Rahul Dravid: "சூர்யகுமார் பற்றி கவலை இல்லை.. ஆடும் லெவனில் நிறைய மாற்றங்கள் இருக்கும்" - ராகுல்டிராவிட்

சூர்யாவுக்கு வீசப்பட்ட இரண்டுமே நல்ல பந்துகள் (முதல் இரண்டு ஒருநாள் போட்டிகளில்). அவரைப் பற்றிய ஒரு விஷயம் என்னவென்றால், அவர் 50 ஓவர் விளையாட்டைக் கற்றுக்கொள்கிறார்.

சூர்யகுமார் யாதவ் -ராகுல்டிராவிட்

சூர்யகுமாரின் ஒருநாள் போட்டித்தொடர் ஃபார்ம் இப்போது இந்தியாவுக்கு உண்மையான கவலையாக உள்ளது என்று பலர் விமர்சித்து வந்தாலும், தலைமை பயிற்சியாளர் ராகுல் டிராவிட் அப்படி உணரவில்லை என்று கூறுகிறார். 

புதிய தலைமுறையின் துவக்கமா?

உலகக் கோப்பையில் 4-வது இடத்தில் பேட்டிங் செய்ய ஒதுக்கப்பட்ட ஸ்ரேயாஸ் ஐயர் காயம் காரணமாக இல்லாததை தலைமைப் பயிற்சியாளர் டிராவிட் குறிப்பிட்ட நிலையில், சூர்யகுமார் யாதவ் மீது அனுதாபம் காட்டினார். ஒருபுறம், அவர் டி20 பேட்டிங்கில் புரட்சியை ஏற்படுத்தியுள்ள நிலையில், அவர் தற்போதைய சிறந்த டி20 பேட்டராக கருதப்படுகிறார்.

ஆனால் அதற்கு ஒரு மறுபக்கம் உள்ளது. டி20 கிரிக்கெட் சூர்யகுமாரின் வலுவான சூட் என்பதை ஒப்புக்கொள்பவர்கள் கூட, ஒருநாள் போட்டிகளில் அவர் இவ்வளவு போராடுவார் என்று கற்பனை செய்திருக்க மாட்டார்கள். இது இன்னும் ஆரம்ப நாட்கள்தான் என்றாலும், சூர்யகுமார் 'லிமிடெட் ஓவர் கிரிக்கெட்டர்கள்' அல்லது 'ஒயிட்-பால் ஸ்பெஷலிஸ்ட்கள்' என்ற ஒரு பெட்டகத்திற்குள் வைக்கக்கூடிய வீரர்கள் உருவாகும் தலைமுறையின் தொடக்கமாக இருக்கலாம்.

டி20 போட்டிகள் கூட 50 ஓவர் வடிவத்தில் இருந்து விலகத் தொடங்கியதை இது காட்டுகிறது. T20I போட்டிகளில் 175 ஸ்ட்ரைக் ரேட்டில் 1675 ரன்கள் எடுத்துள்ளார். அவர் இதுவரை மூன்று சதங்களை அடித்துள்ளார். வேகம், பவுன்ஸ், ஸ்பின் மற்றும் உலகின் அனைத்து தாக்குதல்களுக்கு எதிராகவும் நன்றாக விளையாடியுள்ளார். 

ஷ்ரேயாஸ் காயம்

ஆனால் ODI-களில் அவர் 25 சராசரியில் இரண்டு அரை சதங்களை மட்டுமே பெற்றுள்ளார். அவரது கடைசி 10 இன்னிங்ஸ்களில் மூன்று முறை மட்டுமே இரட்டை எண்ணிக்கையை கடந்துள்ளது. வேதனையான விஷயமாக உள்ளது. ஆஸ்திரேலியாவுக்கு எதிராக மைக்கேல் ஸ்டார்க்கின் பெரிய இன்-ஸ்விங்கர்களுக்கு இரண்டு முறையும் இறையானார்.

இதுகுறித்து பேசிய டிராவிட், "வெளிப்படையாக, ஸ்ரேயாஸ் காயம் அடைந்தது துரதிர்ஷ்டவசமானது. நம்பர் 4 இல் பேட் செய்யும் நபர்களில் அவரும் ஒருவராக இருந்தார். நீங்கள் நன்றாக கவனித்தால் நாங்கள் பேட்டிங் ஆர்டர்களில் இருப்பவர்களிடம் சிக்கியுள்ளோம். கடந்த இரண்டு ஆண்டுகளில், நிறைய டி20 கிரிக்கெட் விளையாடப்பட்டுள்ளது, ஒருநாள் கிரிக்கெட்கள் அதிகமாக ஆடப்படவில்லை. யாருக்கு காயம் ஏற்பட்டாலும் பின்னால் ஒரு வீரரை வைத்துள்ளோம்" ,என்று கூறினார். மேலும் சூர்யகுமாரின் T20I வெற்றியின் பின்னணியில் உள்ள முக்கிய காரணங்களில் ஒன்று IPL. 

சூர்யாவின் ஃபார்ம் குறித்து கவலையில்லை

"சூர்யாவைப் பற்றி உண்மையில் நாங்கள் கவலைப்படவில்லை. அவருக்கு வீசப்பட்ட இரண்டுமே நல்ல பந்துகள் (முதல் இரண்டு ஒருநாள் போட்டிகளில்). சூர்யாவைப் பற்றிய ஒரு விஷயம் என்னவென்றால், அவர் 50 ஓவர் விளையாட்டைக் கற்றுக்கொள்கிறார். டி20 சற்று வித்தியாசமானது. டி20யில் அவர் 10 வருடம் விளையாடியுள்ளார் (ஐபிஎல்). அவர் நிறைய டி20 கிரிக்கெட் விளையாடியிருக்கிறார், அதிக அழுத்தமான டி20 ஆட்டங்களில் ஆட்டத்தை திருப்பும் இன்னிங்ஸ் ஆடியுள்ளார். ஒருநாள் கிரிக்கெட் குறைவாகவே ஆடியுள்ளார். அவருக்கு இன்னும் நேரம் கொடுக்க வேண்டும், பொறுமையாக இருக்க வேண்டும். அவர் சிறப்பாக செயல்படுவதை நாங்கள் நிச்சயமாக பார்ப்போம்", என்றார்.

புதிய வீரர்களை முயற்சிக்க உள்ளோம்

இன்று சென்னையில் தொடரை தீர்மானிக்கும் கடைசி போட்டியில், இந்தியாவின் ஆடும் XI பற்றி கேட்டபோது, ​​திராவிட், ODI உலகக் கோப்பையை மனதில் வைத்து வெவ்வேறு கலவைகளை முயற்சிக்கும் எண்ணம் உள்ளதாக தெரிவித்தார். "எங்களிடம் பெரிய அளவில் ஆப்ஷன்கள் உள்ளன. இந்த ஒன்பது ஆட்டங்களின் முடிவில், நாளை என்ன நடந்தாலும், நாங்கள் இன்னும் நிறைய தெளிவுகளைப் பெறுவோம். அந்தத் தெளிவை நாம் தொடர்ந்து வளர்த்துக் கொள்ள வேண்டும். உலகக் கோப்பையில் எங்களால் அதைச் செய்ய முடியும் என்பதை உறுதி செய்வதற்காக சில நேரங்களில் வெவ்வேறு காம்பினேஷன் உடன் விளையாடுகிறோம். உலகக் கோப்பையில் நாங்கள் எதையும் கண்டு பயப்படமாட்டோம்" என்று டிராவிட் கூறினார்.