கன்னியாகுமரி: விசைப்படகு உரிமையாளர் வீட்டில் 90 சவரன் நகை, 35 லட்சம் பணம் கொள்ளை

கொள்ளை நடந்த போது ஆன்றணி பாபு வீட்டருகே நடந்த திருமண நிகழ்ச்சியால் அதிக அளவு ஆள் நடமாட்டம் இருந்த நிலையிலும் அரங்கேறிய கொள்ளை சம்பவத்தால் அப்பகுதி மக்கள் அதிர்ச்சி

கொள்ளையடிக்கப்பட்ட நகைகள்

கன்னியாகுமரி மாவட்டத்தில் கடந்த சில நாட்களாக கொலை மற்றும் கொள்ளை சம்பவங்கள் அதிக அளவில் நடைபெற்று வருகிறது. இதனை தடுக்க மாவட்ட காவல் கண்காணிப்பாளர் பல்வேறு தனிபடைகளை அமைத்து தீவிர தேடுதல் வேட்டையில் ஈடுபட்டு வருகின்றனர். குற்ற சம்பவங்களில் ஈடுபடும் நபர்களை தொடர்ச்சியாக கைது செய்து நடவடிக்கை மேற்கொள்ளப்பட்டு வருகின்றன. இருப்பினும் போலீஸ் கண்ணில் மண்ணைத் தூவிவிட்டு பல கொள்ளைகள் அரங்கேறி வருகிறது. அந்த வகையில் கன்னியாகுமரி மாவட்டம் வாணியக்குடி பகுதியை சேர்ந்தவர் ஆன்றணி பாபு கேரளாவில் விசைப்படகு வைத்து மீன்பிடி தொழில் செய்து வருகிறார்.

இந்த நிலையில் நேற்று மாலை அவரது குடும்பத்தினர் வீட்டை பூட்டி விட்டு அருகில் உள்ள தேவாலயத்திற்கு சென்றுள்ளனர் இரவு பத்து மணிக்கு வீடு திரும்பியுள்ளனர். வீடு திரும்பிய அவர்கள் வீட்டின் பின்பக்க கதவின் பூட்டு உடைக்கப்பட்டு திறந்த நிலையில் கிடைப்பதை கண்டு அதிர்ச்சியடைந்தனர். தொடர்ந்து வீட்டில் அறைகளை சென்று பார்த்தபோது அறையில் இருந்த இரண்டு பீரோ கதவுகளும் திறக்கப்பட்டு பீரோ அறையில் வைக்கப்பட்டிருந்த 35 லட்சம் மதிப்பிலான 90 சவரன் தங்க நகைகளை கொள்ளை போன நிலையில் நகை பெட்டிகள் திறக்கப்பட்டு சிதறிய நிலையில் கிடந்துள்ளது.

மேட்டூர் அணையின் நீர் வரத்து 16,400 கன அடியில் இருந்து 12,400 கன அடியாக குறைந்தது

கொள்ளை சம்பவம் குறித்து தகவலறிந்த குளச்சல் போலீசார் சம்பவ இடத்திற்கு கைரேகை நிபுணர்களுடன் விசாரணை நடத்தி 90 சவரன் தங்க நகைகளை கொள்ளையடித்து தப்பியோடிய மர்ம நபர்களை தேடி வருகின்றனர் கொள்ளை நடந்த போது ஆன்றணி பாபு வீட்டருகே நடந்த திருமண நிகழ்ச்சியால் அதிக அளவு ஆள் நடமாட்டம் இருந்த நிலையிலும் அரங்கேறிய கொள்ளை சம்பவத்தால் அப்பகுதி மக்கள் அதிர்ச்சியடைந்துள்ளனர்.

தருமபுரி வழியாக கேரளாவுக்கு கடத்த முயன்ற 3,600 கிலோ குட்கா பறிமுதல்