திருச்சி : ஸ்டாலின் விளம்பர பிரியர், பளுதூக்கும் போட்டிக்கு செல்லலாம்... முதலமைச்சரை கடுமையான விமர்சித்த ஈ.பி.எஸ்

தமிழ்நாடு அரசு சொத்து வரியை உயர்த்தியதை கண்டித்து அதிமுக சார்பில் இன்று தமிழ்நாடு முழுவதும் ஆர்ப்பாட்டம் நடைபெற்றது.

எடப்பாடி பழனிசாமி

அண்மையில் சொத்து வரியை அதிகரித்து தமிழ்நாடு அரசு உத்தரவிட்டது. இந்த உயர்வு 2022-23ஆம் ஆண்டிற்கான முதலாம் அரையாண்டு முதல் அமலுக்கு வர உள்ளது. அதன்படி, 600 சதுர அடிக்கும் குறைவான பரப்பளவு உள்ள குடியிருப்பு கட்டிடங்களுக்கு 25 சதவீதம் சொத்து வரி உயர்த்தப்பட்டுள்ளது. 601 முதல் 1,200 சதுர அடி வரை பரப்பளவு உள்ள குடியிருப்பு கட்டிடங்களுக்கு 50 சதவீதம் சொத்து வரி உயர்த்தப்பட்டுள்ளது. 1,201 முதல் 1,800 சதுர அடி வரை 75 சதவீதமும், 1,800 சதுர அடிக்கு அதிகமான கட்டிடங்களுக்கு 100 சதவீதமும் சொத்து வரி உயர்த்தப்பட்டுள்ளது. தற்போது உள்ள சொத்து வரியில், வணிக பயன்பாட்டு கட்டிடங்களுக்கு 100 சதவீதமும், தொழிற்சாலை மற்றும் கல்வி நிலைய பயன்பாட்டு கட்டிடங்களுக்கு 75 சதவீதமும் உயர்த்தப்பட்டது. 

இந்தநிலையில், தமிழ்நாடு அரசு சொத்து வரியை உயர்த்தியதை கண்டித்து அதிமுக சார்பில் இன்று தமிழ்நாடு முழுவதும் ஆர்ப்பாட்டம் நடைபெற்றது. திருச்சியில் சொத்து வரி உயர்வை கண்டித்து  எடப்பாடி பழனிச்சாமி தலைமையில் ஆர்ப்பாட்டம் நடைபெற்றது. அப்பொழுது பேசிய எடப்பாடி பழனிச்சாமி, திமுக ஆட்சிக்கு வருவதற்கு முன்பு வெளியிட்ட தேர்தல் அறிக்கையில் சொத்து வரி உயர்த்தபடாது என்று தெரிவித்திருந்தனர். ஆனால், மக்கள் தாக்கு பிடிக்க முடியாத அளவிற்கு வீட்டு வரி உயர்வை கொடுத்துள்ளது. 

மக்கள் மீது பெரிய சுமையை திமுக அரசு சுமத்தியுள்ளது. ஸ்டாலின் முதலமைச்சரானதில் இருந்து மக்களை பற்றி கவலைப்படுவதில்லை. வீட்டு மக்களை பற்றிதான் கவலைப்படுகிறார். மக்களுக்கு என்ன பிரச்சனை என்று ஸ்டாலின் அவர்களுக்கு தெரியவில்லை என்றார். தொடர்ந்து, பொங்கல் தொகுப்பில் முறைக்கேடு, திமுக ஆட்சியில் லஞ்சம், ஊழல் தலைவிரித்து ஆடுகிறது, அரசு அதிகாரிகள் உண்மையாக செயல்பட முடியவில்லை, போதை பொருட்கள் விற்பனை அதிகரிப்பு, இவற்றை தடுக்காவிட்டால் இனிமேல் திமுகவிற்கு எதிர்காலமே இல்லை என்று குறிப்பிட்டுள்ளார். 

தொடர்ந்து பேசிய அவர், பத்திரிக்கை செய்திகள் முக ஸ்டாலின் டீ குடிப்பதையும், பளு தூக்குவதை மட்டுமே காட்டுகிறது. எனவே, பளுதூக்கும் போட்டிக்கு ஸ்டாலின் அவர்களை அனுப்பலாம் என்று தமிழ்நாடு முதலமைச்சர் முக ஸ்டாலினை எதிர்க்கட்சி தலைவர் எடப்பாடி பழனிசாமி கடுமையான விமர்சனத்தை முன்வைத்துள்ளார். 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூடிபில் வீடியோக்களை காண