ODI WC 2023 ENG vs SL: இலங்கையை துவம்சம் செய்யுமா இங்கிலாந்து?.. டாஸ் வென்று பேட்டிங் தேர்வு..!

உலகக்கோப்பை தொடரில் இலங்கை அணிக்கு எதிரான போட்டியில் இங்கிலாந்து அணி டாஸ் வென்று பேட்டிங்கை தேர்வு செய்துள்ளது. 

இங்கிலாந்து vs இலங்கை

உலகக்கோப்பை தொடரில் இலங்கை அணிக்கு எதிரான போட்டியில் இங்கிலாந்து அணி டாஸ் வென்று பேட்டிங்கை தேர்வு செய்துள்ளது. 

உலகக் கோப்பைத் தொடர் கடந்த அக்டோபர் 5 ஆம் தேதி கோலாகலமாக தொடங்கியது. வழக்கம்போல இந்த தொடரிலும் அதிர்ச்சியளிக்கும் வகையிலும், ஆச்சரியப்படுத்தும் வகையிலும் போட்டிகள் நடைபெற்று வருகிறது. அந்த வகையில் இன்று நடக்கும்  25வது போட்டியில் நடப்பு சாம்பியன் இங்கிலாந்து அணியும், முன்னாள் சாம்பியன் இலங்கை அணியும் மோதுகிறது. பெங்களூர் சின்னச்சாமி மைதானத்தில் நடைபெறும் இப்போட்டி இரண்டு அணிகளுக்கு வெற்றி பெற வேண்டிய கட்டாயத்தில் உள்ள மிக முக்கியமான போட்டியாகும். 

பெங்களூர் மைதானம் பேட்டிங்கிற்கு மிகவும் உகந்தது என்பதால் நிச்சயம் இரு அணிகளும் இமாலய ரன்குவிப்பில் இறங்கும் என்று ரசிகர்கள் எதிர்பார்க்கின்றனர். இப்படியான நிலையில் இந்த போட்டியில் இங்கிலாந்து அணி டாஸ் வென்று முதலில் பேட்டிங்கை தேர்வு செய்துள்ளது. 

நடப்பு சாம்பியனான இங்கிலாந்து அணிக்கு இந்த தொடர் தொடங்கியது முதலே சோதனை என்று தான் சொல்ல வேண்டும். தோல்வியுடன் இந்த தொடரை தொடங்கிய இங்கிலாந்து அணி ஆப்கானிஸ்தானுடன் அதிர்ச்சி தோல்வியடைந்தது. இதனைத் தொடர்ந்து, தென்னாப்பிரிக்கா அணியுடன் நடந்த கடந்த போட்டியில் படுதோல்வி அடைந்தது. எனவே  இங்கிலாந்து அணி இன்றைய போட்டியில் கட்டாயம் வெற்றி பெற்றாக வேண்டிய சூழலில் களமிறங்குகிறது.

அதேபோல் இலங்கை அணியும் தொடர் தோல்விகளை சந்தித்த நிலையில்  கடந்த போட்டியில் நெதர்லாந்து அணியை வீழ்த்தி வெற்றிப்பாதைக்கு திரும்பியது.  இன்றைய போட்டியில் இரு அணிகளும்  சிறப்பாக பேட்டிங் செய்ய வேண்டியது அவசியம். இலங்கை அணி 4 போட்டிகளில் ஆடி 1 வெற்றி 3 தோல்வியுடன் 2 புள்ளிகளுடன் புள்ளிப்பட்டியலில் 7வது இடத்தில் உள்ளது. இங்கிலாந்து அணி 4 போட்டிகளில் ஆடி 1 வெற்றி 3 தோல்வியுடன் 2 புள்ளிகளுடன் 8வது இடத்தில் உள்ளது. இனி வரும் அனைத்து போட்டிகளிலும் கட்டாயம் வெற்றி பெறுவதுடன் நல்ல ரன் ரேட்டுடன் வெற்றி பெற்றால் மட்டுமே அரையிறுதி வாய்ப்பை இரு அணிகளும் பிரகாசப்படுத்திக் கொள்ள முடியும்.

இரு அணிகளின் வீரர்கள் விவரம் 

இங்கிலாந்து: ஜானி பேர்ஸ்டோ, டேவிட் மாலன், ஜோ ரூட், பென் ஸ்டோக்ஸ், ஜோஸ் பட்லர் (கேப்டன்), லயம் லிவிங்ஸ்டன், மொயீன் அலி, கிறிஸ் வோக்ஸ், டேவிட் வில்லி, அடில் ரஷித், மார்க் வுட் 

இலங்கை: பதும் நிசங்கா, குசல் பெராரா, குஷல் மெண்டிஸ் (கேப்டன்), சதீரா சமரவிக்ரமா, ஷரித் அசலங்கா, தனஞ்செயா டி சில்வா, ஏஞ்சலோ மேத்யூஸ், மதீஷ் தீக்‌ஷனா, கசுன் ராஜிதா, லஹிரு குமார், தில்ஷான் மதுஷங்கா