Ind vs AFG: U19 உலகக் கோப்பை... மிரட்டிவிட்ட ஆப்கான் அணி! இந்திய அணிக்கு இமாலய இலக்கு..
U19 உலகக்கோப்பை தொடரின் இரண்டாவது அரையிறுதிப் போட்டியில் இந்திய அணிக்கு 311 ரன்கள் இலக்காக ஆப்கானிஸ்தான் அணி நிர்ணயித்தது.
19 வயதுக்குட்பட்டோருக்கான உலகக் கோப்பை கிரிக்கெட் தொடரின் இரண்டாவது அரையிறுதிப் போட்டியில் இந்திய அணிக்கு 311 ரன்கள் இலக்காக நிர்ணயித்தது ஆப்கானிஸ்தான் அணி
U19 உலகக்கோப்பை:
19 வயதுக்குட்பட்டோருக்கான உலகக் கோப்பை போட்டிகள் இறுதிக்கட்டத்தை எட்டியுள்ளது. நேற்று நடந்த முதலாவது அரையிறுதியில் இங்கிலாந்து அணியிடம் ஆஸ்திரேலிய அணி போராடி தோற்றது. இன்று நடைப்பெற்று வரும் இரண்டாவது அரையிறுதியில் இந்தியா மற்றும் ஆப்கானிதான் அணிகள் மோதின, இப்போட்டியில் டாஸ் வென்ற ஆப்கன் அணி முதலில் பேட்டிங் செய்வதாக அறிவித்தது.
நிதானமான தொடக்கம்:
ஆப்கான் அணியின் தொடக்க வீரர்களாக உஸ்மான் சதத் மற்றும் காலித் அகமதுசாய் ஆகியோர் களமிறங்கினர். முதல் 10 ஓவர்களில் ஆப்கானிஸ்தான் அணி விக்கெட் இழப்பின்றி 42 ரன்கள் எடுத்து இருந்தது. ஆட்டத்தின் 12 ஓவரில் தான் இந்திய அணிக்கு முதல் விக்கெட் கிடைத்தது, கலீத் 39 பந்துகளில் 31 ரன்களுக்கு ஆட்டமிழந்தார். இதன் பின்னர் ஃபைசல் ஷினோசாடா களமிறங்கினார். ஆரம்பம் முதலே அதிரடியாக விளையாடிய ஃபைசல் இந்திய அணிக்கு தலைவலியாக இருந்தார். இதற்கிடையில் உஸ்மான் சதத் 39 ரன்களில் தனது விக்கெட்டை இழந்தார்.
சொதப்பிய ஃபில்டிங்- வெளுத்து வாங்கிய உசைருல்லா:
இந்த தொடரில் அதிக ரன் அடித்த வீரரான உசைருல்லா இந்திய பந்துவீச்சை பின்னியெடுத்தார், மறுப்பக்கம் இந்திய அணியின் ஃபில்டிங்கும் சொதப்பலாக இருந்தது, இதனால் ஆப்கான் அணியின் ஸ்கோர் மளமளவென உயர்ந்தது. இந்திய கேப்டன் ஆயுஷ் மாத்ரே என்ன செய்வது என்று தெரியாமல் இரு ஃபைசல் சதமடித்து ஆட்டமிழந்தார்.பைசல் 86 பந்துகளில் 14 பவுண்டரிகளுடன் தனது சதத்தை பூர்த்தி செய்தார்
இந்தியாவுக்கு 311 ரன்கள் இலக்கு:
உசைருல்லா நியாசாய் 86 பந்துகளில் 12 பவுண்டரிகள் மற்றும் 2 சிக்சர்களுடன் 101* ரன்கள் எடுத்து சதம் அடித்தார். அவரது சதத்தின் உதவியுடன் ஆப்கான் அணி 300 ரன்களை கடந்தது, 50 ஓவர்கள் முடிவில் ஆப்கானிஸ்தான் அணி 4 விக்கெட் இழப்புக்கு 310 ரன்கள் குவித்தது. பைசல் ஷினோசாடா அதிகபட்சமாக 93 பந்துகளில் 14 பவுண்டரிகளுடன் 110 ரன்கள் எடுத்தார். உசைருல்லா நியாசாய் 101* ரன்களுடன் ஆட்டமிழக்காமல் இருந்தார். இந்தியா தரப்பில் தீபேஷ் தேவேந்திரன் மற்றும் கனிஷ்க் சவுகான் தலா 2 விக்கெட்டுகளை வீழ்த்தினர்.
தலைப்பு செய்திகள்
ட்ரெண்டிங் செய்திகள்
