செல்வம் செழிக்க, லட்சுமி கடாட்சம் உண்டாக தினமும் அரிசி மாவு கோலம் போடுங்க!

வீட்டின் முன் கோலமிடுவதால் கிடைக்கும் அளவற்ற நன்மைகள் குறித்து பார்க்கலாம்.

கோலம்

நம் முன்னோர்கள் வீட்டின் வாசலை கூட்டி, சாணம் தெளித்து, கோலம் போடுவதை வழக்கமாக வைத்திருந்தனர்.

இப்போதெல்லாம் ஒரு சில கிராமங்களில் மட்டும்தான் இந்த பழக்கம் கடைப்பிடிக்கப்பட்டு வருகிறது.

நகரங்களை பொறுத்தவரை, கல்யாண வீட்டிலும், விழா காலங்களிலும் மட்டும்தான் கோலத்தை பார்க்கமுடியும்.

கோலம் என்பது வழிபாட்டு முறைகளுள் ஒன்று. நாள்தோறும் கோலமிட்டால் நம் இல்லத்தில் செல்வம் பெருகி, லட்சுமி கடாட்சம் பொங்கும் என நம்பப்படுகிறது. அத்துடன் துர்சக்திகள் வீட்டை அண்டவே அண்டாதாம்.

அரிசிமாவினால் கோலமிடுவது சில உயிர்களுக்கு உணவாக இருப்பதால் அன்னதானம் செய்த பலனும் கிடைக்குமாம்.

அத்துடன், குணிந்து நிமிர்ந்து கோலமிடுவது ஒரு வகையான உடற்பயிற்சிதான். போர் அடிக்கும் எண்ணம் காற்றில் பறந்துவிடும், மனம் புத்துணர்ச்சியாக இருக்கும் என்றும் சொல்லப்படுகிறது.