அடி மேல் அடி வாங்கும் ஆஸி அணி! ஓய்வை அறிவித்த முக்கிய வீரர்
Marcus Stoinis Retirement: "ஆஸ்திரேலியாவுக்காக ஒருநாள் கிரிக்கெட் விளையாடுவது ஒரு நம்பமுடியாத பயணமாக இருந்து வருகிறது என்றார் ஸ்டோய்னிஸ்
Marcus Stoinis Retirement: ஆஸ்திரேலிய ஆல்ரவுண்டர் மார்கஸ் ஸ்டோய்னிஸ் ஒருநாள் போட்டிகளில் இருந்து ஓய்வு பெறுவதாக அறிவித்தார்.
ஐசிசி சாம்பியன்ஸ் டிராபி 2025க்கான ஆஸ்திரேலியாவின் முதற்கட்ட 15 பேர் கொண்ட அணியில் ஆரம்பத்தில் இடம் பெற்றிருந்த ஸ்டோய்னிஸ், பிப்ரவரி 12 ஆம் தேதிக்குள் பெயரிடப்படும் இறுதி அணியில் மாற்றப்பட உள்ளார். ஆனால் டி20 கிரிக்கெட் ஸ்டோய்னிஸ் தொடர்ந்து விளையாட உள்ளார்.
2015 ஆம் ஆண்டு அறிமுகமான ஸ்டோய்னிஸ், 71 ஒருநாள் போட்டிகளில் 1495 ரன்கள் எடுத்து 26.7 சராசரியுடன் 48 விக்கெட்டுகளை வீழ்த்தினார். பேட்டிங்கில் அவரது சிறந்த ஒருநாள் ஸ்கோர் 2017 ஆம் ஆண்டு ஆக்லாந்தில் நியூசிலாந்திற்கு எதிராக ஆட்டமிழக்காமல் 146 ரன்கள் எடுத்ததே ஆகும். அவரது கடைசி ஒருநாள் போட்டி நவம்பர் 2024 இல் பாகிஸ்தான் அணி எதிரான ஆஸ்திரேலிய சுற்றுப்பயணத்தின் போது பங்கேற்றார்.. ஸ்டோய்னிஸ் ஆஸ்திரேலியாவின் 2023 உலகக் கோப்பையை வென்ற அணியிலும் உறுப்பினராக இருந்தார், மேலும் 2018-19 ஆம் ஆண்டிற்கான அணியின் சிறந்த ஒருநாள் கிரிக்கெட் வீரராகவும் தேர்வு செய்யப்பட்டார்.
இதையும் படிங்க: Pat Cummins : காயத்தில் சிக்கிய கம்மின்ஸ்.. கப்பு போச்சா? சாம்பியன்ஸ் டிராபிக்கு முன்பே ஆடிபோன ஆஸி..
cricket.com.au இன் படி , ஸ்டோய்னிஸ் தனது ஒருநாள் வாழ்க்கைக்கு நன்றி தெரிவித்தார், இது ஒரு நம்பமுடியாத பயணம் என்று கூறினார். ஒருநாள் போட்டிகளில் இருந்து விலகுவது கடினமானது ஆனால் தனது வாழ்க்கையின் அடுத்த கட்டத்தில் கவனம் செலுத்த தேவையான முடிவு என்று அவர் கூறினார். பாகிஸ்தானில் நடைபெறும் ஐசிசி சாம்பியன்ஸ் டிராபியில் விளையாட முடியாமல் போனாலும் 35 வயதான ஆல்ரவுண்டர் ஆஸ்திரேலிய அணிக்கு தனது ஆதரவை என்று தெரிவித்தார்.
"ஆஸ்திரேலியாவுக்காக ஒருநாள் கிரிக்கெட் விளையாடுவது ஒரு நம்பமுடியாத பயணமாக இருந்து வருகிறது, மேலும் நான் அணியில் கழித்த ஒவ்வொரு தருணத்திற்கும் நான் நன்றியுள்ளவனாக இருக்கிறேன். எனது நாட்டை மிக உயர்ந்த மட்டத்தில் பிரதிநிதித்துவப்படுத்துவது நான் எப்போதும் போற்றும் ஒன்று. இது எளிதான முடிவு அல்ல, ஆனால் ஒருநாள் போட்டிகளில் இருந்து விலகி எனது தொழில் வாழ்க்கையின் அடுத்த அத்தியாயத்தில் முழுமையாக கவனம் செலுத்த இதுவே சரியான நேரம் என்று நான் நம்புகிறேன். ரான் (ஆஸ்திரேலிய ஆண்கள் அணியின் பயிற்சியாளர் ஆண்ட்ரூ மெக்டொனால்ட்) உடன் எனக்கு ஒரு அருமையான உறவு உள்ளது, மேலும் அவரது ஆதரவை நான் மிகவும் பாராட்டுகிறேன் என்றார்.
தலைப்பு செய்திகள்
ட்ரெண்டிங் செய்திகள்
