ரசாயன கழிவுகளால் பாதிப்புக்கு உள்ளான வட சென்னை!

வெள்ள நீரில் ரசாயனம் கலந்தது தொடர்பாக விவாதங்கள் எழுந்த நிலையில் பலர் இதற்கு கடுமையான விமர்சனங்களை முன் வைத்தனர்.

மிக்ஜாம் புயலால் பாதிக்கப்பட்ட வட சென்னை

கடந்த டிசம்பர் 3 அன்று வலுப்பெற்ற மிக்ஜாம் புயல் டிசம்பர் 5 அன்று ஆந்திரா மாநிலத்தின் நெல்லூரில் கரையை கடந்தது. மிக்ஜாம் புயல் எதிரொலியினால் சென்னை, காஞ்சிபுரம், திருவள்ளூர் மாவட்டங்களில் கன மழை கொட்டித் தீர்த்தது.

தலைநகர் சென்னையில் கொட்டி தீர்த்த மழையால் பெரும்பாலான இடங்களில் வெள்ள நீர் சூழ்ந்தது. பள்ளிக்கரணை வேளச்சேரி மடிப்பாக்கம் போன்ற பகுதிகளில் வெள்ள நீர் முதல் தளம் வரை புகுந்தது.