ் ரசிகர்கள் அதிர்ச்சி அடைந்துள்ளனர். எனவே திட்டமிட்டப்படி போட்டி நடைபெறுமா.? என்ற சந்தேகம் எழுந்துள்ள நிலையில், சென்னையில் இன்று மாலை மழை பெய்ய வாய்ப்பு இல்லையென தனியார் வானிலை ஆய்வாளர் தமிழ்நாடு வெதர்மேன் பிரதீப் ஜான் தெரிவித்துள்ளார். இது தொடர்பாக அவர் வெளியிட்டுள்ள பதிவில், CSK vs LSG கிரிக்கெட் போட்டியை மழை போட்டியை பாதிக்காது என குறிப்பிட்டுள்ளவர், இன்று காலை கடைசி சுற்று மழை சென்னையில் பெய்துள்ளது. எனவே இன்று மாலை கிரிக்கெட் போட்டியை மழை பாதிக்காது என தெரிவித்துள்ளார். இன்று காலைக்குப் பிறகு சென்னையில் பெரிய அளவில் மழை பெய்யாது என குறிப்பிட்டுள்ளார்.