IPL 2024 : பெயர் மற்றும் ஜெர்ஸியை மாற்றி ரசிகர்களுக்கு சர்ப்ரைஸ் கொடுத்த ஆர்.சி.பி அணி..!

IPL 2024 : ஐ.பி.எல் 2024 இன்னும் சில நாட்களில் தொடங்க உள்ள நிலையில் ஆர்.சி.பி அணி, பெயர் மற்றும் ஜெர்ஸியை மாற்றியுள்ளது.

ஆர்சிபி

ஐ.பி.எல்லில் முக்கிய அணிகளுள் ஒன்றாக கருதப்படும் அணி ராயல் சேலஞ்சர்ஸ் பெங்களூர்.

இன்று இந்த அணியின் அன்பாக்ஸ் நிகழ்ச்சி பெங்களூருவில் நடைபெற்றது.

அப்போது WPL கோப்பையை வென்ற மகளிர் அணியினரை ஆ.சி.பி அணியினர் கௌரவித்தனர்.

மகளிர் அணியின் கேப்டன் ஸ்மிருதி மந்தனா, ரசிகர்களுடன் வெற்றியை கொண்டாடினார்.

இதனையடுத்து ராயல் சேலஞ்சர்ஸ் பெங்களூர் என்ற பெயரை ராயல் சேலஞ்சர்ஸ் பெங்களூரு என்று ஆர்.சி.பி நிர்வாகம் மாற்றி கொண்டதாக அறிவிக்கப்பட்டுள்ளது. மேலும் அணியின் ஜெர்ஸியும் மாற்றப்பட்டுள்ளது.

வரும் மார்ச் 22 ஆம் தேதி தொடங்கும் ஐ.பி.எல்லில் சென்னை சூப்பர் கிங்ஸ் மற்றும் ராயல் சேலஞ்சர்ஸ் பெங்களூரு அணிகள் மோதவுள்ளது குறிப்பிடத்தக்கது.