Ind vs Eng Test Series: இந்தியா - இங்கிலாந்து டெஸ்ட் தொடர்: இதுவரையிலான தனிநபர், அணியின் சாதனைகள், நேருக்கு நேர் முடிவுகள்
Ind vs Eng Test Series: இந்தியா - இங்கிலாந்து இடையேயான டெஸ்ட் தொடர் வரலாற்றில், அணி மற்றும் தனிநபர் சாதனைகள் அதோடு அதிக வெற்றிகளை பெற்றது யார் என்பது போன்ற விவரங்கள் கீழே பட்டியலிடப்பட்டுள்ளன.
Ind vs Eng Test Series: இந்தியா - இங்கிலாந்து அணிகளுக்கு இடையேயான டெஸ்ட் தொடர் வரலாற்றில், இதுவரையில் நிகழ்த்தப்பட்டுள்ள முக்கிய சாதனைகள் என்ன என்பதை இந்த தொகுப்பில் அறியலாம்.
இந்தியா VS இங்கிலாந்து:
இந்தியாவில் சுற்றுப்பயணம் மேற்கொண்டுள்ள இங்கிலாந்து அணி 5 போட்டிகள் கொண்ட டெஸ்ட் தொடரில் விளையாடுகிறது. அதன்படி, முதல்போட்டியானது ஐதாராபாத்தில் உள்ள ராஜீவ் காந்தி மைதானத்தில் நாளை தொடங்குகிறது. இந்நிலையில் சுமார் 90 ஆண்டுகளுக்கும் மேலாக டெஸ்ட் போட்டிகளில் எதிர்த்து களமிறங்கி வரும், இந்தியா - இங்கிலாந்து அணிகளுக்கு இடையேயான முக்கியமான புள்ளி விவரங்கள் மற்றும் சாதனைகளை இந்த தொகுப்பில் அறியலாம்.
90 ஆண்டுகால டெஸ்ட் வரலாறு:
இந்திய அணி 1932ம் ஆண்டு இங்கிலாந்திற்கு எதிரான முதல் டெஸ்ட் போட்டியில் களமிறங்கியது. அதைதொடர்ந்து தற்போது வரை 131 டெஸ்ட் போட்டிகளில் இரு அணிகளும் நேருக்கு நேர் மோதியுள்ளன. அதில், இங்கிலாந்து அணி 50 போட்டிகளிலும், இந்திய அணி 31 போட்டிகளிலும் வெற்றி பெற்றுள்ளன. 50 போட்டிகள் டிராவில் முடிவடைந்துள்ளன. இந்திய மண்ணில் இதுவரை இரு அணிகளும் 64 டெஸ்ட் போட்டிகளில் மோதியுள்ளன. இதில் இந்திய அணி 22 போட்டிகளிலும், இங்கிலாந்து அணி 14 போட்டிகளிலும் வெற்றி பெற்றுள்ளன. சீரிஸ் அடிப்படையில் இங்கிலாந்து 19 சீரிஸ்களிலும், இந்தியா 11 சீரிஸ்களிலும் வெற்றி வாகை சூடியுள்ளன. இந்தியாவில் இதுவரை நடைபெற்றுள்ள 16 தொடர்களில் உள்ளூர் அணி 8 தொடர்களை கைப்பற்றியது. இங்கிலாந்து அணி 5 தொடர்களை கைப்பற்ற, 3 டிராவில் முடிந்துள்ளன. கடைசியாக 2012ம் ஆண்டு தான் இங்கிலாந்து அணி இந்தியாவில் டெஸ்ட் தொடரை கைப்பற்றியது குறிப்பிடத்தக்கது.
இந்தியா Vs இங்கிலாந்து சாதனை விவரங்கள்:
- இங்கிலாந்து அணிக்கு எதிராக இந்திய அணியின் அதிகபட்ச ஸ்கோர்: 759/7, சென்னை, 2016
- இந்திய அணிக்கு எதிராக இங்கிலாந்து அணியின் அதிகபட்ச ஸ்கோர்: 710/9, பிர்மிங்ஹாம், 2011
- இங்கிலாந்து அணிக்கு எதிராக இந்திய அணியின் குறைந்தபட்ச ஸ்கோர்: 42/10, லார்ட்ஸ், 1974
- இந்திய அணிக்கு எதிராக இங்கிலாந்து அணியின் குறைந்தபட்ச ஸ்கோர்: 81/10, அகமதாபாத், 2022
- இங்கிலாந்து அணி 1974ல் 285 ரன்கள் வித்தியாசத்தில் இந்தியாவை வீழ்த்தியதே மிகப்பெரிய வெற்றி
- இரு அணிகளுக்கு இடையேயான போட்டிகளில் அதிக ரன் சேர்த்தவர்கள் பட்டியலில் சச்சின் 2535 ரன்களுடன் சச்சின் முதலிடத்தில் உள்ளார். (32 போட்டிகளில் 7 சதங்கள், 13 அரைசதங்கள்)
- ஒரு சீரிஸில் அதிக ரன் சேர்த்த வீரர்களின் பட்டியலில் கிரஹாம் கூச் முதலிடத்தில் உள்ளார். 1999ல் நடைபெற்ற 3 போட்டிகள் கொண்ட சீரிஸில் 752 ரன்கள் சேர்த்தார். (அதிகபட்ச ஸ்கோர் - 333)
- கிரஹாம் கூச் 333 ரன்களுடன் இரு அணிகளுக்கு இடையேயான போட்டிகளில் அதிகபட்ச தனிநபர் ஸ்கோர் எடுத்த வீரராக உள்ளார்
- அதிக டக்-அவுட் ஆன வீரர்களின் பட்டியலில் இந்தியாவின் முன்னாள் நட்சத்திர சுழற்பந்து வீச்சாளரான பிஷன் சிங் பேடி முதலிடம் வகிக்கிறார் (11 முறை)
- அதிக சிக்சஸர்கள் விளாசிய வீரர் - இயன் போதம் (24 சிக்சர்கள்)
- அதிக விக்கெட்டுகள் எடுத்த வீரர் - ஜேம்ஸ் ஆண்டர்சன் (139 விக்கெட்டுகள்)
- ஒரு தொடரில் அதிக விக்கெட் எடுத்த வீரர் - பி.எஸ். சந்திர சேகர் (35 விக்கெட்டுகள்), 1972/73 சீரிஸ்
- அதிகமுறை 5 விக்கெட்ஸ் எடுத்த வீரர் - பி.எஸ். சந்திரசேகர் (8 முறை)
- ஒரு போட்டியில் சிறந்த பந்துவீச்சு - இயன் போதம் (13 வ்க்கெட்டுகள், 1980)
- ஒரு இன்னிங்ஸில் சிறந்த பந்துவீச்சு - ஃப்ரெட் ட்ரூமென் (8/31, 1952)
- அதிக விக்கெட்டுகளில் ஈடுபட்ட விக்கெட் கீப்பர் - தோனி (63 கேட்ச்கள், 4 ஸ்டம்பிங்)
- விக்கெட் கீப்பர் அல்லாத அதிக கேட்ச் பிடித்த வீரர் - அலெஸ்டர் குக் (38 கேட்ச்கள்)
- அதிகபட்ச பார்ட்னர்ஷிப் - பீட்டர்சன் & இயன் பெல் (350 ரன்கள், 2011)
- அதிக போட்டிகளுக்கு கேப்டன் பதவி வகித்த வீரர் - விராட் கோலி (18 போட்டிகள்)
- அதிக போட்டிகளில் விளையாடிய வீரர் - சுனில் கவாஸ்கர் (38 போட்டிகள்)
தலைப்பு செய்திகள்
ட்ரெண்டிங் செய்திகள்
