Dhanush on Ashwin : ”எங்களை பெருமைப்படுத்தியதற்கு நன்றி”அஸ்வினை புகழ்ந்து தள்ளிய தனுஷ்!

Dhanush on Ashwin : கிரிக்கெட் வீரர் அஸ்வினை புகழ்ந்து நடிகர் தனுஷ் பதிவிட்டுள்ள எக்ஸ் தள பதிவு இணையத்தில் வைரலாகி வருகிறது.

தனுஷ், அஸ்வின்

இந்தியாவிற்கு சுற்றுப்பயணம் மேற்கொண்டுள்ள இங்கிலாந்து கிரிக்கெட் அணி ஐந்து போட்டிகளை கொண்ட டெஸ்ட் தொடரை விளையாடி வருகிறது.

இந்த தொடரின் 2 டெஸ்ட் போட்டிகள் முடிவில் இந்திய வீரர் அஸ்வின் 499 டெஸ்ட் விக்கெட்டுகளை கை வசம் வைத்திருந்தார்.

இதனையடுத்து கடந்த பிப்ரவரி 14 ஆம் தேதி தனுஷ் “நீங்கள் முன்னே செல்லுங்கள் அஸ்வின், உங்கள் 500 ஆவது விக்கெட்டிற்காக காத்திருக்கிறோம்” என்று எக்ஸ் தளத்தில் பதிவிட்டிருந்தார்.

தொடர்ந்து நேற்று மூன்றாவது டெஸ்ட் போட்டி தொடங்கிய நிலையில் இந்திய அணி பேட்டிங் செய்தது. மேலும் இன்று பௌலிங் செய்த இந்திய வீரர் அஸ்வின் தனது 500 ஆவது டெஸ்ட் விக்கெட்டை கைப்பற்றினார்.

இதனையடுத்து தனுஷ், “இந்த அபாரமான சாதனைக்கு வாழ்த்துக்கள் அஸ்வின், எங்களை பெருமைப்படுத்தியதற்கு நன்றி” எனவும் எக்ஸ் தளத்தில் பதிவிட்டுள்ளார்.

தற்போது அஸ்வினுக்கு இணையவாசிகள் தங்கள் வாழ்த்துகளை தெரிவித்து வருகின்றனர்.