Hardik Pandya:சிவப்பு பந்தில் பயிற்சி.. டெஸ்டில் கம்பேக் கொடுக்கிறாரா ஹர்திக் பாண்டியா? பார்த்தீவ் படேல் விளக்கம்

இந்திய அணியின் முன்னாள் வீரர் பார்த்தீவ் படேல், ஹர்திக் பாண்டியா சிவப்பு பந்தில்  பயிற்சி மேற்கொண்டது குறித்து விளக்கம் அளித்துள்ளார்.

ஹர்திக் பாண்டியா

Source : x

சிவப்பு பந்தில் பயிற்சி செய்த ஹர்திக் பாண்டியா:

இந்திய அணியின் ஆல்ரவுண்டர் ஹர்திக் பாண்டியா அடிக்கடி காயம் ஏற்படும் வீரர்களில் ஒருவராக இருக்கிறார். இதனால் டி20 மற்றும் ஒரு நாள் போட்டிகளில் மட்டுமே விளையாடு வரும் கடைசியாக கடந்த 2018 ஆம் ஆண்டு இங்கிலாந்து அணிக்கு எதிரான டெஸ்ட் போட்டியில் தான் விளையாடினார். இதனிடையே தற்போது ரெட் பாலில் பயிற்சி மேற்கொண்டு வருகிறார்.

இதனால் ரஞ்சி கோப்பையில் விளையாடுவதற்கான வாய்ப்பு உள்ளதாக கூறப்படுகிறது. ஒரு வேளை ரஞ்சி கோப்பையில் ஹர்திக் பாண்டியா விளையாடினார் ஆஸ்திரேலியாவில் நடைபெறும் டெஸ்ட் போட்டியில் இவரை பயன்படுத்திக் கொள்ளலாம் என்பது கம்பீரின் விருப்பமாக இருக்கும் என்று தெரிகிறது.

கம்பேக் கொடுக்கப்போவதில்லை:

இச்சூழலில் தான் இந்திய அணியின் முன்னாள் வீரர் பார்த்தீவ் படேல் ஹர்திக் பாண்டியா ரெட் பாலில் பயிற்சி மேற்கொண்டது குறித்து விளக்கம் அளித்துள்ளார். இது தொடர்பாக அவர் பேசுகையில்,"ஹர்திக் பாண்டியா எப்போதும் டெஸ்ட் கிரிக்கெட்டிற்கு கம்பேக் கொடுக்கப்போவதில்லை. அவர் பயிற்சியின் போது ஒயிட் பால் இல்லை என்பதற்காக ரெட் பாலில் பயிற்சி மேற்கொண்டார். இதனை பெரிது படுத்த தேவையில்லை என்பது என் கருத்து. ஹர்திக் பாண்டியாவின் உடல் 4 நாட்கள் அல்லது 5 நாட்கள் வரை நடக்கும் போட்டிகளுக்கு செட்டாகாது.

🏏💥 pic.twitter.com/WVdQ9NTkYi

— hardik pandya (@hardikpandya7) September 19, 2024

அவர் இந்திய அணியில் விளையாட பரிசீலனை செய்யப்படுவதற்கு முன்பாக, உள்ளூர் கிரிக்கெட் போட்டிகளில் பங்கேற்று திறமையையும், ஃபிட்னஸையும் நிரூபிக்க வேண்டும். அப்படி நடப்பதற்கு வாய்ப்பே இல்லை. அவர் டெஸ்ட் கிரிக்கெட் விளையாட விருப்பப்பட்டால், அதற்கு யாரும் எதிர்ப்பு தெரிவிக்கப் போவதில்லை. இதற்கான முக்கிய காரணம் பிசிசிஐ மற்றும் தேர்வுக் குழு இந்த இரண்டு தரப்பும் ஹர்திக் பாண்டிய ரஞ்சி கோப்பையில் விளையாடினால் அவர் டெஸ்ட் அணியில் தேர்வு செய்ய பரிசீலிக்கப்படுவார் என்று கூறிவிட்டது"என்று பார்த்தீவ் படேல் கூறியுள்ளார்.

 

மேலும் படிக்க: IND vs BAN 2nd Test:"எனக்கு வயிற்றுவலி"இந்தியா - வங்கதேச டெஸ்டில் அலறித் துடித்த ரசிகர்! கடைசியில் ட்விஸ்ட்

மேலும் படிக்க: Indian Hockey Team: அவரோட செல்ஃபி எடுத்தாங்க..ஆனா எங்கள புறக்கணிச்சிட்டாங்க! ஹாக்கி வீரர் ஹர்திக் சிங் ஷாக்