IND vs SCO: போட்டிக்கு பின் நட்பு! இந்திய வீரர்களை சந்தித்து பேசிய ஸ்காட்லாந்து வீரர்கள்!

ஸ்காட்லாந்து கிரிக்கெட் வீரர்களுடன் விராட் கோலி

டி-20 உலகக்கோப்பை கிரிக்கெட் தொடரின் சூப்பர் 12 போட்டிகள் நடைபெற்று வருகின்றது.நேற்றைய நாளின் இரண்டாவது போட்டியில், இந்தியா - ஸ்காட்லாந்து அணிகள் மோதின. இந்நிலையில், துபாய் மைதானத்தில் தொடங்கிய போட்டியில் டாஸ் வென்ற கேப்டன் கோலி ஃபீல்டிங் தேர்வு செய்தார்.

முதலில் பேட்டிங் செய்த ஸ்காட்லாந்து அணி, 17.1 ஓவர்களில் அனைத்து விக்கெட்டுகளையும் இழந்து ஸ்காட்லாந்து அணி 85 ரன்கள் எடுத்தது.

இதனால், 86 ரன்கள் எடுத்தால் வெற்றி என்ற எளிதான இலக்கை சேஸ் செய்து களமிறங்கிய இந்திய அணிக்கு சிறப்பான தொடக்கத்தை கொடுத்தது ராகுல் - ரோஹித் இணை.

இதனால், 6.3 ஓவர்களில் 2 விக்கெட்டுகள் இழப்பிற்கு 89 ரன்கள் எடுத்து போட்டியை வென்றது இந்திய அணி. இதன் மூலம் 2 புள்ளிகள் பெற்ற இந்திய அணி, ரன் ரேட்டிலும் ஆப்கானிஸ்தான் நியூசிலாந்து அணிகளை முந்தியுள்ளது.

போட்டி முடிந்த பின், இந்திய அணி கிரிக்கெட் வீரர்களை பார்க்க ஸ்காட்லாந்து அணி வீரர்கள் டிரெஸ்ஸிங் வந்தனர்.

இரு அணி வீரர்களும் சில நிமிடங்கள் கலந்துரையாடினர். இந்த புகைப்படங்கள் ‘ஸ்ப்பிரிட் ஆஃப் தி கிரிக்கெட்’ என்ற பெயரில் வைரலாகி வருகின்றது.

இனி நடக்க இருக்கும் கடைசி போட்டியில் இந்திய அணி கட்டாயம் வெற்றி பெற்றாலும், ஞாயிற்றுக்கிழமை நடக்க இருக்கும் போட்டியில் நியூசிலாந்தை ஆப்கானிஸ்தான் வீழ்த்தினாலும் இந்திய அணியின் அரை இறுதி வாய்ப்பு உறுதியாகும்.