Glenn Maxwell: ‘தாய்மை வாழ்கென தூய செந்தமிழ்' தமிழ் முறைப்படி தனது மனைவிக்கு வளைகாப்பு நடத்திய மேக்ஸ்வெல்!

Glenn Maxwell : ஆஸ்திரேலிய கிரிக்கெட் வீரரான க்ளென் மேக்ஸ்வெல் மனைவி வினி ராமனுக்கு தமிழ் முறைப்படி வளைகாப்பு நடைபெற்று உள்ளது.

மனைவி வினி ராமனுடன் மேக்ஸ்வெல்

ஆஸ்திரேலிய கிரிக்கெட் அணியின் முன்னணி கிரிக்கெட் வீரரான க்ளென் மேக்ஸ்வெல்லின் மனைவி வினி ராமன், ஆஸ்திரேலிய தமிழ் பெண் ஆவார்.

இவர்கள் இருவரும் கடந்த 2017 ஆம் ஆண்டு முதல் காதலித்து வந்தனர். பிறகு 2022 ஆம் ஆண்டில் இவர்களுக்கு தமிழ் மற்றும் ஆஸ்திரேலிய முறைப்படி திருமணம் நடைபெற்றது.

அதன் பிறகு இவர்களுக்கு குழந்தை பிறக்க இருப்பதாக கடந்த மே மாதம் வினி ராமன் சமூக வலைதளங்களில் பதிவிட்டிருந்தார்

இந்நிலையில் தற்போது வினி ராமனுக்கு தமிழ் முறைப்படி வளைகாப்பு நடைபெற்றுள்ளது.

அந்த புகைப்படங்கள் சமூக வலைதளங்களில் வைரலாகி வருகிறது.

க்ளென் மேக்ஸ்வெல் மற்றும் அவரது மனைவி வினி ராமனுக்கு கிரிக்கெட் ரசிகர்கள் வாழ்த்துகளை தெரிவித்து வருகின்றனர்.