கரூர் தெற்கு காந்தி கிராமம் ஸ்ரீ தர்மசாஸ்தா ஆலய தெய்வங்களுக்கு சிறப்பு அபிஷேகம்
கரூர் மாநகராட்சி தெற்கு காந்திகிராமம் பகுதியில் குடிகொண்டு அருள் பாலித்து வரும் அருள்மிகு ஸ்ரீ தர்ம சாஸ்தா ஆலயத்தில் வீற்றிருக்கும் ஐயப்பன் உள்ளிட்ட பரிவார சுவாமிகளுக்கு சிறப்பு அபிஷேகம் நடைபெற்றது.
கரூர் தெற்கு காந்திகிராமம் ஸ்ரீ தர்மசாஸ்தா ஆலயத்தில் பன்னிரண்டாம் ஆண்டு விழா ஐயப்பன் உள்ளிட்ட பரிவார தெய்வங்களுக்கு சிறப்பு அபிஷேகம்.
கரூர் மாநகராட்சிக்குட்பட்ட இந்திரா நகர் தெற்கு காந்தி கிராமம் பகுதியில் குடிகொண்டு அருள் பாலித்து வரும் அருள்மிகு ஸ்ரீ தர்ம சாஸ்தா ஆலயத்தில் வீற்றிருக்கும் ஐயப்பன் உள்ளிட்ட பரிவார சுவாமிகளுக்கு ஆலயம் கட்டி பன்னிரண்டாம் ஆண்டு விழாவை முன்னிட்டு சிறப்பு அபிஷேகம் நடைபெற்றது. ஐயப்பன் சுவாமிக்கு எண்ணெய் காப்பு சாற்றி, பால், தயிர், பஞ்சாமிர்தம், நெய், இளநீர், எலுமிச்சை சாறு, திருமஞ்சள், மஞ்சள், சந்தனம் உள்ளிட்ட வாசனை திரவியங்களால் சிறப்பு அபிஷேகம் நடைபெற்றது. கணபதி, மஞ்சள் மாதா, பாலமுருகன், நவக்கிரகங்கள் உள்ளிட்ட பரிவார ஸ்வாமிகளுக்கும் சிறப்பு அபிஷேகம் நடைபெற்றது.
மூலவர் ஐயப்பனுக்கு பட்டாடை உடுத்தி, 18 படிகளில் அகல் விளக்கு ஏற்றி வண்ண மாலைகள் அணிவித்து தொடர்ச்சியாக உதிரிப்பூக்களால் நாமாவளிகள் கூறினர். சுவாமிக்கு தூப தீபங்கள் காட்டப்பட்டு, நெய் வைத்தியம் சமர்ப்பிக்கப்பட்டு, பஞ்ச கற்பூர ஆலாத்தியுடன் மகா தீபாராதனை நடைபெற்றது. ஆலயத்தில் நடைபெற்ற 12 ஆம் ஆண்டு விழா சிறப்பு அபிஷேக நிகழ்ச்சியை காண ஏராளமான பக்தர்கள் ஆலயம் வருகை தந்து சுவாமி தரிசனம் செய்தனர். நிகழ்ச்சியின் ஏற்பாட்டை தெற்கு காந்திகிராமம் ஸ்ரீ தர்ம சாஸ்தா ஆலய நிர்வாகிகள் சார்பாக சிறப்பாக செய்திருந்தனர்.
ABP Nadu செய்திகளை டெலிகிராம் செயலி மூலம் உடனுக்குடன் தெரிந்துகொள்ள https://t.me/abpnaduofficial என்ற இணைப்பை க்ளிக் செய்யவும்.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
