Guinness World record | 735 முட்டைகள்.. பிக்பாஸ் டாஸ்க்வைவிட கஷ்டமான டாஸ்க் - கின்னஸ் சாதனை வைரல் வீடியோ !

தன்னுடைய தலையில் 735 முட்டைகளை ஏற்றி அசத்தலாக நின்று ஒருவர் கின்னஸ் உலக சாதனை படைத்துள்ளார்.

கின்னஸ் சாதனை படைத்த நபர்

எப்போதும் கின்னஸ் சாதனை செய்ய நினைப்பவர்கள் சற்று அபாயகரமான விஷயம் அல்லது நம்முடைய உடலை வருத்தி கொள்ளும் வகையில் அமைந்தி இருக்கும் விஷயங்களில் சாதனை செய்வது வழக்கம். அப்படி இருக்கும் போது ஒரு சிலர் மட்டும் சற்று வித்தியாசமாக யோசித்து வேறு சில வகையில் கின்னஸ் உலக சாதனை படைப்பார்கள். அந்தவகையில் ஒருவர் முட்டையை வைத்து ஒரு கின்னஸ் சாதனை படைத்துள்ளார். யார் அவர்? எப்படி உலக சாதனை படைத்தார்?

மேற்கு ஆப்பிரிக்காவில் அமைந்திருக்கும் பெனின் நாட்டைச் சேர்ந்தவர் கிரிகோரி டா சில்வா. இவர் நீண்ட நாட்களாக தான் ஒரு கின்னஸ் சாதனை படைக்க வேண்டும் என்ற ஆசையுடன் இருந்தார். அதற்காக அவர் தேர்வு செய்த பொருள் முட்டை. தன்னுடைய தலையில் அதிகளவிலான முட்டையை வைத்து ஒரு தொப்பி போல் செய்து அது கீழே விழாமல் இருக்கும்படி கின்னஸ் சாதனை படைக்க இவர் திட்டமிட்டுள்ளார். இதற்காக தீவிர முயற்சியும் எடுத்து வந்துள்ளார். 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Guinness World Records (@guinnessworldrecords)

இந்நிலையில் கடந்த இரு நாட்களுக்கு முன்பாக தன்னுடைய தலையில் சுமார் 735 முட்டைகளுடன் செய்யப்பட்ட தொப்பியை அணிந்து அதை லாவகமாக கீழே விழாத வண்ணம் நிறுத்தினார். இதைக் கண்ட கின்னஸ் உலக சாதனை அமைப்பு சில்வாவிற்கு கின்னஸ் உலக சாதனை படைத்த சான்றிதழை வழங்கியுள்ளது. அத்துடன் சில்வாவின் செயலை கின்னஸ் உலக சாதனை அமைப்பு தன்னுடைய இன்ஸ்டாகிராம் பக்கத்தில் பதிவிட்டிருந்தது. 

இந்தப் பதிவை தற்போது வரை இந்த வீடியோவை ஒரு லட்சத்திற்கும் மேற்பட்டவர்கள் பார்த்து ரசித்துள்ளனர். அத்துடன் 60 ஆயிரம் பேருக்கு மேல் இந்த வீடியோவை லைக் செய்துள்ளனர். இந்த வீடியோவை பார்த்து பலரும் சில்வாவை 'முட்டை மனிதர்' எனப் பாராட்டி வருகின்றனர். இந்த முட்டைகள் அனைத்தையும் சேர்த்து ஒரு தொப்பியாக 3 நாட்களில் சில்வா வடிவமைத்துள்ளார். அதன்பின்னர் இதை தன்னுடைய தலையில் அணிந்து கீழே விழாமல் பார்த்து கொண்டுள்ளார். 

மேலும் படிக்க:‛எந்த காலத்துலய்யா இருக்கீங்க...’ வில் அம்புகளை கொண்டு மக்கள் மீது தாக்குதல்!